FIFA World Cup 2022: గోల్డెన్ బూట్ దక్కించుకున్న లక్కీ ప్లేయర్స్ వీరే.. లిస్టులో వారికి నో ప్లేస్..
1982 ఫిఫా ప్రపంచ కప్‌లో ఓ కీలక అవార్డును ప్రకటించారు. ఈ అవార్డును 2006 ప్రపంచకప్ వరకు గోల్డెన్ షూగా పిలిచేవారు. అయితే, 2010 నుంచి ఈ అవార్డు గోల్డెన్ బూట్‌గా మార్చారు.
ఫిఫా ప్రపంచ కప్ 2022 నవంబర్ 20 నుంచి ప్రారంభమవుతుంది. ప్రపంచ ఛాంపియన్‌లుగా నిలిచేందుకు ప్రపంచంలోని అత్యుత్తమ 32 జట్లు ఖతార్‌లో పోటీ పడబోతున్నాయి. ఈ పెద్ద టోర్నమెంట్‌లో ఓ కీలక అవార్డు కూడా ఇస్తుంటారు. దీని పేరు గోల్డెన్ బూట్. ఫిఫా ప్రపంచకప్‌లో టాప్ స్కోరర్‌కు ఈ అవార్డును అందజేస్తారు. ఈ అవార్డు అధికారికంగా 1982 ప్రపంచ కప్‌లో ప్రారంభమైంది. ఈ అవార్డును 2006 ప్రపంచకప్ వరకు గోల్డెన్ షూగా పిలిచేవారు.
ఫిఫా వరల్డ్ కప్ 2010లో, ఈ అవార్డు పేరు గోల్డెన్ బూట్‌గా మార్చారు. ఈ అవార్డును అందుకోవడం అంత ఈజీ కాదనే విషయం తెలిసిందే. 32 జట్లలో అత్యధిక గోల్స్ చేసిన ఆటగాడు ఈ అవార్డును అందుకుంటాడు. ఫిఫా ప్రపంచ కప్ చరిత్రలో ఇప్పటివరకు 27 మంది ఆటగాళ్లు ఈ అవార్డును అందుకున్నారు. ఆ పూర్తి జాబితాను ఓసారి చూద్దాం..
గోల్డెన్ బూట్ అవార్డు విజేతల జాబితా..
1930 ఫిఫా ప్రపంచ కప్ – గిల్లెర్మో స్టెబిల్ (అర్జెంటీనా) – 8 గోల్స్
1934 ఫిఫా ప్రపంచ కప్ – ఓల్డెరిచ్ నెజెడ్లీ (చెకోస్లోవేకియా) 5 గోల్స్
1938 ఫిఫా ప్రపంచ కప్ – లియోనిడాస్ (బ్రెజిల్) – 7 గోల్స్
1950 ఫిఫా ప్రపంచ కప్ – అడెమిర్ (బ్రెజి) – 8 గోల్స్
1954 ఫిఫా ప్రపంచ కప్ – సాండర్ కోకాక్స్ (హంగేరి) – 11 గోల్స్
1958 ఫిఫా ప్రపంచ కప్ – జస్ట్ ఫాంటైన్ (ఫ్రాన్స్) – 13 గోల్స్
1962 ఫిఫా ప్రపంచ కప్ – ఫ్లోరియన్ ఆల్బర్ట్ (హంగేరీ), వాలెంటిన్ ఇవనోవ్ (రష్యా), గారించా, వావా (బ్రెజిల్), డ్రాసన్ జెర్కోవిచ్ (క్రొయేషియా), లియోనెల్ సాంచెజ్ (చిలీ) – 4 గోల్స్
1966 ఫిఫా ప్రపంచ కప్ – ఇసెబియో (పోర్చుగల్) – 9 గోల్స్
1970 ఫిఫా ప్రపంచ కప్ – గెరాడ్ ముల్లర్ (జర్మనీ) – 10 గోల్స్
1974 ఫిఫా ప్రపంచ కప్ – గ్ర్జెగోర్జ్ లాటో (పోలాండ్) – 7 గోల్స్
1978 ఫిఫా ప్రపంచ కప్ – మారియో క్యాంప్స్ (అర్జెంటీనా) – 6 గోల్స్
1982 ఫిఫా ప్రపంచ కప్ – పాలో రోస్సీ (ఇటలీ) – 6 గోల్స్
1986 ఫిఫా ప్రపంచ కప్ – గైరీ లినేకర్ (ఇంగ్లండ్) – 6 గోల్స్
1990 ఫిఫా ప్రపంచ కప్ – సాల్బేటర్ సిలాచ్చి (ఇటలీ) – 6 గోల్స్
1994 ఫిఫా ప్రపంచ కప్ – ఒలేగ్ సాలెంకో (రష్యా), హ్రిస్టో స్టోయిచ్కోవ్ (బల్గేరియా) – 6 గోల్స్
1998 ఫిఫా ప్రపంచ కప్ – దావర్ సుకర్ (క్రొయేషియా) – 6 గోల్స్
2002 ఫిఫా ప్రపంచ కప్ – రొనాల్డో నరాజియో (బ్రెజిల్) – 8 గోల్స్
2006 ఫిఫా ప్రపంచ కప్ – మిరోస్లావ్ క్లోస్ (జర్మనీ) – 5 గోల్స్
2010 ఫిఫా ప్రపంచ కప్ – థామస్ ముల్లర్ (జర్మనీ) – 6 గోల్స్
2014 ఫిఫా ప్రపంచ కప్ – జేమ్స్ రోడ్రిగ్స్ (కొలంబియా) – 6 గోల్స్
2018 ఫిఫా ప్రపంచ కప్ – హ్యారీ కేన్ (ఇంగ్లండ్) – 6 గోల్స్.
ఫుట్‌బాల్ ప్రపంచ కప్ నవంబర్ 20 నుంచి ఖతార్‌లో ప్రారంభమవుతుంది. ఈ ఫుట్‌బాల్ మహోత్సవంలో 32 జట్లు తమ అదృష్టాన్ని పరీక్షించుకోనున్నాయి. ఈసారి ఫుట్‌బాల్ ప్రపంచకప్ మొత్తం ప్రైజ్ మనీ రూ.3568 కోట్లకు చేరింది. విజేత జట్టుకు రూ.344 కోట్లు అందనుండగా, రన్నరప్‌గా నిలిచిన జట్టుకు రూ.245 కోట్లు లభిస్తాయి.