Kalaashtami 2025: రేపే కాలాష్టమి.. జాతకంలో శని, రాహు దోషం తొలగాలంటే భైరవుడి ఇలా పూజించండి..
త్రిమూర్తులలో లయకారుడైన శివుడి అంశ కాలభైరవుడు.. బ్రహ్మ కపాలము. శివుని హూంకారము నుంచి జన్మించిన భయంకరమైన ఆకారం కలవాడు. కాలభైరవుడిని పూజిస్తే గ్రహ దోషాలు, అపమృత్యు గండం తొలగడమే కాదు భూతప్రేత, రాక్షస, వ్యాధుల నివారణ జరుగుతుందని నమ్మకం. కనుక కాలాష్టమి రోజున కాలభైరవుడిని పూజించడం, మంత్రాలను సరిగ్గా జపించడం ద్వారా ఆయన ఆశీర్వాదాలను పొందవచ్చు . జీవితంలోని ప్రతికూల శక్తిని తొలగించవచ్చు.
కాలాష్టమి అనేది కాల భైరవ భగవానుడికి అంకితం చేయబడిన ఒక ముఖ్యమైన హిందూ పండుగ. దీనిని ప్రతి నెల కృష్ణ పక్షంలోని అష్టమి తిధి రోజున జరుపుకుంటారు. ఈ రోజు శివుని ఉగ్ర రూపమైన కాల భైరవుని పూజకు ప్రత్యేక ప్రాముఖ్యతను కలిగి ఉంది. ఈ రోజున కాలభైరవుడిని పూజించడం వల్ల భయం, ప్రతికూల శక్తి తొలగిపోతుందని నమ్ముతారు. ఈ ఉపవాసం రోజున చేసే పూజ ఉపవాసం శనిశ్వరుడి, రాహువు చెడు ప్రభావాలను తగ్గించడంలో కూడా సహాయకారిగా పరిగణించబడుతుంది.
కాలభైరవుడిని న్యాయ దేవుడిగా కూడా పరిగణిస్తారు. అందుకే ఆయనను పూజించడం వల్ల భక్తులకు రక్షణ, ఆశీర్వాదాలు లభిస్తాయి. ఈ రోజున ఉపవాసం ఉండటం, దానధర్మాలు చేయడం కూడా ప్రత్యేక ప్రాముఖ్యతను కలిగి ఉంది. రేపు కాలాష్టమి కనుక మీరు కాలభైరవుడిని పూజించి ఆయన ఆశీస్సులు పొందవచ్చు.
వేద క్యాలెండర్ ప్రకారం వైశాఖ మాసం కృష్ణ పక్ష అష్టమి తిథి మంగళవారం.. మే 20 ఉదయం 05:51 గంటలకు ప్రారంభమై మర్నాడు అంటే మే 21 బుధవారం ఉదయం 04:55 గంటలకు ముగుస్తుంది. అటువంటి పరిస్థితిలో ఉదయతిథి నమ్మకం ప్రకారం కాలాష్టమి ఉపవాసం మే 20వ తేదీ మంగళవారం రోజున జరుపుకుంటారు.
కాలాష్టమి పూజా విధానం
ఉదయాన్నే నిద్రలేచి, స్నానం చేసి శుభ్రమైన బట్టలు ధరించాలి. కాలాష్టమి ఉపవాసం ఉంటామని ప్రతిజ్ఞ చేయండి.
శుభ్రమైన వేదికపై కాలభైరవుని విగ్రహం లేదా చిత్రాన్ని ప్రతిష్టించండి.
భైరవుడికి పువ్వులు (ముఖ్యంగా నీలం లేదా నలుపు), దండలు, ధూపం, దీపాలు, నైవేద్యాలు సమర్పించండి.
భైరవుని ముందు ఆవ నూనె దీపం లేదా నల్ల నువ్వుల నూనె తో దీపం వెలిగించండి.
హిందూ విశ్వాసం ప్రకారం జలేబీ, లేదా మినుములతో చేసిన పదార్ధాలు లేదా ఏదైనా తీపి పదార్ధాలను భైరవుడికి సమర్పించండి.
కాలాష్టమి కథను ఉపవాసం చదవండి లేదా వినండి. కాలభైరవునికి హారతి ఇవ్వండి.
పూజ ముగింపులో పూజ సమయంలో తెలిసి తెలియక ఏమైనా తప్పులు చేస్తే క్షమాపణ కోరుతూ ప్రార్థించండి.
వీలైతే, నల్ల కుక్కకు ఆహారం పెట్టండి. ఎందుకంటే నల్ల కుక్కని భైరవుని వాహనంగా హిందువులు భావిస్తారు.
మంత్రాలు జపించడానికి నియమాలు
కాలాష్టమి రోజున పూజ సమయంలో మంత్రాలు జపించేటప్పుడు, శరీరం, మనస్సు రెండూ స్వచ్ఛంగా ఉండాలి. స్నానం చేసి శుభ్రమైన బట్టలు ధరించండి. ప్రశాంతంగా, ఏకాగ్రతతో మంత్రాన్ని జపించండి. మంత్రాలను సరిగ్గా ఉచ్చరించడం ముఖ్యం. ఉచ్చారణ విషయంలో మీకు ఏదైనా సందేహం ఉంటే, పరిజ్ఞానం ఉన్న వ్యక్తి నుంచి మార్గదర్శకత్వం తీసుకోండి. మీ భక్తి , సమయాన్ని బట్టి మీరు మంత్రాలను నిర్దిష్ట సంఖ్యలో (ఉదా. 108 సార్లు) జపించవచ్చు. తూర్పు లేదా ఉత్తరం వైపు ముఖంగా కూర్చోవడం శుభప్రదంగా భావిస్తారు. మీరు ఎక్కువ సార్లు జపిస్తుంటే రుద్రాక్ష లేదా తులసి పూసలను ఉపయోగించవచ్చు.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు