RR vs GT, IPL 2023: టాస్ గెలిచిన రాజస్థాన్.. ప్లేయింగ్ 11లో కీలక మార్పులు..
Gujarat Titans vs Rajasthan Royals: రాజస్థాన్ రాయల్స్ కెప్టెన్ సంజూ శాంసన్ టాస్ గెలిచిన తర్వాత మొదట బౌలింగ్ చేయాలని నిర్ణయించుకున్నాడు.
GT vs RR Live: IPLలో ఈ రాత్రి (ఏప్రిల్ 16) భారీ మ్యాచ్ జరగనుంది. గత ఐపీఎల్ సీజన్లో ఫైనల్లో తడిన రాజస్థాన్ రాయల్స్, గుజరాత్ టైటాన్స్ మధ్య నేడు పోరు జరుగుతోంది. ఈ సీజన్లోనూ ఇరు జట్లు పటిష్ట ప్రదర్శన కనబరుస్తున్నాయి. ఇరు జట్లు ఇప్పటి వరకు నాలుగు మ్యాచ్లు ఆడగా మూడు మ్యాచ్లు గెలిచాయి.
రాజస్థాన్ రాయల్స్ కెప్టెన్ సంజూ శాంసన్ టాస్ గెలిచిన తర్వాత మొదట బౌలింగ్ చేయాలని నిర్ణయించుకున్నాడు. ట్రెంట్ బౌల్ట్ మళ్లీ జట్టులోకి వచ్చాడు. అదే సమయంలో, జాసన్ హోల్డర్ ప్లేయింగ్ ఎలెవన్ నుంచి నిష్క్రమించాడు. అయితే ఈరోజు విజయ్ శంకర్ గుజరాత్ టైటాన్స్లో ఆడడం లేదు. అభినవ్ మనోహర్ మళ్లీ జట్టులోకి వచ్చాడు.
ఈ సీజన్లో ఇరు జట్లూ ఒకే ఒక్క ఓటమిని చవిచూశాయి. ఆఖరి బంతికి కూడా ఈ ఓటమిని ఎదుర్కొన్నాయి. ఇలాంటి పరిస్థితుల్లో గత సీజన్లో చాంపియన్, రన్నరప్ల మధ్య నేడు జరగనున్న మ్యాచ్ చాలా ఆసక్తికరంగా ఉంటుందని భావిస్తున్నారు.
ఇరు జట్లు:
గుజరాత్ టైటాన్స్ (ప్లేయింగ్ XI): వృద్ధిమాన్ సాహా(కీపర్), శుభమాన్ గిల్, సాయి సుదర్శన్, హార్దిక్ పాండ్యా(కెప్టెన్), అభినవ్ మనోహర్, డేవిడ్ మిల్లర్, రాహుల్ తెవాటియా, రషీద్ ఖాన్, అల్జారీ జోసెఫ్, మహమ్మద్ షమీ, మోహిత్ శర్మ.
రాజస్థాన్ రాయల్స్ (ప్లేయింగ్ XI): జోస్ బట్లర్, యశస్వి జైస్వాల్, సంజు శాంసన్ (కెప్టెన్ కం కీపర్), రియాన్ పరాగ్, షిమ్రాన్ హెట్మెయర్, ధ్రువ్ జురెల్, రవిచంద్రన్ అశ్విన్, ట్రెంట్ బౌల్ట్, ఆడమ్ జంపా, సందీప్ శర్మ, యుజ్వేంద్ర చాహల్.