MI vs RCB IPL 2023: టాస్ గెలిచిన రోహిత్.. ముంబై ప్లేయింగ్ 11లో ఎంట్రీ ఇచ్చిన కొత్త ప్లేయర్..

Mi Vs Rcb Live Score

Mumbai Indians vs Royal Challengers Bangalore: ఇండియన్ ప్రీమియర్ లీగ్ 2023 54వ మ్యాచ్ ముంబై ఇండియన్స్ వర్సెస్ రాయల్స్ ఛాలెంజర్స్ బెంగళూరు మధ్య వాంఖడే స్టేడియంలో కీలక మ్యాచ్ మొదలైంది. ముంబై టాస్ గెలిచి బౌలింగ్ ఎంచుకుంది.

ఈ మైదానంలో ముంబైపై బెంగళూరు జట్టు వరుసగా మూడు మ్యాచ్‌ల్లో ఓడిపోయింది. ఇటువంటి పరిస్థితిలో, ఈ మ్యాచ్‌లో బెంగళూరు ఓటమి క్రమాన్ని ఛేదించేందుకు బరిలోకి దిగనుంది. ఈ మైదానంలో ఆర్‌సీబీ చివరి విజయం 2015లో వచ్చింది. వాంఖడే వేదికగా ఇరు జట్ల మధ్య ఇప్పటి వరకు మొత్తం 8 మ్యాచ్‌లు జరిగాయి. ఇందులో ముంబై 5 గెలిచింది. అదే సమయంలో బెంగళూరు కేవలం మూడు మ్యాచ్‌ల్లో మాత్రమే గెలవగలిగింది.

గాయపడిన జోఫ్రా ఆర్చర్ స్థానంలో ముంబై ఇండియన్స్ కెప్టెన్ రోహిత్ శర్మ క్రిస్ జోర్డాన్‌కు అవకాశం ఇచ్చాడు. జోర్డాన్ ముంబై నుంచి ఐపీఎల్ అరంగేట్రం చేయబోతున్నాడు. అదే సమయంలో బెంగళూరులో కరణ్ శర్మ స్థానంలో విజయ్‌కుమార్ వైశాక్ తిరిగి వచ్చాడు.

ఇరు జట్లు:

రాయల్ ఛాలెంజర్స్ బెంగళూరు (ప్లేయింగ్ XI): విరాట్ కోహ్లి, ఫాఫ్ డు ప్లెసిస్(కెప్టెన్), అనుజ్ రావత్, గ్లెన్ మాక్స్‌వెల్, మహిపాల్ లోమ్రోర్, దినేష్ కార్తీక్(కీపర్), వనిందు హసరంగా, హర్షల్ పటేల్, విజయ్‌కుమార్ వైషాక్, మహ్మద్ సిరాజ్, జోష్ హేజిల్‌వుడ్.

ముంబై ఇండియన్స్ (ప్లేయింగ్ XI): రోహిత్ శర్మ(కెప్టెన్), ఇషాన్ కిషన్(కీపర్), కామెరూన్ గ్రీన్, సూర్యకుమార్ యాదవ్, టిమ్ డేవిడ్, నెహాల్ వధేరా, క్రిస్ జోర్డాన్, పీయూష్ చావ్లా, ఆకాష్ మధ్వల్, కుమార్ కార్తికేయ, జాసన్ బెహ్రెండోర్ఫ్.

మరిన్ని క్రీడా వార్తల కోసం ఇక్కడ క్లిక్ చేయండి..