Asia Cup 2025: ఆసియా కప్ కోసం భారత జట్టు.. టీ20ల్లో రీఎంట్రీ ఇచ్చిన టీమిండియా ప్రిన్స్..?
Asia Cup India Squad: ఆసియా కప్ కోసం భారత జట్టును ప్రకటించే సమయం ఆసన్నమైంది. యుఎఇలో జరగనున్న ఈ టోర్నమెంట్ షెడ్యూల్ ఇప్పటికే విడుదలైంది. దీంతో భారత జట్టును త్వరలోనే ప్రకటించనున్నారు. కాగా ఈ జట్టులో ఎవరు ఉంటారనే దానిపై ఉత్కంఠ నెలకొంది.
ఆసియా కప్ సెప్టెంబర్ 9 నుంచి ప్రారంభం కానుంది. దీనికి భారత జట్టును ఆగస్టు మూడవ వారంలో ప్రకటించవచ్చు అని తెలుస్తోంది. ఈ టోర్నమెంట్ ద్వారా శుభ్మాన్ గిల్ టీ20 జట్టులోకి తిరిగి రావచ్చని నివేదికలు వస్తున్నాయి.
గిల్ చాలా కాలంగా భారత టీ20 జట్టులో భాగం కాలేదు. గత సంవత్సరం టీ20 ప్రపంచ కప్ జట్టులోనూ అతను భాగం కాలేదు. అతను శ్రీలంకతో తన చివరి టీ20 మ్యాచ్ ఆడాడు. కానీ ఇప్పుడు ఆసియా కప్ నుంచి జట్టులోకి తిరిగి వస్తున్నట్లు వార్తలు వస్తున్నాయి.
గిల్తోపాటు యశస్వి జైస్వాల్, సాయి సుదర్శన్ పేర్లు కూడా రేసులో ఉన్నాయి. అలాగే హార్దిక్ పాండ్యా, కేఎల్ రాహుల్ కూడా ఈ జట్టులో ఉండే సూచనలు కనిపిస్తున్నాయి. అయితే, రిషబ్ పంత్, బుమ్రా పేర్లు ఈ లిస్ట్ నుంచి తప్పుకున్నట్లేనని తెలుస్తోంది.
యశస్వి జైస్వాల్ కూడా వన్డే, టీ20 కమిట్మెంట్ల కారణంగా టీ20 జట్టుకు దూరంగా ఉన్నాడు. కానీ, ఆసియా కప్లో అతని ఎంపికను కూడా పరిగణించవచ్చని నివేదికలు ఉన్నాయి.
ఆసియా కప్ సెప్టెంబర్ 9 నుంచి సెప్టెంబర్ 28 వరకు యుఎఇలో జరగనుంది. ఇందులో, భారత్ ఫైనల్కు చేరుకుంటే, టోర్నమెంట్లో మొత్తం 6 మ్యాచ్లు ఆడవలసి ఉంటుంది.