సమంతకు నచ్చిన మూగ బంధం…

బంధాలు.. బంధుత్వాలు మనుషులకే కాదు మూగ ప్రాణులకు కూడా ఉంటుందని మరోసారి రుజువైంది. ఇలాంటి ఘటనే ఒకటి సోషల్ మీడియాలో వైరల్ గా మారుతోంది.

Updated on: Sep 11, 2020 | 2:07 PM

బంధాలు.. బంధుత్వాలు మనుషులకే కాదు మూగ ప్రాణులకు కూడా ఉంటుందని మరోసారి రుజువైంది. ఇలాంటి ఘటనే ఒకటి సోషల్ మీడియాలో వైరల్ గా మారుతోంది. అయితే ఈ వీడియోను అక్కినేని కోడలు.. సమంత అక్కినేని పోస్ట్ చేశారు.

తనతో ఎప్పట్నుంచో కలిసున్న ఓ ఆవు దూరమవడాన్ని ఆ ఎద్దు తట్టుకోలేకపోయింది. ఆవును తీసుకెళ్లొద్దని రైతును వేడుకుంది. ఎక్కించి తీసుకెళుతుంటే వెనకాల పరిగెడుతూ వెంబడించింది. ఆ వ్యాన్‌ వెంటే పరుగు పెట్టింది. వ్యాన్ చుట్టూ తిరిగుతూ రైతును ప్రాదేయపడింది. ఓ సమయంలో ఆ ఆవుతో ఏదో మాట్లాడేందుకు ఆ ఎద్దు ప్రయత్నించింది.

ఈ ఘటనను స్థానిక వ్యక్తి వీడియో తీసి సోషల్ మీడియాలో షేర్ చేశారు. అది వైరల్ అయింది. ఆ రెండింటినీ కలపాలని కొన్ని వేల మంది కోరుకున్నారు. దీంతో ఈ రైతు మనసు మార్చుకుని ఆ రెండింటినీ కలిపాడు.