INDW vs NZW: కివీస్‌పై ఘన విజయం.. కట్‌చేస్తే.. సెమీస్ చేరిన భారత్..

Indw Vs Nzw Wc 2025

India Women vs New Zealand Women World Cup 2025 Match Result: మహిళల వన్డే ప్రపంచ కప్‌లో ఆతిథ్య భారత్ సెమీఫైనల్లో చోటు దక్కించుకుంది. గురువారం జరిగిన రౌండ్ రాబిన్ మ్యాచ్‌లో ఆ జట్టు న్యూజిలాండ్‌ను 53 పరుగుల (DLS) తేడాతో ఓడించింది. దీనితో, న్యూజిలాండ్ వర్సెస్ శ్రీలంక జట్లు నిష్క్రమించిన తర్వాత, మహిళల నాకౌట్ దశకు చేరుకున్న నాల్గవ, చివరి జట్టుగా భారత్ నిలిచింది.

నవీ ముంబైలోని డీవై పాటిల్ స్టేడియంలో న్యూజిలాండ్ బౌలింగ్ ఎంచుకుంది. వర్షం కారణంగా ఒక ఓవర్ తగ్గించడంతో భారత్ 49 ఓవర్లలో 3 వికెట్లకు 340 పరుగులు చేసింది. ఇది జట్టుకు అత్యుత్తమ ప్రపంచ కప్ స్కోరు. స్మృతి మంధాన 109, ప్రతికా రావల్ 122, జెమిమా రోడ్రిగ్జ్ 76 పరుగులు చేసింది.

DLS పద్ధతి ప్రకారం, న్యూజిలాండ్ జట్టుకు 44 ఓవర్లలో 325 పరుగుల లక్ష్యాన్ని నిర్దేశించారు. జట్టు 59 పరుగులకు 3 వికెట్లు కోల్పోయింది. అమేలియా కెర్ 45 పరుగులతో ఇన్నింగ్స్‌ను నిలబెట్టింది. కానీ, న్యూజిలాండ్ జట్టు 154 పరుగులకే 5 వికెట్లు కోల్పోయింది. బ్రూక్ హాలిడే చివరికి న్యూజిలాండ్‌ను విజయపథంలో నడిపించడానికి ప్రయత్నించింది. కానీ, విఫలమైంది. ఆమె 81 పరుగులు చేసింది. ఇసాబెల్లె గేజ్ 65 పరుగులు చేసింది. జట్టు 8 వికెట్ల నష్టానికి 271 పరుగులు మాత్రమే చేయగలిగింది.

బౌలింగ్‌లో భారత్ తరపున క్రాంతి గౌర్, రేణుకా ఠాకూర్ తలా రెండు వికెట్లు పడగొట్టారు. స్నేహ్ రాణా, శ్రీ చరణి, దీప్తి శర్మ, ప్రతికా రావల్ తలా ఒక వికెట్ తీసుకున్నారు. న్యూజిలాండ్ తరపున అమేలియా కెర్, రోజ్‌మేరీ మైర్, సుజీ బేట్స్ తలా ఒక వికెట్ తీసుకున్నారు. భారత్‌తో పాటు, ఆస్ట్రేలియా, ఇంగ్లాండ్, దక్షిణాఫ్రికా కూడా సెమీఫైనల్ స్థానాలను ఖాయం చేసుకున్నాయి.

భారత ప్లేయింగ్ XI : స్మృతి మంధాన, ప్రతీకా రావల్, హర్లీన్ డియోల్, హర్మన్‌ప్రీత్ కౌర్ (కెప్టెన్), జెమిమా రోడ్రిగ్స్, రిచా ఘోష్ (వికెట్ కీపర్), స్నేహ రాణా, దీప్తి శర్మ, రేణుకా సింగ్, క్రాంతి గౌడ్, శ్రీ చరణి.

న్యూజిలాండ్ ప్లేయింగ్ XI : సుజీ బేట్స్, జార్జియా ప్లైమర్, అమేలియా కెర్, సోఫీ డివైన్ (కెప్టెన్), బ్రూక్ హాలిడే, మాడీ గ్రీన్, ఇజాబెల్లా గేజ్ (వికెట్ కీపర్), జెస్ కెర్, రోజ్మేరీ మెయిర్, ఈడెన్ కార్సన్, లియా తహుహు.