Virat Kohli: విరాట్ కోహ్లీపై వేటు పడనుందా.? మూడో టెస్టుకు టీమిండియా కెప్టెన్ దూరమవుతాడా.!

Virat Kohli: రెండో టెస్టులో ఇంగ్లాండ్‌ను మట్టికరిపించిన టీమిండియా రెట్టింపు ఉత్సాహంతో మూడో మ్యాచ్‌కు సన్నద్ధం అవుతోంది. అయితే టీమిండియా..

Virat Kohli Captaincy

Ravi Kiran |
Updated on: Feb 17, 2021 | 7:01 PM

Virat Kohli: రెండో టెస్టులో ఇంగ్లాండ్‌ను మట్టికరిపించిన టీమిండియా రెట్టింపు ఉత్సాహంతో మూడో మ్యాచ్‌కు సన్నద్ధం అవుతోంది. అయితే టీమిండియా కెప్టెన్ విరాట్ కోహ్లీపై మాత్రం వేటు పడనుందని వార్తలు వినిపిస్తున్నాయి. సెకండ్ టెస్టు నాలుగో ఇన్నింగ్స్‌లో ఆన్‌ఫీల్డ్ అంపైర్ నితిన్ మీనన్‌తో కోహ్లీ తీవ్ర వాగ్వాదానికి దిగిన సంగతి తెలిసిందే. ఈ గొడవ కారణంగా మూడో టెస్టుకు టీమిండియా కెప్టెన్ విరాట్ కోహ్లీ సస్పెండ్ అయ్యే అవకాశాలు ఉన్నాయని క్రికెట్ విశ్లేషకులు అంటున్నారు.

సెకండ్ ఇన్నింగ్స్‌లో అక్షర్ పటేల్ బౌలింగ్‌లో ఇంగ్లాండ్ కెప్టెన్ జో రూట్ ప్యాడ్‌కు తాకి బంతి వెనక్కి వెళ్లడంతో టీమిండియా ప్లేయర్స్ ఎల్బీడబ్ల్యూ అప్పీల్ చేశారు. అయితే ఆన్‌ఫీల్డ్ అంపైర్ నితిన్ మీనన్ దాన్ని నాటౌట్‌గా ప్రకటించారు.

దీనితో కోహ్లీ రివ్యూ తీసుకున్నాడు. ఆ రివ్యూలో బంతి ప్యాడ్‌కు తాకినట్లు తేలింది. అంతేకాకుండా ఎల్బీడబ్ల్యూ రివ్యూలో బంతి వికెట్లను సైతం తాకినట్లు స్పష్టమైంది. కానీ అక్కడ అంపైర్ కాల్‌తో రూట్ ఔట్ అయ్యే ప్రమాదం నుంచి తప్పించుకున్నాడు. ఆ నిర్ణయం వల్ల కోహ్లీ అంపైర్ నితిన్ మీనన్‌తో వాగ్వాదానికి దిగాడు. అంపైర్లు ఎంతగా సర్ది చెప్పినా వినిపించుకోలేదు. ఇక కోహ్లీ చేసిన ఈ తప్పును లెవెల్ 1 లేదా లెవెల్ 2 తప్పిదంగా పరిగణించే అవకాశం ఉంది. ఈ తప్పుకు కనీసం నాలుగు డీ మెరిట్ పాయింట్స్‌ వచ్చే ఛాన్స్ ఉండటంతో.. ఇప్పటికే అతడిపై ఉన్న రెండు డీ మెరిట్ పాయింట్స్‌ కూడా కలిపితే ఓ టెస్టు మ్యాచ్ నిషేధం పడే అవకాశం ఉంది.