ENG vs BAN Match Report: బంగ్లాను చిత్తుగా ఓడించిన డిఫెండింగ్ ఛాంపియన్.. సత్తా చాటిన మలాన్, టాప్లీ..

Eng Vs Ban

ICC World Cup Match Report, England vs Bangladesh: ఇంగ్లండ్ 137 పరుగుల భారీ తేడాతో బంగ్లాదేశ్‌ను ఓడించింది. ఈ మ్యాచ్‌లో బంగ్లాదేశ్‌కు 365 పరుగుల విజయ లక్ష్యం ఉండగా, షకీబ్ అల్ హసన్ జట్టు 48.2 ఓవర్లలో కేవలం 227 పరుగులకే పరిమితమైంది. ఈ విధంగా జోస్ బట్లర్ నేతృత్వంలోని డిఫెండింగ్ ఛాంపియన్ ఇంగ్లండ్ తొలి విజయాన్ని నమోదు చేసింది. అంతకుముందు న్యూజిలాండ్‌తో జరిగిన మ్యాచ్‌లో ఇంగ్లండ్ 9 వికెట్ల తేడాతో ఘోర పరాజయాన్ని చవిచూడాల్సి వచ్చింది.

బంగ్లాదేశ్ తరపున ఓపెనర్ లిటన్ దాస్ అత్యధిక పరుగులు చేశాడు. ఈ వికెట్ కీపర్ బ్యాట్స్‌మెన్ 66 బంతుల్లో 76 పరుగులు చేశాడు. అతని ఇన్నింగ్స్‌లో 7 ఫోర్లు, 2 సిక్సర్లు బాదాడు. అయితే, దీని తర్వాత బంగ్లాదేశ్ బ్యాట్స్‌మెన్ వెంటవెంటనే పెవిలియన్ బాట పట్టారు. రహీమ్ 64 బంతుల్లో 51 పరుగులు చేశాడు. తౌహీద్ హృదయ్ 61 బంతుల్లో 39 పరుగులతో ఇన్నింగ్స్ ఆడాడు. బంగ్లాదేశ్ కెప్టెన్ షకీబ్ అల్ హసన్‌తో పాటు మెహందీ హసన్, నజ్ముల్ హొస్సేన్ శాంటో, తంజీద్ హసన్ వంటి బ్యాట్స్‌మెన్లు నిరాశపరిచారు.

ఇంగ్లండ్ బౌలర్లలో రీస్ టాప్లీ అత్యధికంగా 4 వికెట్లు పడగొట్టాడు. రీస్ టాప్లీ 10 ఓవర్లలో 43 పరుగులిచ్చి 4 వికెట్లు పడగొట్టాడు. క్రిస్ వోక్స్ 2 వికెట్లు పడగట్టాడు. ఇది కాకుండా మార్క్ వుడ్, ఆదిల్ రషీద్, సామ్ కుర్రాన్, లియామ్ లివింగ్‌స్టోన్ తలో వికెట్ పడగొట్టారు.

ఇంగ్లండ్ 364 పరుగుల భారీ స్కోరు..

తొలుత బ్యాటింగ్ చేసిన ఇంగ్లండ్ జట్టు నిర్ణీత 50 ఓవర్లలో 9 వికెట్లకు 364 పరుగులు చేసింది. ఇంగ్లండ్‌ తరుపున ఓపెనర్‌ డేవిడ్‌ మలన్‌ 107 బంతుల్లో 140 పరుగులతో ఇన్నింగ్స్‌ ఆడాడు. జో రూట్ 68 బంతుల్లో 82 పరుగులు చేశాడు. అదే సమయంలో, జానీ బెయిర్‌స్టో 59 బంతుల్లో 52 పరుగులు చేశాడు.

బంగ్లాదేశ్ తరపున మెహందీ హసన్ అత్యధికంగా 4 వికెట్లు పడగొట్టాడు. షోరీఫుల్ ఇస్లాం ముగ్గురు ఆటగాళ్లను అవుట్ చేశాడు. దీంతో పాటు తస్కిన్ అహ్మద్, షకీబ్ అల్ హసన్ చెరో వికెట్ తీశారు.

ఇరుజట్లు ప్లేయింగ్ 11 ఇదే..

ఇంగ్లాండ్ ప్లేయింగ్ 11: