IND vs SA: విజయం మీ చేతుల్లోనే దాగుంది.. దక్షిణాఫ్రికాలో గెలవాలంటే ఇలా చేయండి: టీమిండియాకు సచిన్ సలహా
Sachin Tendulkar: భారత్-దక్షిణాఫ్రికా జట్ల మధ్య మూడు టెస్టుల సిరీస్ డిసెంబర్ 26 నుంచి ప్రారంభం కానుంది. తొలి మ్యాచ్ సెంచూరియన్‌లో జరగనుంది.
India vs South Africa: 29 ఏళ్లలో 7 పర్యటనలు చేసి ఒక్కసారి కూడా గెలవలేదు.. ఇలాంటిదే దక్షిణాఫ్రికాలో టీమిండియా రికార్డు. దక్షిణాఫ్రికా గడ్డపై భారత్ ఎన్నడూ టెస్టు సిరీస్ గెలవలేదు. ఈ లక్ష్యాన్ని సాధించడానికి, విరాట్ అండ్ కంపెనీ సెంచూరియన్‌లో విజయం కోసం సిద్ధమవుతున్నాయి. డిసెంబరు 26 నుంచి తొలి టెస్టు మ్యాచ్ ప్రారంభం కానుండగా, ఎట్టిపరిస్థితుల్లోనూ టీమిండియా శుభారంభం చేయాలని భావిస్తోంది. సిరీస్ ప్రారంభానికి ముందు, దిగ్గజ క్రికెటర్ సచిన్ టెండూల్కర్ టీమిండియా బ్యాట్స్‌మెన్‌లకు చాలా విలువైన సలహాలు ఇచ్చాడు.
‘బ్యాక్‌స్టేజ్‌ విత్ బోరియా’ షోలో సచిన్ టెండూల్కర్ మాట్లాడుతూ, దక్షిణాఫ్రికాలో విజయ రహస్యం బ్యాట్స్‌మెన్ చేతిలోనే ఉందని చెప్పాడు. సచిన్ ప్రకారం, దక్షిణాఫ్రికాలో చేతులు అదుపులో ఉంచుకోవడం ద్వారా మాత్రమే పరుగులు సాధించవచ్చు. దీంతో పాటు ఫ్రంట్ ఫుట్ డిఫెన్స్‌కు కూడా చాలా ప్రాధాన్యత ఉంటుందని తెలిపాడు.
సౌతాఫ్రికాలో విజయ రహస్యాన్ని వెల్లడించిన సచిన్..
దక్షిణాఫ్రికా పిచ్‌లపై ఎలా పరుగులు తీయవచ్చో సచిన్ టెండూల్కర్ చెప్పాడు. సచిన్ మాట్లాడుతూ, ‘నేను ఎప్పుడూ చెప్పేది, ఫ్రంట్ ఫుట్ డిఫెన్స్ చాలా ముఖ్యం. ముందుకు వచ్చి రక్షించడం చాలా ముఖ్యం. ఈ డిఫెన్స్ దక్షిణాఫ్రికాలో చాలా ఉపయోగకరంగా ఉంటుంది. మొదటి 25 ఓవర్లలో ఫ్రంట్ ఫుట్ డిఫెన్స్ చాలా ముఖ్యమైనదని తేలిందని’ అన్నాడు.
చేతులు నియంత్రించుకోవడం చాలా ముఖ్యం
సచిన్ ఇంకా మాట్లాడుతూ, ‘మీ చేతులు శరీరానికి దూరంగా ఉండకూడదు. మీ చేతులు శరీరం నుంచి దూరంగా వెళ్ళిన వెంటనే, మీరు నియంత్రణ కోల్పోతారు. ఇంగ్లండ్‌లో భారత బ్యాట్స్‌మెన్‌ల చేతుల్లోకి వెళ్లలేదు. చాలా బంతులు వారి బ్యాట్‌కు తగలకపోయినా పర్వాలేదు. ప్రపంచంలోని ప్రతి బ్యాట్స్‌మెన్ ప్రతి బంతిని ఆడలేరు. వికెట్లు తీయడానికి బౌలర్లు ఉన్నారు. కానీ, మీ చేయి శరీరం నుంచి దూరంగా వెళ్ళినప్పుడు, బంతి మీ బ్యాట్ అంచుని తాకే ఛాన్స్ ఉంది.
దక్షిణాఫ్రికాలో సచిన్ 1161 పరుగులు..
దక్షిణాఫ్రికా గడ్డపై 1000 కంటే ఎక్కువ టెస్టు పరుగులు చేసిన భారత బ్యాట్స్‌మెన్ సచిన్ టెండూల్కర్ మాత్రమే అని మీకు తెలుసా. సచిన్ దక్షిణాఫ్రికాలో 15 టెస్టుల్లో 5 సెంచరీలతో సహా 46కు పైగా సగటుతో 1161 పరుగులు చేశాడు. దక్షిణాఫ్రికాలో ప్రస్తుత జట్టులో విరాట్ కోహ్లి, అజింక్యా రహానేల ప్రదర్శన అద్భుతంగా ఉంది. ఇద్దరి సగటు 50 కంటే ఎక్కువ. అయితే ప్రస్తుతం బ్యాట్స్‌మెన్‌లిద్దరూ మంచి ఫామ్‌లో లేరు. సచిన్ సలహా బ్యాట్స్‌మెన్ ఇద్దరికీ ఉపయోగపడుతుందని ఆశిస్తున్నాడు.
Also Read: Year Ender 2021: టీ20ఐల్లో సిక్సర్ల కింగ్స్‌ వీరే.. లిస్టులో భారత బ్యాట్స్‌మెన్ ఒక్కడే..!