9 ఫోర్లు, 10 సిక్స్‌లు.. 39 బంతుల్లోనే ఊహించని ఊచకోత.. సెంచరీతో తాట తీసిన ధోని దోస్త్..

Chiripal T20 Premier League 2025: క్రికెట్ అభిమానుల పండుగగా మారిన చిరిపాల్ టీ20 ప్రీమియర్ లీగ్ 2025లో ఊర్విల్ పటేల్ అనే యువ సంచలనం విధ్వంసం సృష్టించాడు. హెరిటేజ్ సిటీ టైటాన్స్ (HCT), సబర్మతి స్ట్రైకర్స్ (SSK) మధ్య జరిగిన ఉత్కంఠభరితమైన మ్యాచ్‌లో, పటేల్ కేవలం 39 బంతుల్లో 110 పరుగులతో అద్భుతమైన సెంచరీని నమోదు చేశాడు. ఈ అద్భుతమైన ఇన్నింగ్స్ లో 9 బౌండరీలు, 10 భారీ సిక్సర్లు ఉన్నాయి.

ఈ మ్యాచ్‌లో టాస్ గెలిచిన సబర్మతి స్ట్రైకర్స్ బౌలింగ్ ఎంచుకుంది. అయితే, వారి నిర్ణయం పూర్తిగా తప్పని ఊర్విల్ పటేల్ నిరూపించాడు. హెరిటేజ్ సిటీ టైటాన్స్ బ్యాటింగ్‌కు దిగిన తర్వాత, పటేల్ ఆరంభం నుంచే దూకుడుగా ఆడాడు. అతని బౌండరీల వర్షం, సిక్సర్ల సునామీతో సబర్మతి బౌలర్లకు చుక్కలు చూపించాడు. వికెట్‌కు కుడి, ఎడమ పక్కల పరుగుల వరద పారించాడు.

పటేల్ తో పాటు స్మిత్ పటేల్ (121 పరుగులు) కూడా అద్భుతమైన భాగస్వామ్యం నెలకొల్పడంతో, హెరిటేజ్ సిటీ టైటాన్స్ 20 ఓవర్లలో కేవలం 3 వికెట్లు కోల్పోయి ఏకంగా 262 పరుగుల భారీ స్కోరును నమోదు చేసింది. సాయి సుదర్శన్‌తో కలిసి పటేల్ ఆడిన ఈ మెరుపు ఇన్నింగ్స్ హెరిటేజ్ సిటీ టైటాన్స్‌కు భారీ ఆధిక్యాన్ని అందించింది.

ఇవి కూడా చదవండి

ఐదుగురికి బిగ్ షాకివ్వనున్న ఫ్రాంచైజీలు..ప్రమాదంలో ఐపీఎల్ కెరీర్?

ఐపీఎల్ నుంచి ఆర్సీబీ నిషేధం.. కఠిన నిర్ణయం దిశగా బీసీసీఐ?

ఐపీఎల్ 2025తో భారీగా పెరిగిన బీసీసీఐ ఆదాయం.. ఎన్ని వేల కోట్లంటే?

క్రికెట్ హిస్టరీలో బ్రేక్ చేయలేని 10 ప్రపంచ రికార్డులు..

అనంతరం, 263 పరుగుల భారీ లక్ష్యాన్ని ఛేదించేందుకు బరిలోకి దిగిన సబర్మతి స్ట్రైకర్స్, హెరిటేజ్ సిటీ బౌలర్ల ధాటికి తట్టుకోలేకపోయింది. అల్సాజ్ ఖాన్ (52) కొంత పోరాడినప్పటికీ, జట్టు పతనాన్ని ఆపలేకపోయాడు. చివరికి, సబర్మతి స్ట్రైకర్స్ 17.5 ఓవర్లలో కేవలం 128 పరుగులకు ఆలౌట్ అయి, 134 పరుగుల భారీ తేడాతో ఓటమి పాలైంది.

ఊర్విల్ పటేల్‌కు ఇది మొదటి సంచలనం కాదు. IPL 2025లో చెన్నై సూపర్ కింగ్స్ (CSK) తరపున ఆడి తన బ్యాటింగ్ తో ఆకట్టుకున్నాడు. కొన్ని మ్యాచ్‌ల్లోనే ఆడినా, 212.50 సగటుతో 68 పరుగులు చేసి తన దూకుడైన ఆటతీరును ప్రదర్శించాడు. గతంలో సయ్యద్ ముస్తాక్ అలీ ట్రోఫీలో త్రిపురపై కేవలం 28 బంతుల్లో సెంచరీ సాధించి, భారత టీ20 క్రికెట్‌లో అత్యంత వేగవంతమైన సెంచరీ చేసిన భారత బ్యాటర్‌గా రికార్డు సృష్టించాడు. అతను గుజరాత్ తరపున దేశవాళీ క్రికెట్ ఆడుతున్నాడు.

మొత్తంగా, చిరిపాల్ టీ20 ప్రీమియర్ లీగ్ 2025లో ఊర్విల్ పటేల్ శతకం అతని అద్భుతమైన ఫామ్‌ను, అసాధారణ బ్యాటింగ్ నైపుణ్యాన్ని మరోసారి చాటి చెప్పింది. అతని కెరీర్‌లో ఇది ఒక ముఖ్యమైన మైలురాయిగా నిలుస్తుంది అనడంలో సందేహం లేదు.