మా నాన్న కాదు.. టీమిండియాలో ఆ ప్లేయర్ అంటే నాకిష్టం.. ఆర్యవీర్ సెహ్వాగ్
Aryaveer Sehwag: వీరేంద్ర సెహ్వాగ్ కుమారుడు ఆర్యవీర్ సెహ్వాగ్ అండర్-19 ఆసియా కప్‌లో యునైటెడ్ అరబ్ ఎమిరేట్స్ పై సెంచరీతో మెరిశాడు. తన బ్యాటింగ్‌తో తండ్రి వారసత్వాన్ని చాటుతూనే, విరాట్ కోహ్లీలా ఆడాలని కోరుకుంటున్నట్లు సంచలన వ్యాఖ్యలు చేశాడు. కోహ్లీ నిలకడ, ఫిట్‌నెస్‌ను ఆర్యవీర్ ఆదర్శంగా తీసుకుంటున్నాడు.
Updated on: Nov 11, 2026 | 12:37 PM
Aryaveer Sehwag: భారత క్రికెట్ దిగ్గజం వీరేంద్ర సెహ్వాగ్ కుమారుడు ఆర్యవీర్ సెహ్వాగ్ తన అద్భుతమైన బ్యాటింగ్‌తో క్రికెట్ ప్రపంచం దృష్టిని ఆకర్షిస్తున్నాడు. ప్రస్తుతం జరుగుతున్న అండర్-19 ఆసియా కప్‌లో యునైటెడ్ అరబ్ ఎమిరేట్స్ (యూఏఈ)తో జరిగిన మ్యాచ్‌లో ఈ యువ ఆటగాడు 168 బంతుల్లో 160 పరుగులు (17 ఫోర్లు, 7 సిక్సర్లు) చేసి శతకంతో చెలరేగాడు. తన విధ్వంసకర బ్యాటింగ్‌తో తండ్రి వారసత్వాన్ని కొనసాగించే సంకేతాలు ఇచ్చాడు.
ఎక్కువమంది చదివినది: 149 ఏళ్ల టెస్ట్ క్రికెట్ చరిత్రలో తొలిసారి.. ప్రపంచ రికార్డుతో తొలి టీంగా జింబాబ్వే సంచలన రికార్డ్..!
అయితే తన బ్యాటింగ్‌కు సంబంధించి ఆర్యవీర్ చేసిన వ్యాఖ్యలు ఇప్పుడు క్రికెట్ వర్గాల్లో ఆసక్తిని రేకెత్తిస్తున్నాయి. అండర్-19 ఆసియా కప్ ప్రచార వీడియోలో మాట్లాడుతూ, తాను కేవలం తన తండ్రి వీరేంద్ర సెహ్వాగ్ లాగా కాకుండా, భారత మాజీ కెప్టెన్ విరాట్ కోహ్లీలా ఆడాలని కోరుకుంటున్నట్లు ఆర్యవీర్ తెలిపాడు. తనకంటూ ప్రత్యేక గుర్తింపు తెచ్చుకోవాలని ఆర్యవీర్ భావిస్తున్నాడు.
ఎక్కువమంది చదివినది: Video: 3.2 ఓవర్లలో 7 పరుగులు.. హ్యాట్రిక్‌తోపాటు 6 వికెట్లు.. టీమిండియా బౌలర్ నయా రికార్డ్ గుర్తుందా..?
వీరేంద్ర సెహ్వాగ్ దూకుడైన ఆటతీరుకు పేరుగాంచగా, విరాట్ కోహ్లీ నిలకడైన ప్రదర్శన, అద్భుతమైన ఫిట్‌నెస్, క్రమశిక్షణకు ప్రసిద్ధి చెందాడు. ఈ ఇద్దరు దిగ్గజాల నుంచి స్ఫూర్తి పొందుతూ ఆర్యవీర్ తన క్రికెట్ ప్రయాణాన్ని కొనసాగిస్తున్నాడు. యూఏఈ పై సాధించిన ఈ సెంచరీ ఆర్యవీర్ కెరీర్‌లో కీలక మైలురాయిగా నిలిచింది.
మరిన్ని క్రీడా వార్తల కోసం ఇక్కడ క్లిక్ చేయండి..
