Pak vs Eng: పాక్‌ బ్యాటర్‌ పవర్‌ఫుల్‌ షాట్‌.. బంతి గట్టిగా తగిలి నొప్పితో విలవిల్లాడిన అంపైర్‌

Pak Vs Eng

ఎప్పుడైతే టీ20 క్రికెట్‌ ఫార్మాట్‌ ప్రారంభమైందో బ్యాటర్లు బాదడమే పనిగా పెట్టుకున్నారు. ప్రత్యర్థి.. బౌలర్‌ ఎవరైనా సరే వీలైనంత వేగంగా పరుగులు సాధించడమే బరిలోకి దిగుతున్నారు. ఈనేపథ్యంలో బ్యాటర్లు బలంగా బాదే షాట్ల వల్ల కొన్ని సార్లు బౌలర్లు, ఫీల్డర్లు తీవ్రంగా గాయపడుతున్నారు. మరికొన్ని సార్లు ఫీల్డ్ అంపైర్లు కూడా గాయపడుతున్నారు. తాజాగా ఇంగ్లండ్‌, పాకిస్థాన్ మ‌ధ్య జ‌రిగిన ఆరో టీ20 మ్యాచ్‌లో ఫీల్డ్‌ అంపైర్‌గా బాధ్యతలు నిర్వహిస్తోన్న అలీమ్ దార్ ఇలాగే గాయ‌ప‌డ్డాడు. దీనికి సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది.

కాగా ఈ ఘ‌ట‌న ఇన్నింగ్స్ ఆరో ఓవ‌ర్‌లో చోటు చేసుకుంది. రిచ‌ర్డ్ గ్లీస‌న్ వేసిన ఆ ఓవ‌ర్‌లో బ్యాట‌ర్ హైద‌ర్ ఫుల్ షాట్ ఆడాడు. బంతి త‌న‌వైపు వ‌స్తున్నట్లు గ‌మ‌నించిన అంపైర్ అలీమ్ దార్‌ దాని నుంచి త‌ప్పించుకునేందుకు తెగ ట్రై చేశాడు. కానీ ఫలితం లేకుండా పోయింది. ఆ బాల్ గట్టిగా ఆయనకు తగిలింది. దీంతో కొద్ది సేపు నొప్పితో బాధపడిపోయాడు అంపైర్‌ దార్‌. కాగా ఈ మ్యాచ్‌లో ఇంగ్లండ్ 8 వికెట్ల తేడాతో విజయం సాధించి ఏడు వన్డేల సిరీస్‌ను 3-3తో సమం చేసింది. తొలుత బ్యాటింగ్‌ చేసిన పాక్ 6 వికెట్లకు 169 ర‌న్స్ చేయ‌గా, ఇంగ్లండ్‌ 14.3 ఓవర్లలోనే సులభంగా లక్ష్యాన్ని ఛేదించింది. ఫిల్ సాల్ట్ 41 బంతుల్లో 88 ర‌న్స్ చేశాడు. హేల్స్ 27, మ‌ల‌న్ 26, డ‌క్కెట్‌26 పరుగులతో రాణించారు. కాగా సిరీస్‌ ఫలితాన్ని నిర్ణయించే ఆఖరి టీ20 మ్యాచ్‌ రేపు జరగనుంది.

మరిన్ని క్రీడా వార్తల కోసం క్లిక్ చేయండి..