IND vs NZ: మ్యాచ్ రద్దైనా.. ధోనీ రికార్డును బద్దలుకొట్టిన కోహ్లీ.. అంత స్పెషల్ ఏంటో తెలుసా..?

మ్యాచ్ జరగలేదు.. ఒక్క బంతి కూడా పడలేదు.. అయినా విరాట్ కోహ్లీ ఖాతాలో మాత్రం ఓ అరుదైన రికార్డు చేరింది! న్యూజిలాండ్ గడ్డపై మాజీ కెప్టెన్ మహేంద్ర సింగ్ ధోనీని వెనక్కి నెట్టి కోహ్లీ సరికొత్త మైలురాయిని అందుకున్నాడు. అసలు ఏంటా రికార్డు? ఈ జాబితాలో సచిన్ టెండూల్కర్, జవగళ్ శ్రీనాథ్ ఎక్కడున్నారు? పూర్తి వివరాలు తెలుసుకుందాం. భారత్‌, న్యూజిలాండ్ మధ్య ఐదు మ్యాచ్‌ల వన్డే సిరీస్‌లో మూడో మ్యాచ్ హామిల్టన్‌లోని సెడ్డన్ పార్క్‌లో జరగాల్సి ఉంది. అయితే భారీ వర్షం కారణంగా మ్యాచ్ ప్రారంభం కాలేదు. చివరకు అంపైర్లు పోటీని రద్దు చేస్తున్నట్లు ప్రకటించారు.

ఈ మ్యాచ్‌కు భారత తుది జట్టులో విరాట్ కోహ్లీకి చోటు దక్కింది. దీంతో న్యూజిలాండ్ గడ్డపై భారత్ తరఫున అత్యధిక వన్డేలు ఆడిన ఆటగాళ్ల జాబితాలో కోహ్లీ 16 మ్యాచ్‌లతో ధోనీని అధిగమించాడు. ధోనీ తన కెరీర్‌లో న్యూజిలాండ్‌లో 15 వన్డేలు ఆడాడు. ఈ జాబితాలో అగ్రస్థానంలో ఇద్దరు దిగ్గజాలు ఉన్నారు. సచిన్ టెండూల్కర్, జవగళ్ శ్రీనాథ్ న్యూజిలాండ్‌లో భారత్ తరఫున చెరో 22 వన్డేలు ఆడారు.

ఎక్కువమంది చదివినది: Video: 3.2 ఓవర్లలో 7 పరుగులు.. హ్యాట్రిక్‌తోపాటు 6 వికెట్లు.. టీమిండియా బౌలర్ నయా రికార్డ్ గుర్తుందా..?

ఇవి కూడా చదవండి

80 నిమిషాల్లోనే సెంచరీ.. అరుదైన రికార్డ్ కానీ చివర్లో బిగ్ ట్విస్

ముంబై ఇండియన్స్‌ నుంచి నలుగురు ఔట్.. లిస్టులో ఎవరున్నారంటే..?

ఆ విషయంపై కోహ్లీని ప్రశ్నించాలంటే కోచ్‌లు భయపడతారు..

హార్దిక్ పాండ్యా నుంచి పంత్ వరకు.. టీంలు మారిన 8మంది ఆటగాళ్లు..?

ఆ తర్వాత 19 మ్యాచ్‌లతో మహమ్మద్ అజారుద్దీన్ ఉన్నాడు. రోహిత్ శర్మ 17 మ్యాచ్‌లతో తదుపరి స్థానంలో ఉండగా, విరాట్ కోహ్లీ 16 మ్యాచ్‌లతో ఐదో స్థానంలో నిలిచాడు. ధోనీ 15 మ్యాచ్‌లతో కోహ్లీ తర్వాత ఉన్నాడు. అంటే కోహ్లీ ఈ జాబితాలో మరో మెట్టు ఎక్కాలంటే అజారుద్దీన్‌ను అధిగమించాలి. అగ్రస్థానంలో ఉన్న సచిన్, శ్రీనాథ్ రికార్డును అందుకోవాలంటే మరికొన్ని మ్యాచ్‌లు ఆడాల్సి ఉంటుంది.

న్యూజిలాండ్ పరిస్థితుల్లో కోహ్లీ ప్రదర్శన కూడా అద్భుతంగానే ఉంది. ఇప్పటివరకు అక్కడ ఆడిన వన్డేల్లో 677 పరుగులు చేశాడు. 48.35 సగటుతో, 95.35 స్ట్రైక్ రేట్‌తో పరుగులు సాధించాడు. ఇందులో ఒక సెంచరీ, ఐదు అర్ధ సెంచరీలు ఉన్నాయి. ముఖ్యంగా 2014లో నాపియర్ వేదికగా న్యూజిలాండ్‌తో జరిగిన తొలి వన్డేలో కోహ్లీ ఆడిన ఇన్నింగ్స్ అభిమానులకు ఇప్పటికీ గుర్తుండిపోతుంది. ఆ మ్యాచ్‌లో భారత్ ముందు 293 పరుగుల లక్ష్యం ఉంది. ఛేజింగ్‌లో కోహ్లీ అద్భుతంగా ఆడుతూ 111 బంతుల్లో 123 పరుగులు చేశాడు. అతడి ఇన్నింగ్స్‌లో ఏడు ఫోర్లు, రెండు సిక్సర్లు ఉన్నాయి.

ఎక్కువమంది చదివినది: 149 ఏళ్ల టెస్ట్ క్రికెట్ చరిత్రలో తొలిసారి.. ప్రపంచ రికార్డుతో తొలి టీంగా జింబాబ్వే సంచలన రికార్డ్..!

అయితే కోహ్లీ పోరాటం టీమిండియాకు విజయాన్ని అందించలేకపోయింది. భారత జట్టు 268 పరుగులకే ఆలౌట్ కావడంతో 24 పరుగుల తేడాతో ఓటమి ఎదురైంది. అయినప్పటికీ న్యూజిలాండ్ గడ్డపై కోహ్లీ చేసిన ఆ సెంచరీ అతడి అత్యుత్తమ వన్డే ఇన్నింగ్స్‌లలో ఒకటిగా నిలిచిపోయింది. మొత్తానికి మ్యాచ్ రద్దయినా విరాట్ కోహ్లీ మరో రికార్డును తన ఖాతాలో వేసుకున్నాడు. ఇప్పటికే ఎన్నో ఘనతలు సాధించిన కింగ్ కోహ్లీ వన్డే క్రికెట్‌లో తన ప్రత్యేకతను మరోసారి చాటుకున్నాడు.