అభిమాని అత్యుత్సాహం జనసేన అధినేత పవన్ కల్యాణ్ను కిందపడేలా చేసింది. వివరాల్లోకి వెళ్తే.. ఎన్నికల ప్రచారంలో దూసుకుపోతోన్న పవన్ కల్యాణ్ తాజాగా విజయనగరం బహిరంగ సభలో పాల్గొన్నారు. అక్కడ ఆయన మాట్లాడేందుకు సిద్ధమవుతుండగా.. వెనుక నుంచి వచ్చిన ఓ అభిమాని పవన్ కాళ్లు గట్టిగా పట్టుకున్నాడు. దీంతో పవన్ ఒక్కసారిగా తుళ్లిపడి కింద పడిపోయారు. ఈ ఘటనలో మైక్ కూడా విరిగిపోయింది. వెంటనే అప్రమత్తమైన భద్రతాసిబ్బంది పవన్ను పైకి లేపారు. అనంతరం ఆ అభిమానిని అదుపులోకి తీసుకొని పోలీసులకు అప్పగించారు.