WTC 2025 Final: వామ్మో.. డబ్ల్యూటీసీ విజేతకు అన్ని కోట్ల ప్రైజ్ మనీనా.. ఐపీఎల్ విన్నర్ కంటే ఎంత ఎక్కువంటే?
WTC 2025 Final Prize Money: 2025 ప్రపంచ టెస్ట్ ఛాంపియన్షిప్ చివరి మ్యాచ్ జూన్ 11 నుంచి లండన్లోని లార్డ్స్లో ఆస్ట్రేలియా వర్సెస్ దక్షిణాఫ్రికా మధ్య జరుగుతుంది. గెలిచిన జట్టుకు $3.6 మిలియన్లు బహుమతిగా లభిస్తాయి. ఓడిపోయిన జట్టుకు $2.16 మిలియన్లు బహుమతిగా లభిస్తాయి. ఈ మ్యాచ్ ఆస్ట్రేలియాకు వరుసగా రెండవ విజయం అందిస్తుందా లేదా దక్షిణాఫ్రికాకు మొదటి విజయం అందిస్తుందా అనేది మరికొద్ది రోజుల్లో తేలనుంది.
WTC 2025 Final Prize Money: ఐసీసీ వరల్డ్ టెస్ట్ ఛాంపియన్షిప్ 2025 ఫైనల్ (WTC Final 2025) కోసం కౌంట్డౌన్ ప్రారంభమైంది. ఈ ఫైనల్ మ్యాచ్ ఆస్ట్రేలియా వర్సెస్ దక్షిణాఫ్రికా మధ్య (AUS vs SA) లండన్లోని లార్డ్స్ స్టేడియంలో జరుగుతుంది. జూన్ 11 నుంచి ఫైనల్ మ్యాచ్ ప్రారంభమవుతుంది. ఈ ఫైనల్ మ్యాచ్లో, పాట్ కమ్మిన్స్ ఆస్ట్రేలియా జట్టుకు నాయకత్వం వహించనున్నాడు. దక్షిణాఫ్రికా జట్టుకు టెంబా బావుమా నాయకత్వం వహించనున్నాడు. ఈ ఇద్దరు కెప్టెన్లు ప్రపంచ టెస్ట్ ఛాంపియన్షిప్ ట్రోఫీని గెలుచుకోవడంపై దృష్టి సారించారు. కానీ, ఈ ఫైనల్ మ్యాచ్కు ముందు విజేత జట్టుకు ఎంత ప్రైజ్ మనీ లభిస్తుందో మీకు తెలుసా?
ఫైనల్ విజేతకు ప్రైజ్ మనీ ఎంతంటే..?
ఇది ఐసీసీ డబ్ల్యూటీసీ ఫైనల్ మూడవ ఎడిషన్, ఫైనల్లో గెలిచిన జట్టు మొత్తం $3.6 మిలియన్ల ప్రైజ్ మనీని అందుకుంటుంది. అంటే, గెలిచిన జట్టు దాదాపు రూ.30.88 కోట్లు అందుకుంటుంది. గత రెండు ఎడిషన్లు, 2021, 2023 కంటే ప్రైజ్ మనీ ఎక్కువగా అందనుంది. గత రెండు ఎడిషన్లలో, మొత్తం ప్రైజ్ మనీని $1.6 మిలియన్లు. ఫైనల్లో ఓడిపోయిన జట్టుకు $2.16 మిలియన్లు, అంటే దాదాపు రూ.18.50 కోట్లు అందుతాయి. టెస్ట్ క్రికెట్ను ప్రాచుర్యంలోకి తీసుకురావడానికి, ఐసీసీ ప్రైజ్ మనీని పెంచింది. అంటే, ఈ బహుమతి డబ్బు కూడా ఐపీఎల్ ప్రైజ్ మనీ కంటే ఎక్కువ. ఐపీఎల్ 2025 ట్రోఫీని గెలుచుకున్న రాయల్ ఛాలెంజర్స్ బెంగళూరు (RCB) జట్టుకు రూ.20 కోట్ల బహుమతి ఇవ్వనున్నారు.
2025 ప్రపంచ టెస్ట్ ఛాంపియన్షిప్ను ఏ జట్టు గెలిస్తే అది చరిత్ర సృష్టిస్తుంది. ఆస్ట్రేలియా టైటిల్ గెలిస్తే, అది వారికి వరుసగా రెండో ట్రోఫీ విజయం అవుతుంది. మరోవైపు, దక్షిణాఫ్రికా తొలిసారిగా ప్రపంచ టెస్ట్ ఛాంపియన్షిప్ ట్రోఫీని గెలుచుకోవాలని లక్ష్యంగా పెట్టుకుంది.
దక్షిణాఫ్రికా, ఆస్ట్రేలియా ఫైనల్..
దక్షిణాఫ్రికా డబ్ల్యూటీసీ పాయింట్ల పట్టికలో అగ్రస్థానంలో ఉంది. లార్డ్స్లో ఫైనల్కు చేరుకున్న తొలి జట్టుగా అవతరించింది. పాకిస్తాన్, వెస్టిండీస్, బంగ్లాదేశ్, శ్రీలంకలపై సిరీస్లను గెలుచుకోవడం ద్వారా భారతదేశంతో స్వదేశీ సిరీస్ను డ్రా చేసుకోవడం ద్వారా దక్షిణాఫ్రికా ఫైనల్కు అర్హత సాధించింది. ఇంతలో, బోర్డర్-గవాస్కర్ ట్రోఫీలో భారతదేశంపై 3-1 తేడాతో విజయం సాధించి ఆస్ట్రేలియా ఫైనల్కు చేరుకుంది.
మరిన్ని క్రీడా వార్తల కోసం ఇక్కడ క్లిక్ చేయండి..