Team India: రాసిపెట్టుకోండి.. అలాంటోడు దొరకడం టీమిండియా అదృష్టం.. వదిలేశారో..!
Kevin Pietersen Lauds Devdutt Padikkals Stellar Performance in IND vs SL Test Series: శ్రీలంకతో జరిగిన టెస్టు సిరీస్లో యువ బ్యాటర్ దేవదత్ పడిక్కల్ అద్భుత ప్రదర్శన కనబరిచాడు. రెండు సెంచరీలు సాధించి 328 పరుగులతో ఆకట్టుకున్నాడు. ఈక్రమంలో ఇంగ్లాండ్ మాజీ కెప్టెన్ కెవిన్ పీటర్సన్, భారత మాజీ క్రికెటర్ అజయ్ జడేజా ప్రశంసల వర్షం కురిపించారు.
Kevin Pietersen Lauds Devdutt Padikkals Stellar Performance in IND vs SL Test Series: శ్రీలంకతో ముగిసిన రెండు మ్యాచ్ల టెస్టు సిరీస్లో టీమిండియా యువ బ్యాటర్ దేవదత్ పడిక్కల్ అద్భుత ప్రదర్శనతో ఆకట్టుకున్నాడు. సాయి సుదర్శన్ స్థానంలో జట్టులోకి వచ్చిన పడిక్కల్, తన బ్యాటింగ్తో సెలక్టర్ల నమ్మకాన్ని నిలబెట్టుకున్నాడు. ఈ సిరీస్లో రెండు సెంచరీలు సాధించి, మొత్తంగా 328 పరుగులు చేసి ప్లేయర్ ఆఫ్ ది సిరీస్గా నిలిచాడు.
పడిక్కల్ ప్రదర్శనపై ఇంగ్లాండ్ మాజీ కెప్టెన్ కెవిన్ పీటర్సన్ ప్రశంసలు కురిపించాడు. “నా దృష్టిలో మ్యాన్ ఆఫ్ ది సిరీస్ అతడికే ఇవ్వడమే కరెక్ట్. పడికెల్ ఒక అద్భుతమైన ఆటగాడు, అతడి బ్యాటింగ్ శైలి చూడడానికి ఎంతో బాగుంది. మూడో స్థానానికి అతడే సరైన ప్లేయర్” అని పీటర్సన్ తన ఎక్స్ వేదికగా పేర్కొన్నాడు.
మరోవైపు, భారత మాజీ క్రికెటర్ అజయ్ జడేజా కూడా పడికెల్ ఆటతీరును కొనియాడాడు. “పడిక్కల్ లాంటి ఆటగాళ్లు చాలా అరుదుగా ఉంటారు. అతడు స్పిన్ను బాగా ఆడుతున్నాడు, పేస్ బౌలర్లను కూడా సమర్థవంతంగా ఎదుర్కొంటున్నాడు. ఆస్ట్రేలియాతో జరిగే సిరీస్లో అతడు భారత్కు కీలకంగా మారనున్నాడు” అని జడేజా అభిప్రాయపడ్డాడు.
ఈ సిరీస్లో శ్రీలంక ప్లేయర్ సోనార్ దినుషా మూడు సెంచరీలు చేసి సచిన్ టెండూల్కర్తో పోల్చబడగా, టీమిండియా 1-0తో సిరీస్ గెలవడంలో పడిక్కల్ పాత్ర కీలకం. భారత్ తమ తదుపరి టెస్ట్ సిరీస్ న్యూజిలాండ్తో, ఆపై డిసెంబర్లో స్వదేశంలో ఆస్ట్రేలియాతో ఐదు మ్యాచ్ల టెస్ట్ సిరీస్ ఆడనుంది.
మరిన్ని క్రీడా వార్తల కోసం ఇక్కడ క్లిక్ చేయండి..