Cricket: విజయానికి 9 పరుగులు.. చేతిలో 6 వికెట్లు.. నరాలు తెగే ఉత్కంఠ.. సీన్ కట్ చేస్తే!

Cricket News

విజయానికి 9 పరుగులు.. చేతిలో 6 వికెట్లు.. ఉన్నవి 6 బంతులు.. ఇంకేముంది బ్యాటింగ్ చేస్తోన్న జట్టు ఈజీగా గెలుస్తుందని అని అంటారా.? అయితే ఇక్కడే అసలు ట్విస్ట్.. ఫైనల్ ఓవర్.. థ్రిల్లర్ సినిమాను తలపించింది. నరాల తెగే ఉత్కంఠతో మ్యాచ్ పూర్తయింది. ఆ కథేంటో చూసేద్దాం పదండి..

ఇటీవల విటాలిటీ టీ20 బ్లాస్ట్‌లో జరిగిన సోమర్‌సెట్, సర్రీ మధ్య మ్యాచ్ ఓ థ్రిల్లర్ సినిమాను తలపించింది. ఇందులో తొలుత బ్యాటింగ్ చేసిన సోమర్‌సెట్ నిర్ణీత 20 ఓవర్లకు 8 వికెట్ల నష్టానికి 144 పరుగులు చేసింది. టామ్ బాండన్(39) జట్టులో టాప్ స్కోరర్‌గా నిలిచాడు. ఇక అనంతరం 145 పరుగుల లక్ష్యంతో బరిలోకి దిగిన సర్రీ 19 ఓవర్లకు 4 వికెట్ల నష్టానికి 13 పరుగులు చేసింది. ఆఖరి ఓవర్‌లో ఆ జట్టుకు విజయం సాధించాలంటే 9 పరుగులు అవసరం. సోమర్‌సెట్.. లాస్ట్ ఓవర్ సీనియర్ బౌలర్ అయిన సిడిల్‌కు ఇచ్చింది.

తొలి బంతికి సింగిల్.. ఆ తర్వాత బంతికి వికెట్.. మూడో బంతి బౌండరీ.. దీనితో సర్రీ విజయానికి లాస్ట్ 3 బంతుల్లో 4 పరుగులు అవసరమయ్యాయి. అయితే సిడిల్ వేసిన 4, 5 బంతుల్లో సర్రీ రెండు వికెట్లు కోల్పోయింది. అంతే.. ఒక్కసారిగా మ్యాచ్‌లో నరాలు తెగే ఉత్కంఠ మొదలైంది. అయితే ఆఖరి బంతికి కాన్‌ మెకర్‌ ఫోర్ కొట్టడంతో.. సర్రీ జట్టు ఊపిరి పీల్చుకుంది.

సోమర్‌సెట్‌పై అద్భుత విజయాన్ని అందుకుంది. ప్రస్తుతం ఆ మ్యాచ్‌ ఆఖరి ఓవర్‌కు సంబంధించిన వీడియో సోషల్ మీడియాలో వైరల్‌గా మారింది. మీరూ ఓ లుక్కేయండి.