Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 24 వేల 850 మంది వైరస్​ సోకింది. మరో 613 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,73,165. ప్ర‌స్తుతం యాక్టీవ్ కేసులు2,44,814. వ్యాధి బారి నుంచి కోలుకున్న‌వారు 4,09,083. క‌రోనాతో మొత్తం ప్రాణాలు విడిచినవారి సంఖ్య 19,268.
  • మాస్కులు , శానిటైజర్స్ కొరత పై స్పందించిన మానవ హక్కుల కమిషన్. మీడియా కథనాలను సుమోటో గా స్వీకరించిన హెచ్చార్సీ. కోవిడ్ వారియర్స్ ఫ్రైంట్ లైన్ వారియర్స్కు సరఫరాలో లోపం పై ఆగ్రహం. పారిశుద్య , ఎంటమాలజీ సిబ్బందికి రక్షణ వస్తువులు ఇవ్వకపోవడాన్ని తప్పు పట్టిన హెచ్చార్సీ. మాస్కులు , శానిటైజర్ల సరఫరాపై ఈ నెల 28లోగా కమీషన్ ముందు వివరణ ఇవ్వాలని జిహెచ్ఎంసి కమిషనర్ కు ఆదేశాలు.
  • నిమ్స్ లో కరోనా కలకలం . టెస్టింగ్ ల్యాబ్ సిబ్బంది ముగ్గురికి కరోనా పాజిటివ్ . మిల్లినియం బ్లాక్ నుండి ఐటిఎమర్ భవనానికి ల్యాబ్ ని టెస్టుల ప్రక్రియ కోసం మార్చడం తో బాధితులు గా మారుతున్న ల్యాబ్ సిబ్బంది .
  • కర్నూలు: నంద్యాలకు చెందిన బ్యాంక్ ఉద్యోగి కరోనాతో మృతి. మృతి చెందిన వ్యక్తి శిరివెళ్ళ మండలం యర్రగుంట్ల స్టేట్ బ్యాంక్ లో ఉద్యోగం . మృతి చెందిన వ్యక్తి కరోనా టెస్ట్ చేయించుకో గా కరోనా నిర్దారణ. పరిస్థితి విషమంగా ఉండగా కర్నూలు తరలిస్తూండగా కోలుకోలేక మృతి.
  • వరంగల్: నేడు సంపూర్ణ శాకాంబరీగా దర్శనమిస్తున్న భద్రకాళి అమ్మవారు. కరోనా వైరస్ వ్యాప్తి నేపథ్యంలో పలు ఆంక్షల మధ్య ఉత్సవాలు. భక్తులు ఎవరూ అమ్మవారికి కూరగాయలు తీసుకురావద్దని విజ్ఞప్తి. నిరాడంబరంగా ఉత్సవాలు.. నేరుగా తోట నుండి కూరగాయలు సేకరించి అమ్మవారిని సంపూర్ణ శాకాంబరీగా అలంకరించిన ఆలయ పూజారులు. సాయంత్రం 8గంటల వరకే దర్శనాలు.
  • చెన్నై మహానగరాన్ని కుదిపేస్తున్న కరోనా మహమ్మారి ,వెయ్యి మందికి పైగా మృతి . రాష్ట్రవ్యాప్తం గా 13 జిల్లాలో చెన్నై లోనే కరోనా బాధితుల సంఖ్య వేగం గా పెరుగుతుంది . రోజు వేల సంఖ్యలో కేసులు నమోదుకావడం తో ఇప్పటివరకు 66 వేల 538 మంది కి కరోనా నిర్ధారణ . చెన్నైనగరం లో కరోనా మహమ్మారికి 1 ,033 మంది మృతి చెందినట్టు అధికారులు వెల్లడి .
  • తెలంగాణ కరోనా కేసుల అప్డేట్స్: 17వేల మార్క్ కు చేరువలో జిహెచ్ఎంసి కేసులు. రాష్ట్రంలో ఈరోజు కరోనా పాజిటివ్ కేసులు 1850. తెలంగాణ రాష్ట్రంలో మొత్తం కేసులు- 22312. జిహెచ్ఎంసి పరిధిలో - 1572. ఈరోజు కరోనా తో చనిపోయిన వారు - 5. టోటల్ డెత్స్ - 288 చికిత్స పొందుతున్న వారు- 10487. డిశ్చార్జి అయిన వారు -11537.

ఓటీటీలో విడుద‌ల‌కు ముందే పైరసీ..!

Jyothika starrer Ponmagal Vandhal LEAKED online by Tamilrockers ahead of its OTT release, ఓటీటీలో విడుద‌ల‌కు ముందే పైరసీ..!

ప్రముఖ నటి జ్యోతిక నటించిన తమిళ మూవీ ‘పొన్​మగళ్ వందల్’, ఓటీటీలో నేడు విడుదలైన సంగ‌తి తెలిసిందే. ప్ర‌స్తుతం ఈ సినిమాకు మంచి రివ్యూస్ వ‌స్తున్నాయి. అయితే ఈ రిలీజ్ కు కొన్ని గంటల క్రితమే ఓ పైరసీ సైట్​లో ఫుల్ మూవీ దర్శనమిచ్చింది. దీంతో అనుకున్న టైమ్ కంటే ముందుగానే  అమెజాన్ ప్రైమ్​లో మూవీని అందుబాటులోకి తీసుకొచ్చారు ప్రొడ్యూస‌ర్స్.

ముందుగా అనుకున్న షెడ్యూల్​ ప్రకారం మే 29న ఈ మూవీ రిలీజ్ కు సిద్ధమయ్యారు. అంతకముందు రోజు ఫిల్మ్ ఇండ‌స్ట్రీలోని ప్ర‌ముఖుల‌ కోసం ప్రైమ్ వేదికగా ప్రీమియర్ షో ఏర్పాటు చేశారు. ఈ సమయంలోనే హెచ్​డీ ప్రింట్​ను కొందరు దుండ‌గులు తస్కరించినట్లు స‌మాచారం. అయితే ఈ మూవీ చూసిన సెలబ్రిటీలు అందరూ చిత్ర‌ యూనిట్ పై ప్రశంసలు కురిపిస్తున్నారు. ప్రొడ్యూస‌ర్ సూర్య, నటి జ్యోతికల‌ను క్రిటిక్స్ సైతం మెచ్చుకుంటున్నారు. ఇందులో జ్యోతికతో పాటు కె.భాగ్యరాజా, పార్తిబన్, పాండిరాజన్ తదితరులు కీల‌క పాత్ర‌లు పోషించారు. మొద‌ట ఈ చిత్రాన్ని మార్చి 27న థియేటర్లలోకి తీసుకురావాలని భావించినా, క‌రోనా క‌ట్ట‌డి చ‌ర్య‌ల్లో భాగంగా విధించిన‌ లాక్​డౌన్ కారణంగా ఓటీటీలో రిలీజ్ చేయాల్సి వచ్చింది. ​ఈ క్ర‌మంలో సూర్య దంప‌తులపై ప‌లు థియేట‌ర్ యాజమాన్యాలు, డిస్ట్రిబ్యూట‌ర్స్ ఆగ్ర‌హం వ్య‌క్తం చేసిన సంగ‌తి తెలిసిందే.

Related Tags