Shubman Gill : టెస్ట్ కెప్టెన్గా గిల్ అసాధారణ రికార్డు.. విరాట్ వారసత్వాన్ని మోస్తున్న యంగ్ కెప్టెన్
టీమిండియా టెస్టు కెప్టెన్గా బాధ్యతలు చేపట్టిన తర్వాత యంగ్ సెన్సేషన్ శుభ్మన్ గిల్ ఆట తీరు పూర్తిగా మారిపోయింది. ముఖ్యంగా విరాట్ కోహ్లీ వారసత్వాన్ని కొనసాగిస్తూ నాలుగో స్థానంలో బ్యాటింగ్కు దిగుతున్న గిల్, పరుగుల సునామీ సృష్టిస్తున్నాడు. టెస్ట్ కెప్టెన్గా మారడానికి ముందు, శుభ్మన్ గిల్ తన టెస్ట్ కెరీర్లో 59 ఇన్నింగ్స్లలో 35.06 సగటుతో 1,893 పరుగులు చేశాడు.
Shubman Gill : టీమిండియా టెస్టు కెప్టెన్గా బాధ్యతలు చేపట్టిన తర్వాత యంగ్ సెన్సేషన్ శుభ్మన్ గిల్ ఆట తీరు పూర్తిగా మారిపోయింది. ముఖ్యంగా విరాట్ కోహ్లీ వారసత్వాన్ని కొనసాగిస్తూ నాలుగో స్థానంలో బ్యాటింగ్కు దిగుతున్న గిల్, పరుగుల సునామీ సృష్టిస్తున్నాడు. కెప్టెన్సీ పగ్గాలు చేపట్టకముందు 35.06 సగటుతో ఉన్న గిల్, ఇప్పుడు కేవలం 12 ఇన్నింగ్స్లలో 5 సెంచరీలు బాది, తన సగటును 84.8కి పెంచుకోవడం అందరినీ ఆశ్చర్యానికి గురిచేస్తోంది. ఈ అద్భుతమైన ఫామ్తో, టెస్ట్ కెప్టెన్లలో అత్యధిక సగటు విషయంలో గిల్ ఇప్పుడు ఆస్ట్రేలియా దిగ్గజం డాన్ బ్రాడ్మన్కు మాత్రమే వెనుకబడి ఉన్నాడు.
టెస్ట్ కెప్టెన్గా మారడానికి ముందు, శుభ్మన్ గిల్ తన టెస్ట్ కెరీర్లో 59 ఇన్నింగ్స్లలో 35.06 సగటుతో 1,893 పరుగులు చేశాడు. కేవలం ఐదు సెంచరీలను మాత్రమే సాధించాడు. అయితే, కెప్టెన్సీ పగ్గాలు చేపట్టిన తర్వాత అతని బ్యాటింగ్ గణాంకాలు అసాధారణంగా పెరిగాయి. గిల్ కెప్టెన్సీ తీసుకున్న తర్వాత ఆడిన 12 ఇన్నింగ్స్లలో ఏకంగా 933 పరుగులు చేశాడు. ఈ 12 ఇన్నింగ్స్లలో అతని బ్యాటింగ్ సగటు ఏకంగా 84.8 గా ఉంది. దీంతో అతని టెస్ట్ కెరీర్ సగటు 43 మార్కును కూడా దాటింది.
ఈ సమయంలో అతను ఒక డబుల్ సెంచరీతో సహా 5 సెంచరీలు బాదాడు. వెస్టిండీస్తో జరుగుతున్న రెండో టెస్టు తొలి ఇన్నింగ్స్లో అజేయంగా 129 పరుగులు చేయగా, అంతకుముందు తొలి టెస్టులో 50 పరుగులు చేశాడు. కెప్టెన్గా 7 లేదా అంతకంటే ఎక్కువ ఇన్నింగ్స్లు ఆడిన ఆటగాళ్లలో అత్యధిక సగటు రికార్డు ఆస్ట్రేలియా దిగ్గజం డాన్ బ్రాడ్మన్ పేరిట ఉంది. కెప్టెన్గా బ్రాడ్మన్ 101.51 సగటుతో పరుగులు చేశాడు.
అద్భుతమైన 84.8 సగటుతో శుభ్మన్ గిల్ ఇప్పుడు బ్రాడ్మన్కు రెండవ స్థానంలో ఉన్నాడు. ఈ అసాధారణ గణాంకాలు గిల్ బాధ్యతను సూచిస్తున్నాయి. కెప్టెన్సీ తీసుకున్న తర్వాత గిల్, విరాట్ కోహ్లీ స్థానమైన నెం. 4 లో బ్యాటింగ్ చేస్తున్నాడు. ఈ స్థానంలో కోహ్లీ సృష్టించిన వారసత్వాన్ని గిల్ విజయవంతంగా ముందుకు తీసుకుపోతున్నాడు. కెప్టెన్గా తన తొలి టెస్టు మ్యాచ్లోనే గిల్ సెంచరీ (ఇంగ్లాండ్పై 147 పరుగులు, హెడింగ్లీ టెస్ట్) చేశాడు. ఇంగ్లాండ్పై సిరీస్లో అత్యధిక పరుగులు చేసిన బ్యాట్స్మెన్ కూడా గిల్లే. అతను 10 ఇన్నింగ్స్లలో 4 సెంచరీలతో 754 పరుగులు సాధించాడు.
కెప్టెన్గా ఆడిన 12 ఇన్నింగ్స్లలో కేవలం రెండుసార్లు మాత్రమే గిల్ 10 పరుగులు చేయకుండా అవుటయ్యాడు. ఇది అతని అద్భుతమైన స్థిరత్వాన్ని తెలియజేస్తుంది. శుభ్మన్ గిల్ కేవలం టెస్టులకే పరిమితం కాకుండా, భారత వన్డే జట్టుకు కూడా కెప్టెన్గా నియమితుడయ్యాడు. ఆస్ట్రేలియాతో జరగబోయే రాబోయే వన్డే సిరీస్లో అతను జట్టును నడిపించనున్నాడు. టెస్ట్ ఫార్మాట్లో కెప్టెన్సీ అతని బ్యాటింగ్కు ఎంత ప్లస్ అయ్యిందో, వన్డేలలో కూడా అదే ఫామ్ కొనసాగుతుందని అభిమానులు ఆశిస్తున్నారు.
మరిన్ని క్రికెట్ వార్తల కోసం ఇక్కడ క్లిక్ చేయండి..