Team India: తప్పక గెలవాల్సిన మ్యాచ్‌.. కట్‌చేస్తే.. 211 పరుగుల తేడాతో విజయం.. చరిత్ర సృష్టించిన భారత్

Ind U19

అండర్-19 ఆసియాకప్‌లో ఓటమితో ప్రచారాన్ని ప్రారంభించిన టీమిండియా.. ఇప్పుడు భారీ విజయంతో విజయాల బాట పట్టింది. గ్రూప్ దశలో తొలి మ్యాచ్‌లో పాకిస్థాన్ చేతిలో ఓడిన భారత యువ జట్టు రెండో మ్యాచ్‌లో రికార్డు విజయాన్ని నమోదు చేసింది. ఈరోజు షార్జా వేదికగా భారత్-జపాన్ జట్ల మధ్య జరిగిన మేక్ ఆర్ బ్రేక్ మ్యాచ్‌లో టీమిండియా 211 పరుగుల తేడాతో భారీ విజయాన్ని నమోదు చేసింది. ఈ మ్యాచ్‌లో తొలుత బ్యాటింగ్ చేసిన టీమిండియా 6 వికెట్ల నష్టానికి 339 పరుగులు చేసింది. దీన్ని ఛేదించే క్రమంలో జపాన్ జట్టు 50 ఓవర్లలో 8 వికెట్ల నష్టానికి 128 పరుగులు మాత్రమే చేయగలిగింది. భారత్‌కు ఈ భారీ విజయంలో కెప్టెన్ మహ్మద్ అమన్ అజేయ సెంచరీ కీలక పాత్ర పోషించింది.

భారత్‌కు తుఫాన్ ఆరంభం..

టాస్ ఓడిపోయి ఓపెనర్లుగా ఫీల్డింగ్‌లోకి దిగిన భారత జట్టుకు 13 ఏళ్ల వైభవ్ సూర్యవంశీ, ఆయుష్ మ్హత్రే శుభారంభం అందించారు. వీరిద్దరూ 7.1 ఓవర్లలో 65 పరుగుల భాగస్వామ్యాన్ని నెలకొల్పారు. ఈ సమయంలో వైభవ్ 23 బంతుల్లో 23 పరుగులు చేసి ఔటయ్యాడు. వైభవ్ వికెట్ పడిన తర్వాత కూడా తన తుఫాన్ బ్యాటింగ్ కొనసాగించిన ఆయుష్.. 186 స్ట్రైక్ రేట్ వద్ద 29 బంతుల్లో 54 పరుగులతో తుఫాన్ ఇన్నింగ్స్ ఆడాడు.

తద్వారా 10.5 ఓవర్లలో 81 పరుగులకే 2 వికెట్లు కోల్పోయిన టీమిండియా ఇన్నింగ్స్‌ను చక్కదిద్దే బాధ్యతను జట్టు కెప్టెన్ మహ్మద్ అమన్ తీసుకున్నాడు. అతను మూడో వికెట్‌కు ఆండ్రీ సిద్దార్థ్‌తో 58 పరుగులు, కేపీ కార్తికేయతో కలిసి నాల్గవ వికెట్‌కు 122 పరుగుల ముఖ్యమైన భాగస్వామ్యాన్ని నెలకొల్పాడు.

విన్నింగ్ సెంచరీ చేసిన కెప్టెన్..

ఇద్దరు బ్యాట్స్‌మెన్‌లు చివరి వరకు ఆడి 118 బంతుల్లో 122 పరుగులు చేసి జట్టు స్కోరును 339కి తీసుకెళ్లారు. ఈ భారీ లక్ష్యాన్ని ఛేదించిన జపాన్ జట్టును స్వల్ప పరుగులకే పరిమితం చేయడంలో టీమిండియా పేసర్లు కీలక పాత్ర పోషించారు. తద్వారా జపాన్ జట్టు నిర్ణీత 50 ఓవర్లలో 128 పరుగులు మాత్రమే చేయగలిగి 211 పరుగులకే ఆలౌటైంది.

సెమీ ఫైనల్ రేసులో భారత్..

పాకిస్థాన్‌తో జరిగిన తొలి మ్యాచ్‌లో భారత్ ఓడిపోయింది. ఇది జట్టుకు పెద్ద దెబ్బ. అయితే, రెండో మ్యాచ్‌లో గెలిచిన భారత్.. జపాన్‌పై అద్భుత విజయం సాధించింది. ఈ విజయంతో సెమీఫైనల్‌కు చేరువలో ఉన్న భారత యువ జట్టు, తమ చివరి లీగ్ మ్యాచ్‌లో యూఏఈ జట్టుపై విజయం సాధిస్తే సులువుగా సెమీస్‌కు చేరుకోవడం ఖాయం. ప్రస్తుతం, టీమిండియా 2 మ్యాచ్‌లలో 2 పాయింట్లు, +1.680 నెట్ రన్ రేట్‌తో పాయింట్ల పట్టికలో మూడవ స్థానంలో ఉంది. యూఏఈ 2 మ్యాచ్‌ల్లో 2 పాయింట్లతో రెండో స్థానంలో ఉంది. పాకిస్థాన్ జట్టు ఇప్పటికే సెమీఫైనల్‌కు చేరుకుంది.

మరిన్ని క్రీడా వార్తల కోసం ఇక్కడ క్లిక్ చేయండి..