MPL: 11 బౌండరీలు, 4 సిక్సర్లు.. టీ20లో తొలి సెంచరీ.. 2 భారీ రికార్డ్‌లు సృష్టించిన అంకిత్..!

Mpl 2023

జూన్ 17న మహారాష్ట్రలో జరిగిన మహారాష్ట్ర ప్రీమియర్ లీగ్‌లో 30 ఏళ్ల అంకిత్ బావ్నే తన తొలి టీ20 సెంచరీని సాధించాడు. ఈ మ్యాచ్‌లో కొల్హాపూర్ టస్కర్స్ జట్టు తరపున ఆడిన అంకిత్.. రత్నగిరి జెట్స్ జట్టుపై తుఫాన్ సెంచరీ సాధించాడు. ఈ మ్యాచ్‌లో తొలుత బ్యాటింగ్ చేసిన రత్నగిరి జెట్స్ 20 ఓవర్లలో 4 వికెట్ల నష్టానికి 176 పరుగులు చేసింది. జట్టు తరపున ప్రీతమ్ పాటిల్ 32 బంతుల్లో 5 ఫోర్లు, 6 సిక్సర్లతో 69 పరుగులు చేశాడు.

177 పరుగుల లక్ష్యాన్ని ఛేదించిన కొల్హాపూర్ టస్కర్స్ అంకిత్ తుఫాన్ శక్తితో 20 ఓవర్లలో 2 బంతులు మిగిలి ఉండగానే 6 వికెట్ల నష్టానికి 181 పరుగులు చేసింది. దీంతో మ్యాచ్‌లో 4 వికెట్ల తేడాతో విజయం సాధించింది.

అంకిత్ 98 పరుగుల వద్ద ఒక సిక్స్ కొట్టి సెంచరీ థ్రెషోల్డ్ దాటాడు. ఈ సెంచరీ పూర్తి చేసేందుకు అతడు 59 బంతులు ఎదుర్కొన్నాడు. ఈ క్రమంలో 11 బౌండరీలు, 4 సిక్సర్లు బాదాడు.

అంకిత్ సెంచరీ పూర్తి చేసిన తర్వత చివరి సిక్స్ బాదేశాడు. అంకిత్ మ్యాచ్ ముగిసే వరకు నాటౌట్‌గా నిలిచి 60 బంతుల్లో మొత్తం 105 పరుగులు చేశాడు. ఈ సెంచరీతో రెండు రికార్డులు సృష్టించాడు. మొదటిది, అతని T20 కెరీర్‌లో ఇది మొదటి సెంచరీ కాగా, రెండవది, ఇది MPL చరిత్రలో నమోదైన మొదటి సెంచరీ.

అంకిత్ బావ్నే ఫస్ట్ క్లాస్ క్రికెట్ విజయాలను పరిశీలిస్తే, బావ్నే ఫస్ట్ క్లాస్ , లిస్ట్ ఎతో కలిపి మొత్తం 32 సెంచరీలు చేశాడు. ఇప్పుడు టీ20 ఫార్మాట్‌లో తొలి సెంచరీతో అంకిత్ బావ్నే జట్టుకు గొప్ప విజయాన్ని అందించాడు.

మరిన్ని క్రీడా వార్తల కోసం ఇక్కడ క్లిక్ చేయండి..