Rohit Sharma : నీ మీద ఎన్నో ఆశలు పెట్టుకున్నాం రోహిత్ భయ్యా.. నువ్విలా చేస్తావని మాకు ముందే తెలుసు
టెస్ట్ క్రికెట్ నుంచి రిటైర్ అయిన తర్వాత రోహిత్ శర్మ వన్డే భవిష్యత్తుపై చాలా ఊహాగానాలు వినిపిస్తున్నాయి. ఆస్ట్రేలియా పర్యటనతో అతని వన్డే కెరీర్ ముగుస్తుందని కూడా చాలా మంది వాదించారు. కానీ, ఆ టూర్కు ఎంపికయ్యే ముందు రోహిత్ ఫిట్నెస్పై సందేహాలు తలెత్తాయి.
Rohit Sharma : టెస్ట్ క్రికెట్ నుంచి రిటైర్ అయిన తర్వాత, వన్డే క్రికెట్లో రోహిత్ శర్మ భవిష్యత్తుపై చాలా ఊహాగానాలు వచ్చాయి. ఆస్ట్రేలియా పర్యటనతో అతని కెరీర్ ముగుస్తుందని కూడా కొందరు అనుకున్నారు. అయితే ఆస్ట్రేలియా పర్యటనకు సెలక్ట్ కాకముందు రోహిత్ ఫిట్నెస్పై చాలా ప్రశ్నలు తలెత్తాయి. ఈ ప్రశ్నలకు సమాధానం చెప్పడానికి భారత వన్డే జట్టు కెప్టెన్ రోహిత్ శర్మ బెంగళూరులోని నేషనల్ క్రికెట్ అకాడమీ (NCA)కి వెళ్ళాడు. అక్కడ అతను ఫిట్నెస్ టెస్ట్లు చేయించుకున్నాడు. ఈ టెస్ట్ల ఫలితాలు కూడా వచ్చాయి. రోహిత్ శర్మ సులభంగానే ఈ టెస్ట్లో పాస్ అయ్యాడు.
రోహిత్ ఫిట్నెస్ ప్రూవ్
చాలా రోజుల విరామం తర్వాత, రోహిత్ శర్మతో పాటు టెస్ట్ జట్టు కెప్టెన్ శుభమన్ గిల్, స్టార్ ఫాస్ట్ బౌలర్ జస్ప్రీత్ బుమ్రా, ఇతర ఆటగాళ్లు కూడా తమ ఫిట్నెస్ టెస్ట్ల కోసం బెంగళూరులోని బీసీసీఐ సెంటర్ ఆఫ్ ఎక్సలెన్స్కు వచ్చారు. శనివారం, ఆదివారం రెండు రోజులపాటు ఆటగాళ్లకు ఫిట్నెస్ టెస్ట్లు జరిగాయి.
బీసీసీఐ ఇటీవలే ఆటగాళ్ల ఫిట్నెస్ను పరీక్షించడానికి యో-యో టెస్ట్తో పాటు బ్రాంకో టెస్ట్ను కూడా ప్రవేశపెట్టింది. ఈ ఆటగాళ్లకు బ్రాంకో టెస్ట్ జరిగిందా లేదా అనేది ఇంకా స్పష్టంగా తెలియలేదు. కానీ రిపోర్ట్ల ప్రకారం.. అందరికీ యో-యో టెస్ట్ మాత్రం కచ్చితంగా జరిగింది.
రెవ్స్పోర్ట్స్ నివేదిక ప్రకారం.. ఆదివారం (ఆగస్టు 31) రెండో రోజు ఫిట్నెస్ టెస్ట్లు జరిగాయి. ఈ టెస్ట్లకు వన్డే కెప్టెన్ రోహిత్ శర్మ కూడా హాజరయ్యాడు. ఐపీఎల్ 2025 తర్వాత సుమారు 3 నెలల పాటు క్రికెట్కు దూరంగా ఉన్న రోహిత్పై అందరి దృష్టి ఉంది. కానీ స్టార్ బ్యాట్స్మెన్ ఎలాంటి ఇబ్బంది లేకుండా ఫిట్నెస్ టెస్ట్లో పాస్ అయ్యాడని నివేదికలు చెబుతున్నాయి. టెస్ట్లు పూర్తయిన తర్వాత రోహిత్ ముంబైకి తిరిగి వెళ్ళిపోయాడు. బయటకి వచ్చిన వీడియోల్లో హిట్మ్యాన్ చాలా ఫిట్గా కనిపించాడు.
ప్రసిద్ధ్ కృష్ణ సూపర్
ఇంగ్లండ్ పర్యటనలో అద్భుతమైన ప్రదర్శన కనబరిచిన ఫాస్ట్ బౌలర్ ప్రసిద్ధ్ కృష్ణ కూడా ఫిట్నెస్ టెస్ట్లో పాల్గొన్నాడు. నివేదికల ప్రకారం, ప్రసిద్ధ్ కృష్ణ ఈ టెస్ట్లో చాలా బాగా రాణించాడు. అతడు అద్భుతమైన స్కోరు సాధించాడు. అయితే, ఆ స్కోరు ఎంత అనేది ఇంకా వెల్లడి కాలేదు. వీరితో పాటు శుభమన్ గిల్, జస్ప్రీత్ బుమ్రా సహా ఇతర ఆటగాళ్లు కూడా ఫిట్నెస్ టెస్ట్లు పూర్తి చేసి పాస్ అయ్యారు. వీరంతా ఆసియా కప్ జట్టులో సభ్యులు.
మరిన్ని క్రికెట్ వార్తల కోసం ఇక్కడ క్లిక్ చేయండి..