Team India: టీమిండియా ఆటగాళ్లతోనే అజిత్ అగార్కర్ జర్నీ.. కారణం ఏంటో తెలుసా?

Ajit Agarkar

BCCI Chief Selector Ajit Agarkar: ఐసీసీ వన్డే ప్రపంచకప్ టోర్నమెంట్‌లో ఆస్ట్రేలియాతో జరిగిన తొలి మ్యాచ్‌లో విజయం సాధించి భారత క్రికెట్ జట్టు శుభారంభం చేసింది. ఇప్పుడు టీమ్ ఇండియా రెండో పోరుకు సిద్ధమైంది. అక్టోబర్ 11న ఢిల్లీలోని అరుణ్ జైట్లీ స్టేడియంలో ఆఫ్ఘనిస్థాన్‌తో భారత జట్టు ఆడనుంది. ఇప్పుడు ఇందుకోసం రోహిత్ శర్మ బృందం ఢిల్లీకి చేరుకుంది. విశేషమేమిటంటే.. టీమిండియా ఆటగాళ్లతో పాటు బీసీసీఐ సెలక్షన్ కమిటీ చైర్మన్ అజిత్ అగార్కర్ కూడా ప్రయాణించాడు.

వన్డే ప్రపంచకప్ ప్రారంభానికి ముందు అజిత్ అగార్కర్ భారత క్రికెట్ జట్టుతో ఉన్నాడు. నిజానికి అగార్కర్ ఆసియా కప్ నుంచి జట్టుతోనే ఉన్నాడు. చేతన్ శర్మ, శివ సుందర్ దాస్ లాగా కాకుండా, అగార్కర్ ఎల్లప్పుడూ జట్టుతో కలిసి ప్రయాణిస్తున్నాడు. బుధవారం జరిగే భారత్-ఆఫ్ఘనిస్థాన్ మ్యాచ్‌కు ముందు అతను జట్టుతో కలిసి ఢిల్లీకి కూడా బయలుదేరాడు.

చీఫ్ సెలెక్టర్‌గా బాధ్యతలు స్వీకరించిన తర్వాత, అజిత్ అగార్కర్‌ ఖాళీగా ఉండడం లేదు. ఐర్లాండ్ పర్యటన, ఆ తర్వాత ఆసియా కప్, ప్రపంచ కప్ కోసం జట్టును ఎంపిక చేయడం.. ఇలా నిరంతరం బిజీగా ఉండే అగార్కర్ ప్రస్తుతం భారత జట్టు ఎక్కడికి వెళ్లినా జట్టు వెంట వెళ్తున్నాడు.

టీమ్ ఇండియాను నిశితంగా గమనిస్తున్న చీఫ్ సెలెక్టర్ అగార్కర్ జట్టులో ఏదైనా సమస్య లేదా గాయం ఉంటే వెంటనే నిర్ణయం తీసుకుంటున్నాడు. శుభ్‌మాన్ గిల్ డెంగ్యూతో బాధపడుతున్నందున, భారతదేశం ఏ దశలోనైనా బ్యాకప్ కోసం పిలుపునిచ్చే అవకాశం ఉంది. అయితే, బ్యాకప్ ఎవరు అనేది ప్రశ్న? సయ్యద్ ముస్తాక్ అలీ ట్రోఫీకి సంజూ శాంసన్ సిద్ధమయ్యాడు. గిల్ అందుబాటులో లేకుంటే, సంజు జట్టులోకి వస్తాడని భావిస్తున్నారు.

భారత రైజింగ్ స్టార్ శుభ్‌మాన్ గిల్ అనారోగ్యం కారణంగా చెన్నైలోనే ఉంటాడని, ఆఫ్ఘనిస్తాన్‌తో జరిగే మ్యాచ్‌లో భారత జట్టుతో కలిసి వెళ్లడం లేదని బీసీసీఐ సోమవారం ధృవీకరించింది.

‘టీమ్ ఇండియా బ్యాటర్ గిల్ 9 అక్టోబర్ 2023న జట్టుతో కలిసి ఢిల్లీకి వెళ్లలేదు. ఆస్ట్రేలియాతో తొలి మ్యాచ్‌కు దూరమైన గిల్ తర్వాతి మ్యాచ్‌కు కూడా దూరం కానున్నాడు. గిల్ చెన్నైలోనే ఉంటాడు. అతను వైద్య బృందం పర్యవేక్షణలో ఉంటాడు’ అని బీసీసీఐ ఒక ప్రకటనలో తెలిపింది.

మరిన్ని క్రీడా వార్తల కోసం ఇక్కడ క్లిక్ చేయండి..