Virat Kohli: ‘770’ బాధలో విరాట్ కోహ్లీ.. రిటైర్మెంట్ చేసినందుకు పశ్చాత్తాపం?
Virat kohli: భారత జట్టు స్టార్ ఆటగాడు విరాట్ కోహ్లీ టెస్ట్ క్రికెట్కు వీడ్కోలు పలికిన సంగతి తెలిసిందే. విరాట్ కోహ్లీ నిర్ణయంపై చాలా మంది మాజీ ఆటగాళ్ల స్పందన చూస్తే, ఈ టీమిండియా బ్యాట్స్మన్ నిర్ణయం సరైనదని వారు భావించడం లేదని స్పష్టమవుతోంది. 36 ఏళ్ల ఈ బ్యాట్స్మన్ ఇంగ్లాండ్ సిరీస్కు ముందు టెస్ట్ రిటైర్మెంట్ ప్రకటించిన సంగతి తెలిసిందే.
Virat Kohli: భారత జట్టు దిగ్గజ ఆటగాడు విరాట్ కోహ్లీ ప్రపంచవ్యాప్తంగా లక్షలాది మంది యువ ఆటగాళ్లకు స్ఫూర్తిదాయకంగా నిలిచాడు. మే 12న టెస్ట్ క్రికెట్ నుంచి రిటైర్ అయిన ఈ బ్యాట్స్మన్.. ఇప్పుడు వన్డే క్రికెట్లో మాత్రమే టీమ్ ఇండియాకు ప్రాతినిధ్యం వహించనున్నాడు. విరాట్ కోహ్లీ 36 ఏళ్ల వయసులో రిటైర్మెంట్ ప్రకటించాలని నిర్ణయించుకున్నాడు. అతను మరికొన్ని సంవత్సరాలు టెస్ట్ క్రికెట్ ఆడగలిగేవాడని చాలా మంది అనుభవజ్ఞులు భావిస్తున్నారు. ప్రస్తుతానికి టెస్ట్ క్రికెట్ నుంచి రిటైర్ అయినందుకు విరాట్ కోహ్లీ చింతించకపోవచ్చు. భవిష్యత్తులో అతను టెస్ట్ క్రికెట్కు ముందుగానే వీడ్కోలు పలికినందుకు ఖచ్చితంగా చింతిస్తాడని తెలుస్తోంది. అందుకు కారణం ఓ రికార్డు సృష్టించలేకపోవడం వల్ల అని మీకు తెలుసా? ఆ వివరాలు ఏంటో ఇప్పుడు తెలుసుకుందాం..
టెస్ట్ క్రికెట్ నుంచి రిటైర్మెంట్ తీసుకున్నందుకు బాధలో విరాట్ కోహ్లీ..
భారత జట్టు స్టార్ ఆటగాడు విరాట్ కోహ్లీ టెస్ట్ క్రికెట్కు వీడ్కోలు పలికిన సంగతి తెలిసిందే. విరాట్ కోహ్లీ నిర్ణయంపై చాలా మంది మాజీ ఆటగాళ్ల స్పందన చూస్తే, ఈ టీమిండియా బ్యాట్స్మన్ నిర్ణయం సరైనదని వారు భావించడం లేదని స్పష్టమవుతోంది. 36 ఏళ్ల ఈ బ్యాట్స్మన్ ఇంగ్లాండ్ సిరీస్కు ముందు టెస్ట్ రిటైర్మెంట్ ప్రకటించిన సంగతి తెలిసిందే. ఇప్పటివరకు అతను టీం ఇండియా తరపున 123 టెస్టులు ఆడాడు. ఇందులో అతను 55 స్ట్రైక్ రేట్, 46 సగటుతో 9230 పరుగులు చేశాడు. ఇందులో 30 సెంచరీలు, 31 హాఫ్ సెంచరీలు ఉన్నాయి.
10,000 పరుగుల మార్కుకు కేవలం 770 పరుగుల దూరంలో..
టెస్టుల్లో 10,000 పరుగులు సాధించడానికి విరాట్ కోహ్లీ కేవలం 770 పరుగుల దూరంలో ఉన్నాడు. కానీ, అతను తన రిటైర్మెంట్ ప్రకటించాడు. దీని కారణంగా ఆటగాళ్ళు ఈ రికార్డును నెలకొల్పడంలో వెనుకబడ్డారు. విరాట్ కోహ్లీ టెస్ట్ క్రికెట్ ఆడటం కొనసాగిస్తే, అతను సులభంగా 10 వేల టెస్ట్ పరుగులు చేసిన భారత బ్యాట్స్మన్గా మారేవాడు. కానీ, రిటైర్మెంట్ ప్రకటనతో ఈ ప్రత్యేక రికార్డును సాధించే అవకాశాన్ని కోల్పోయాడు.
కేవలం ముగ్గురే..
భారత క్రికెట్ జట్టు తరపున టెస్ట్ ఫార్మాట్లో 10 వేల పరుగులు చేసిన రికార్డు కేవలం ముగ్గురు భారతీయ ఆటగాళ్ల పేరిట మాత్రమే ఉంది. ఇందులో సచిన్ టెండూల్కర్, రాహుల్ ద్రవిడ్, సునీల్ గవాస్కర్ పేర్లు ఉన్నాయి. అయితే, విరాట్ కోహ్లీ కేవలం 205 ఇన్నింగ్స్లలో వన్డే ఫార్మాట్లో 10 వేల పరుగులు సాధించాడు. ఈ విషయంలో అతను అనేక రికార్డులను బద్దలు కొట్టాడు. టెస్ట్, వన్డే రెండింటిలోనూ 10 వేల పరుగులు సాధించిన ఘనతను సచిన్ టెండూల్కర్, రాహుల్ ద్రవిడ్ మాత్రమే సాధించగలిగారు. కొంతకాలం తర్వాత విరాట్ కోహ్లీ టెస్ట్ల నుంచి రిటైర్ అయి ఉంటే, ఈ ప్రత్యేక రికార్డు అతని పేరు మీద కూడా ఉండేది. ఈ రికార్డు విరాట్ కోహ్లీ పేరు మీద లేకపోవడం పట్ల అతని అభిమానులు విచారం వ్యక్తం చేస్తున్నారు.
మరిన్ని ఐపీఎల్ వార్తల కోసం ఇక్కడ క్లిక్ చేయండి..