IPL 2026: రికార్డ్ ప్రైజ్ కోసం మైండ్ బ్లోయింగ్ స్కెచ్.. ఐపీఎల్ హిస్టరీ మార్చేందుకు కోహ్లీ దోస్త్ రెడీ..
ఒకవేళ గ్రీన్ ఆల్ రౌండర్ల విభాగంలో వస్తే, అప్పటికే జట్లు మొదటి సెట్ ఆటగాళ్ల కోసం తమ వద్ద ఉన్న డబ్బును ఖర్చు చేసే అవకాశం ఉంటుంది. దీంతో గ్రీన్ కోసం పోటీ పడేందుకు వారి వద్ద తగినంత డబ్బు ఉండకపోవచ్చు. అందుకే, ఫ్రాంచైజీల పర్సులో ఇంకా పూర్తి డబ్బు ఉన్నప్పుడే, అంటే మొదటి సెట్లోనే వేలానికి రావాలనే ఉద్దేశంతో గ్రీన్ బ్యాటర్ల జాబితాలో చేరాడు.
IPL 2026 Auction: ఐపీఎల్ 2026 మినీ వేలం డిసెంబర్ 16న అబుదాబి వేదికగా జరగనుంది. ఈ వేలంలో మొత్తం 359 మంది ఆటగాళ్లు తమ అదృష్టాన్ని పరీక్షించుకోనున్నారు. అయితే, ఈసారి వేలంలో ఆస్ట్రేలియా స్టార్ ఆల్ రౌండర్ కామెరాన్ గ్రీన్ అత్యధిక ధర పలికే అవకాశం ఉందని క్రికెట్ వర్గాలు అంచనా వేస్తున్నాయి. ఇందుకు ప్రధాన కారణం గ్రీన్ తీసుకున్న ఒక తెలివైన నిర్ణయం.
గ్రీన్ వ్యూహం ఏమిటి..?
సాధారణంగా కామెరాన్ గ్రీన్ ఒక సీమ్-బౌలింగ్ ఆల్ రౌండర్. ఐపీఎల్ జట్లకు ఇలాంటి ఆటగాళ్లు అత్యంత విలువైన ఆస్తులు. అయితే, ఈసారి వేలంలో గ్రీన్ తన పేరును ‘ఆల్ రౌండర్ల’ విభాగంలో కాకుండా, ‘బ్యాటర్ల’ విభాగంలో నమోదు చేసుకున్నాడు.
దీని వెనుక ఉన్న కారణం..
ఐపీఎల్ వేలంలో ఆటగాళ్లను వివిధ సెట్లుగా విభజిస్తారు. మొదటి సెట్లో బ్యాటర్లు, ఆ తర్వాత ఆల్ రౌండర్లు, ఆపై బౌలర్లు వేలానికి వస్తారు. ఇది మినీ వేలం కాబట్టి ఫ్రాంచైజీల వద్ద పరిమిత బడ్జెట్ మాత్రమే ఉంటుంది.
ఒకవేళ గ్రీన్ ఆల్ రౌండర్ల విభాగంలో వస్తే, అప్పటికే జట్లు మొదటి సెట్ ఆటగాళ్ల కోసం తమ వద్ద ఉన్న డబ్బును ఖర్చు చేసే అవకాశం ఉంటుంది. దీంతో గ్రీన్ కోసం పోటీ పడేందుకు వారి వద్ద తగినంత డబ్బు ఉండకపోవచ్చు. అందుకే, ఫ్రాంచైజీల పర్సులో ఇంకా పూర్తి డబ్బు ఉన్నప్పుడే, అంటే మొదటి సెట్లోనే వేలానికి రావాలనే ఉద్దేశంతో గ్రీన్ బ్యాటర్ల జాబితాలో చేరాడు. ఈ వ్యూహం వల్ల అతనికి రికార్డు స్థాయిలో ధర పలికే అవకాశం ఉంది.
మొదటి సెట్లో ఉన్న ఇతర ఆటగాళ్లు..
గ్రీన్తో పాటు న్యూజిలాండ్ ఆటగాడు డెవాన్ కాన్వే, ఆస్ట్రేలియాకు చెందిన జేక్ ఫ్రేజర్-మెక్గుర్క్, దక్షిణాఫ్రికా స్టార్ డేవిడ్ మిల్లర్, భారత ఆటగాళ్లు సర్ఫరాజ్ ఖాన్, పృథ్వీ షా కూడా బ్యాటర్ల జాబితాలో (మొదటి సెట్) ఉన్నారు. విదేశీ ఆటగాళ్లందరూ రూ. 2 కోట్ల కనీస ధర (బేస్ ప్రైస్) నిర్ణయించుకోగా, భారత ఆటగాళ్లు రూ. 75 లక్షల బేస్ ప్రైస్తో బరిలో ఉన్నారు.
గ్రీన్ ఐపీఎల్ ప్రదర్శన..
కామెరాన్ గ్రీన్ గతంలో 2023లో ముంబై ఇండియన్స్, 2024లో రాయల్ ఛాలెంజర్స్ బెంగళూరు జట్లకు ప్రాతినిధ్యం వహించాడు. ఇప్పటివరకు 29 మ్యాచ్లు ఆడిన గ్రీన్, 153.69 స్ట్రైక్ రేట్తో 707 పరుగులు చేశాడు. ఇందులో ఒక సెంచరీ, రెండు అర్ధ సెంచరీలు ఉన్నాయి. బౌలింగ్లో 9.07 ఎకానమీతో 16 వికెట్లు కూడా పడగొట్టాడు.
ఈ గణాంకాలు, అతని తాజా వ్యూహం చూస్తుంటే, డిసెంబర్ 16న జరిగే వేలంలో గ్రీన్ జాక్పాట్ కొట్టడం ఖాయంగా కనిపిస్తోంది.
మరిన్ని క్రీడా వార్తల కోసం ఇక్కడ క్లిక్ చేయండి..