IND VS WI: ఓపెనింగ్ జోడీపై ఉత్కంఠ.. లిస్టులో ముగ్గురు యువ ప్లేయర్లు.. లక్కీ ఛాన్స్ ఎవరికి దక్కనుంది?
రోహిత్ శర్మతో ఓపెనింగ్ చేసేది ఎవరు. టీమిండియా స్క్వార్డ్‌లో ముగ్గురికి కరోనా పాజిటివ్‌గా తేలడంతో యువ ప్లేయర్లకు అవకాశం రానుంది. ఇందులో ముఖ్యంగా వెంకటేష్ అయ్యర్, షారుఖ్ ఖాన్, రిషి ధావన్‌లకు చోటు దక్కే అవకాశం ఉంది.
India vs West Indies: వెస్టిండీస్‌తో వన్డే సిరీస్ ప్రారంభం కాకముందే టీమిండియా(India vs West Indies)కు చెందిన ముగ్గురు దిగ్గజ ఆటగాళ్లు కరోనా పాజిటివ్‌గా తేలారు. దీంతో ప్రస్తుతం టీమిండియాలోకి(Indian Team COVID-19 Cases) మరికొందరు ఆటగాళ్లకు ఎంట్రీ లభించే అవకాశం ఉంది. బుధవారం సీనియర్ ఓపెనర్ శిఖర్ ధావన్(Shikhar Dhawan), రిజర్వ్ ఓపెనర్ రితురాజ్ గైక్వాడ్, మిడిల్ ఆర్డర్ బ్యాట్స్‌మెన్ శ్రేయాస్ అయ్యర్‌లకు కరోనా పాజిటివ్ అని తేలింది. బుధవారం, అహ్మదాబాద్‌లో క్వారంటైన్‌లో ఉన్న టీమిండియా ఆటగాళ్లకు కోవిడ్ పరీక్ష నిర్వహించగా, అందులో ముగ్గురు ఆటగాళ్లు పాజిటివ్‌గా తేలింది. ప్రస్తుతం ప్రశ్న ఏమిటంటే, ఈ ఆటగాళ్లను ఎవరు భర్తీ చేస్తారు? ధావన్, ఇతర ఓపెనర్ గైక్వాడ్‌కు కూడా కోవిడ్ వచ్చింది. కాబట్టి ఇటువంటి పరిస్థితిలో ఎవరు ఓపెనింగ్ చేస్తారు? అనే ప్రశ్నలు టీమిండియాను వేధిస్తున్నాయి.
పీటీఐ వార్తల ప్రకారం, టీ20 జట్టులో ఎంపికైన వెంకటేష్ అయ్యర్ ప్రస్తుతం వన్డే జట్టులో కూడా చేరవచ్చని తెలుస్తోంది. ఒకవేళ ఇదే జరిగితే వెంకటేష్ అయ్యర్, హిట్‌మ్యాన్ రోహిత్ శర్మతో ఓపెనింగ్ చేసే అవకాశం లభిస్తుంది. మరోవైపు, స్టాండ్‌బైలుగా ఎంపికైన ఎం. షారుక్ ఖాన్, ఆర్. సాయి కిషోర్, రిషి ధావన్‌లను కూడా జట్టులోకి తీసుకోవచ్చు. టీమిండియా తన 1000వ వన్డే ఇంటర్నేషనల్ మ్యాచ్‌ను అహ్మదాబాద్‌లో ఆడాల్సి ఉంది. అయితే ప్రస్తుతం ధావన్, గైక్వాడ్, శ్రేయాస్ అయ్యర్‌లు ఒక వారం క్వారంటైన్‌లో ఉండాల్సి ఉంటుంది. రెండు RT-PCR టెస్టుల తరువాత నెగిటివ్‌గా తేలితేనే వారు టీమిండియాలో ఆడగలరు.
శిఖర్ ధావన్, గైక్వాడ్‌లకు నిరాశ..
బీసీసీఐ సీనియర్ అధికారి ఈ పరిస్థితిపై పీటీఐతో మాట్లాడుతూ, “ఆటగాళ్లకు కొవిడ్ పాజిటివ్ రావడంతో క్వారైంటన్ ముగిసే సమయానికి వారు కోలుకుంటారని ఆశిస్తున్నాను” అంటూ చెప్పుకొచ్చాడు. అయితే శిఖర్ సిరీస్ (ODI)లో పాల్గొనకపోవచ్చు. అతను టీ20 జట్టులో భాగం కాకపోవడంతో శిఖర్‌కి నిరాశ తప్పదు. అలాగే గత ఒకటిన్నర సంవత్సరాల్లో రెండవసారి కోవిడ్-19 పాజిటివ్‌గా తేలిన యువ ప్లేయర్ రితురాజ్ గైక్వాడ్ పరిస్థితి కూడా అలానే ఉంది.
అధికారి మాట్లాడుతూ, ‘UAEలో 2020 IPL సమయంలో రితురాజ్ పాజిటివ్‌గా తేలాడు. అతను చాలా క్లిష్ట పరిస్థితిని ఎదుర్కోవలసి వచ్చింది. ప్రస్తుతం అతను 14 రోజులు క్వారంటైన్‌లో ఉండాల్సి వచ్చింది. అతను యూఏఈలో సీజన్ మొదటి భాగంలో ఆడలేకపోయాడు. కెప్టెన్ రోహిత్ శర్మతో పాటు విరాట్ కోహ్లీ, కోచ్ రాహుల్ ద్రవిడ్ వంటి సీనియర్ ఆటగాళ్లు బుధవారం నెగిటివ్‌గా ఉన్నట్లు ధృవీకరించారు. ప్రతికూల ఫలితాలను పొందిన వారిని వేరు చేసి ప్రాక్టిస్ మొదలుపెట్టనున్నారు.
గురువారం మరోసారి టెస్టులు చేస్తారు. దీంట్లో నెగిటివ్‌గా తేలితే వారు బయోబబుల్ వాతావరణంలోకి ప్రవేశిస్తారు. “బీసీసీఐ వైద్య బృందం టెస్టింగ్ ప్రోటోకాల్ ప్రకారం, ర్యాపిడ్ యాంటిజెన్ పరీక్షలు చాలా వరకు నిశ్చయాత్మకమైనవి కానందున ప్రతి రోజు RT-PCR పరీక్ష చేయనున్నాం” అని ఆ అధికారి తెలిపారు. ఆటగాడు లక్షణాలు కనిపిస్తే స్వీయ పరీక్ష కోసం రాపిడ్ యాంటిజెన్ కిట్‌లు బృందానికి అందజేశామని ఆయన తెలిపారు.