Breaking News
  • హైదరాబాద్‌: బేగంపేటలో గుర్తుతెలియని వ్యక్తి అనుమానాస్పద మృతి. ఓ అపార్ట్‌మెంట్‌ సమీపంలో రక్తపు మడుగులో ఉన్న మృతదేహం. పోలీసులకు సమాచారం ఇచ్చిన స్థానికులు.
  • నిర్మల్‌: బైంసాలో కంది రైతుల అరిగోస. ఎలాంటి సమాచారం లేకుండా కొనుగోళ్లను నిలిపివేసిన అధికారులు. ఈరోజు తేదీతో టోకెన్‌ ఇచ్చిన అధికారులు. కొనుగోలు కేంద్రానికి కందులు తీసుకొచ్చిన రైతులు. కొనుగోళ్లు లేకపోవడంతో కందులను తిరిగి తీసుకెళ్తున్న రైతులు.
  • హైదరాబాద్‌: నేరెడ్‌మెట్‌లో దారుణం. మైనర్‌ బాలికపై ఫోటోగ్రాఫర్‌ అఘాయిత్యం ఫోటోకోసం వెళ్లిన మైనర్‌ బాలికపై సలీం అత్యాచారం. అరుచుకుంటూ స్టూడియో బయటికి పరుగులు తీసిన బాలిక. పోలీసులకు ఫిర్యాదు చేసిన బాలిక.
  • నెల్లూరు మున్సిపల్‌ కార్యాలయంలో ఏసీబీ సోదాలు. పలు శాఖలకు సంబంధించిన ఫైళ్లను తనిఖీ చేస్తున్న అధికారులు.
  • భద్రాచలం సబ్‌జైలులో రిమాండ్‌ ఖైదీ ఆత్మహత్యాయత్నం. బాత్‌రూమ్‌ రేకుతో చేయి కోసుకున్న ప్రవీణ్‌కుమార్‌. ఆస్పత్రికి తరలించిన జైలు అధికారులు.
  • డబుల్‌ బెడ్‌రూం ఇళ్ల పేరుతో మోసం చేస్తున్న ముఠా అరెస్ట్‌. యాదాద్రి భువనగిరిజిల్లాః భువనగిరిలో ప్రేమ జంట ఆత్మహత్యాయత్నం. ప్రియుడి మృతి, ప్రియురాలి పరిస్థితి విషమం, ఆస్పత్రికి తరలింపు. ఈ నెల 16న ప్రేమ వివాహం చేసుకున్న స్వామి, ఉమారాణి. వలిగొండ మండలం జంగారెడ్డిపల్లికి చెందినవారిగా గుర్తింపు.

ట్రూకాలర్ వాడుతున్నారా.. అయితే మీ డేటా లీక్ అయినట్లే!

TrueCaller Indian Users, ట్రూకాలర్ వాడుతున్నారా.. అయితే మీ డేటా లీక్ అయినట్లే!

ప్రపంచవ్యాప్తంగా కోట్లాదిమంది ట్రూకాలర్ యూజర్ల డేటా లీకైంది. జస్ట్ రూ.1.5 లక్షలు చెల్లిస్తే చాలు ట్రూకాలర్ యూజర్ల డేటా డార్క్‌వెబ్‌లో దొరుకుతోందని ఓ సైబర్ సెక్యూరిటీ సంస్థ ఈ సంచలన విషయాన్ని బయటపెట్టింది. ట్రూకాలర్ యూజర్ల పేర్లు, ఫోన్ నెంబర్లు, ఇమెయిల్ అడ్రస్.. ఇలా మొత్తం పలు రకాల డేటాను ఎవరైనా పొందొచ్చు. మరో షాకింగ్ విషయం ఏంటంటే లీకైన డేటాలో 60-70 శాతం భారతీయులదే అని అనుమానం. ఎందుకంటే ట్రూకాలర్‌ను అత్యధికంగా 14 కోట్ల మంది ఇండియన్ యూజర్లు ఉపయోగిస్తున్నారు. ఇండియన్ యూజర్ల డేటాకు రూ.1,55,000, గ్లోబల్ యూజర్ల డేటాకు రూ.20,00,000 చెల్లించి డార్క్‌వెబ్‌లో పొందవచ్చట.

కాగా ఈ విషయంపై ట్రూకాలర్ స్పందించింది. యూజర్ల డేటా లీక్ అంటూ వస్తున్న వార్తలను ఆ సంస్థ ఖండించింది. అయినా డేటా లీక్ వ్యవహారం సంచలనం సృష్టించడంతో క్షుణ్ణంగా విచారణ చేపట్టామని, అయితే డేటా లీకైనట్లు తమకు ఆధారాలేమీ లభించలేదన్నారు. యూజర్ల డేటాకు ముప్పు కలగకుండా తగిన చర్యలు తీసుకున్నామని.. తమ సర్వర్లలో డేటా సురక్షితంగా ఉందన్నారు. అటు భారీ స్థాయిలో ట్రూకాలర్ యూజర్ల డేటా లీక్ అయిందని సైబర్ నిపుణులు మాత్రం నమ్ముతున్నారు.

Related Tags