Yuzvendra Chahal: పాపం చాహల్.. విడాకుల వార్తల మధ్య ఊహించని షాక్ తగిలిందిగా..
Yuzvendra Chahal: సుమారు 6-7 నెలల క్రితం వరకు, యుజ్వేంద్ర చాహల్ జీవితం ఎంతో సంతోషంగా ఉండేది. కానీ, ఆ తర్వాత పరిస్థితి పూర్తిగా మారిపోయింది. టీ20 ప్రపంచ కప్ గెలిచి, ఇంటికి తిరిగి వచ్చినప్పటి నుంచి క్రికెట్ కెరీర్‌లోనే కాదు.. పర్సనల్ లైఫ్‌లోనూ ఇబ్బందులు ఎదుర్కొంటున్నాడు.
Yuzvendra Chahal: భారత క్రికెటర్ యుజ్వేంద్ర చాహల్ ప్రస్తుతం విచిత్రమైన పరిస్థితిని ఎదుర్కొంటున్నాడు. అటు క్రికెట్ కెరీర్‌లోనే కాదు, జీవితంలోనూ ఇబ్బందులు పడుతున్నాడు. 6-7 నెలల క్రితం వరకు, చాహల్ టీమ్ ఇండియాలో భాగంగా ఉన్నాడు. టీ20 ప్రపంచ కప్ గెలిచిన తర్వాత తిరిగి వచ్చాడు. కానీ, గత 6 నెలలు అతనికి చాలా చెడ్డది. అతను టీమిండియాతో తెగతెంపులు చేసుకోవడమే కాకుండా భార్య ధనశ్రీ వర్మతో విడాకులు తీసుకోనున్నట్లు వార్తలు కూడా వస్తున్నాయి. తన వ్యక్తిగత జీవితంలో ఈ క్లిష్ట కాలం మధ్య, చాహల్ ఇప్పుడు కెరీర్ ముందు మరో ఎదురుదెబ్బను ఎదుర్కొన్నాడు.
హర్యానా జట్టు నుంచి కూడా ఔట్..
టీమిండియా నుంచి తప్పుకున్న తరువాత, చాహల్ ఇప్పుడు అతని రాష్ట్ర జట్టు హర్యానా నుంచి కూడా తొలగించబడ్డాడు. కొన్ని రోజుల క్రితం వరకు, సయ్యద్ ముస్తాక్ అలీ టీ20 ట్రోఫీలో చాహల్ జట్టులో భాగంగా ఉన్నాడు. నిరంతరం ఆడుతున్నా.. కానీ, అతనికి విజయ్ హజారే ట్రోఫీలో అవకాశం రాలేదు. టోర్నీ గ్రూప్ దశలో కూడా చాహల్‌ను చేర్చలేదు. ఇప్పుడు చాహల్‌ను క్వార్టర్ ఫైనల్స్‌కు కూడా ఎంపిక చేయలేదు. బహుశా అతని వ్యక్తిగత జీవితంలో కొనసాగుతున్న గందరగోళం కారణంగా, అతనికి ప్రస్తుతానికి విరామం ఇచ్చినట్లు ఊహాగానాలు జరుగుతున్నాయి. అయితే, అసోసియేషన్ దీనిని ఖండించింది.
వ్యక్తిగత కారణాల వల్ల కాకుండా క్రికెట్‌కు సంబంధించిన కారణాల వల్ల హర్యానా క్రికెట్ అసోసియేషన్ చాహల్‌ను జట్టులోకి తీసుకోలేదని క్రిక్‌బజ్ తన నివేదికలో పేర్కొంది. భవిష్యత్తు కోసం కొత్త స్పిన్నర్‌ని సిద్ధం చేసేందుకు ఇలాంటి నిర్ణయం తీసుకున్నామని, సెలక్టర్లు దీనికి సిద్ధంగా ఉన్నారని, చాహల్‌తో కూడా దీని గురించి మాట్లాడారని ఈ అధికారి చెప్పుకొచ్చాడు. ఇటువంటి పరిస్థితిలో, లెగ్ స్పిన్ ఆల్ రౌండర్ పార్త్ వాట్స్‌ను జట్టులోకి తీసుకున్నారు. గత ఏడాది హర్యానా ఈ టోర్నీ టైటిల్‌ను గెలుచుకుంది. చాహల్ ఇందులో ప్రత్యేక పాత్ర పోషించాడు.
ఐపీఎల్‌లో సత్తా చాటేందుకు అవకాశం..
అయితే, చాహల్‌కు ఇంకా ఐపీఎల్‌కు అవకాశం ఉన్నందున క్రికెట్‌కు పూర్తిగా దూరం కాలేదు. ఇండియన్ ప్రీమియర్ లీగ్‌లో అత్యంత విజయవంతమైన బౌలర్ అయిన చాహల్‌ను పంజాబ్ కింగ్స్ కొత్త సీజన్ కోసం నిర్వహించిన మెగా వేలంలో రూ.18 కోట్ల భారీ బిడ్‌తో కొనుగోలు చేసింది. ఈ విధంగా ఐపీఎల్ వేలం చరిత్రలోనే అత్యంత ఖరీదైన స్పిన్నర్‌గా నిలిచాడు. దీనికి ముందు, చాహల్ వరుసగా 3 సీజన్లలో రాజస్థాన్ రాయల్స్‌లో భాగంగా ఉన్నాడు. అక్కడ అతను పర్పుల్ క్యాప్‌ను కూడా గెలుచుకున్నాడు. ఐపీఎల్ 2025 సీజన్ మార్చి 15 నుంచి ప్రారంభం కానుంది.
మరిన్ని క్రీడా వార్తల కోసం ఇక్కడ క్లిక్ చేయండి..