చతికిలబడిన గబ్బర్ సేన.. మూడేళ్ల తర్వాత భారత్‌పై లంక విజయం.. సిరీస్ 1-1తో సమం..

కొలంబో వేదికగా జరిగిన రెండో టీ20లో శ్రీలంక అద్భుత విజయాన్ని సాధించింది. చివరి బంతి వరకు ఉత్కంఠభరితంగా సాగిన ఈ మ్యాచ్‌లో లంక నాలుగు వికెట్ల తేడాతో విజయం నమోదు చేసింది.

లంక ఐదు వికెట్లు కోల్పోయింది. టీమిండియా బౌలర్లు బెంబేలెత్తిస్తున్నారు. మ్యాచ్ ఎవరు గెలుస్తారన్నది ఇప్పుడు రసవత్తరంగా మారింది. క్రీజులో హసరంగా(15), ధనంజయ డిసిల్వా(18) ఉన్నారు.

10 ఓవర్లకు లంక మూడు వికెట్లు కోల్పోయింది. భానుకా(31)తో క్రీజులో ఉన్నాడు. ధనుంజయ డిసిల్వా(2) అతడికి సహకారం అందిస్తున్నాడు.

లంక బ్యాట్స్ మెన్ ఆచితూచి ఆడుతున్నారు. మొదటి వికెట్ తర్వాత మంచి బంతులను మాత్రం ఆడుతున్నారు. బౌండరీలకు తరలిస్తున్నారు. ప్రస్తుతం సమరవికరామా(6), భానుకా(11) క్రీజులో ఉన్నారు.

లంక మొదటి వికెట్ కోల్పోయింది. భువనేశ్వర్ కుమార్ చక్కటి బంతితో అవిష్క ఫెర్నాండోని అవుట్ చేశాడు. 11 పరుగుల వ్యక్తిగత స్కోర్ వద్ద ఫెర్నాడో నిష్క్రమించాడు. దీనితో 12 పరుగులకు లంక మొదటి వికెట్ కోల్పోయింది.

రెండో టీ20లో టీమిండియా చతికిలబడింది. నిర్ణీత 20 ఓవర్లకు ఐదు వికెట్ల నష్టానికి 132  పరుగులు మాత్రమే చేయగలిగింది.

టీమిండియా నాలుగో వికెట్ కోల్పోయింది. శాంసన్ బౌల్డ్ అవుట్ గా వెనుదిరిగాడు. ధనంజయ బౌలింగ్‌లో 7 పరుగుల వ్యక్తిగత స్కోర్ వద్ద భారీ షాట్ కు ప్రయత్నించి నిష్క్రమించాడు. దీనితో భారత్ నాలుగో వికెట్ కోల్పోయింది.

టీమిండియా మూడో వికెట్ కోల్పోయింది. స్వీప్ చేయబోయి పడిక్కల్ బౌల్డ్ అవుట్ గా వెనుదిరిగాడు. హసరంగా బౌలింగ్‌లో 29 పరుగుల వ్యక్తిగత స్కోర్ వద్ద పడిక్కల్ నిష్క్రమించాడు. దీనితో భారత్ మూడో వికెట్ కోల్పోయింది.

టీమిండియా ఇన్నింగ్స్ నెమ్మదించింది. రెండు కీలక వికెట్లు పడిన తర్వాత స్కోర్ నెమ్మదిగా సాగుతోంది. ప్రస్తుతం క్రీజులో పడిక్కల్(25), శాంసన్(5) ఉన్నారు. 15 ఓవర్లకు 94/2 చేసింది.

టీమిండియా రెండో వికెట్ కోల్పోయింది. స్లాగ్ స్వీప్ ఆడబోయి కెప్టెన్ ధావన్ బౌల్డ్ అవుట్ గా వెనుదిరిగాడు. ధనంజయ బౌలింగ్‌లో40 పరుగుల వ్యక్తిగత స్కోర్ వద్ద ధావన్ నిష్క్రమించాడు. దీనితో భారత్ రెండో వికెట్ కోల్పోయింది.

సగం ఓవర్లు పూర్తయ్యాయి. భారత్ ఇన్నింగ్స్ నెమ్మదిగా సాగుతోంది. మొదటి వికెట్ అనంతరం.. ధావన్ ఆచితూచి ఆడుతున్నాడు. మరో వికెట్ పడకుండా పడిక్కల్‌తో కలిసి ఇన్నింగ్స్ చక్కదిద్దుతున్నాడు. ఈ క్రమంలోనే 10 ఓవర్లకు భారత్ 61/1 చేసింది. ధావన్ 33 పరుగులు చేయగా.. పడిక్కల్ 5 పరుగులు చేశాడు.

మొదటి వికెట్ కోల్పోయిన ఇండియా నిలదొక్కుకుంది. మరో వికెట్ పడకుండా కెప్టెన్ ధావన్ బాధ్యతాయుత ఇన్నింగ్స్ ఆడుతున్నాడు. ఈ క్రమంలోనే 7.4 ఓవర్లకు జట్టు స్కోర్ ను 50 పరుగులు దాటించాడు.

టీమిండియా మొదటి వికెట్ కోల్పోయింది. ఓపెనర్ గైక్వాడ్ 21 పరుగుల వ్యక్తిగత స్కోర్ వద్ద భారీ షాట్‌కు యత్నించి భానుకాకు క్యాచ్ ఇచ్చి వెనుదిరిగాడు. దీనితో భారత్ 49 పరుగుల వద్ద మొదటి వికెట్ కోల్పోయింది.

టీమిండియా ఓపెనర్లు శుభారంభాన్ని ఇచ్చారు. దీనితో ఐదు ఓవర్లకు భారత్ 38/0 చేసింది. ధావన్ 21 పరుగులు చేయగా.. గైక్వాడ్ 15 పరుగులు చేశాడు.

గైక్వాడ్, పడిక్కల్, నితీష్ రానా, చేతన్ సకరియాలకు క్యాప్ అందిస్తున్న టీమిండియా కెప్టెన్ శిఖర్ ధావన్..

శ్రీలంక: అవిష్క ఫెర్నాడో, భానుకా(వికెట్ కీపర్), ధనంజయ డిసిల్వా, సమరవికరరామా , షనకా(కెప్టెన్), రమేష్ మెండిస్, హసరంగా, చమిక కరుణరత్నే, ఉదానా, అఖిల ధనంజయ, చమీరా

టీమిండియా: ధావన్(కెప్టెన్), గైక్వాడ్, పడిక్కల్, శాంసన్(వికెట్ కీపర్), నితీష్ రానా, భువనేశ్వర్ కుమార్, కుల్ దీప్ యాదవ్, రాహుల్ చాహర్, నవదీప్ సైనీ, చేతన్ సకరియా, వరుణ్ చక్రవర్తి

కరోనా కారణంగా భారత్, శ్రీలంక మధ్య జరగాల్సిన రెండో టీ20 ఇవాళ్టికి వాయిదాపడిన సంగతి తెలిసిందే. ఈ మ్యాచ్ లో శ్రీలంక టాస్ గెలిచి బౌలింగ్ ఎంచుకుంది.