Vastu Tips: అద్దె ఇంటికి కూడా వాస్తు తప్పనిసరి..! లేదంటే,అప్పుల బాధలు, అనారోగ్య సమస్యలు తప్పవు..!!
ఇంటిని అద్దెకు తీసుకునే ముందు వాస్తు నియమాలను పాటించాలి. మీరు కూడా ఇల్లు అద్దెకు తీసుకోబోతున్నట్లయితే ఈ నియమాలను తప్పనిసరిగా పాటించండి. వాస్తు అత్యద్భుతంగా లేకపోయినా కనీసం పాటించాల్సిన నియమాలు కొన్ని ఉంటాయి.
Updated on: Apr 26, 2023 | 8:58 PM
ఇల్లు అద్దెకు తీసుకున్నప్పుడల్లా, ఆఫీసు నుండి దూరం, ఆ ఏరియా ఎలా ఉంటుంది. సౌకర్యాలు ఎలా ఉంటాయ్‌ మొదలైనవాటిని పూర్తిగా చూసుకుంటాము. కానీ వాస్తు దోషాల విషయంలో జాగ్రత్తలు తీసుకోవడం మరిచిపోతారు. ఒక్కమాటలో చెప్పాలంటే ఆ విషయాన్ని పూర్తిగా మర్చిపోతారు. వాస్తు దోషం వల్ల వృత్తి, వ్యాపారాలలో అస్థిరత, కుటుంబ సభ్యుల అనారోగ్యం, సమస్యలు పెరగడం, ఆదాయం తగ్గడం. ఇందుకోసం ఇంటిని అద్దెకు తీసుకునే ముందు వాస్తు నియమాలను పాటించాలి. మీరు కూడా ఇల్లు అద్దెకు తీసుకోబోతున్నట్లయితే ఈ నియమాలను తప్పనిసరిగా పాటించండి. వాస్తు అత్యద్భుతంగా లేకపోయినా కనీసం పాటించాల్సిన నియమాలు కొన్ని ఉంటాయి. వాటిని విస్మరిస్తే మీ జీవితం ఏకంగా అద్దెఇంటికే అంకింతమైపోతుంది. అదే అన్నివిధాలుగా సరిగ్గా వాస్తుండే ఇంట్లో అద్దెకు ఉంటే ఆస్తులు కలసిరావడమే కాదు సొంతింటి కల కూడా నెరవేరుతుంది.
ఇల్లు అద్దెకు తీసుకునే ముందు పాటించాల్సిన నియమాలు:
– వంటగది ఈశాన్య లేదా నైరుతి దిశలో ఉండకూడదు. అద్దె ఇంట్లో పడకగది నైరుతి దిశలో ఉండాలి. అదే సమయంలో ప్రధాన తలుపు ఉత్తర దిశలో ఉండాలి.
– ఇంటిని అద్దెకు తీసుకున్నప్పుడు, ఈశాన్య దిశలో మరుగుదొడ్లు పెట్టకూడదని గుర్తుంచుకోండి. మరుగుదొడ్లు పడమర వైపు ఉండాలి. లేదంటే ఇంట్లో నెగెటివ్ ఎనర్జీ పెరగడం మొదలవుతుంది. కాబట్టి దానిపై శ్రద్ధ పెట్టడం ముఖ్యం.
– కొత్త ఇంట్లో విరిగిన ఫర్నీచర్ మరియు అనవసరమైన వస్తువులను ఉంచవద్దు. అలాగే, ఇంట్లో పగిలిన ఫోటోలు మరియు అద్దాలను వదిలించుకోండి. ఇవి ఉంటే ప్రతికూల ఆలోచనలు పెరుగుతాయి.
– మీరు ఇల్లు అద్దెకు తీసుకోవాలని ఆలోచిస్తున్నట్లయితే, ముందుగా ఇంటిపై సానుకూల చిత్రాన్ని ఉంచండి. దీని కోసం ఇంట్లో పర్వతాలు, సూర్యుడు, జలపాతాల ఫోటోలను ఉంచండి. అలాగే ఇంట్లో ధూపం, దీపం వంటి పరిమళాలను వెలిగించండి.
– వాస్తు నిపుణుల అభిప్రాయం ప్రకారం, శ్మశానవాటిక, ఆసుపత్రి, ట్రాఫిక్ ప్రాంతం, రద్దీ ఎక్కువగా ఉండే ప్రాంతాలకు సమీపంలో ఇంటిని అద్దెకు తీసుకోవద్దు. అలాగే ఇంటి చుట్టూ మొబైల్ టవర్, విద్యుత్ స్తంభం ఉండకూడదు. ఇవన్నీ శక్తి ప్రవాహాన్ని ఆపుతాయి.
Note: (వాస్తు వివరాలు, రాశిఫలాలు అనేవి నమ్మకం మీద ఆధారపడి ఉంటాయి. దీనికి శాస్త్రీయ ఆధారాలు లేవు. కేవలం మనుషుల ఆసక్తిని, నమ్మకాన్ని దృష్టిలో ఉంచుకుని ఇక్కడ అందించాం.)
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
