Yoga Benefits: పాదాలను గోడపై ఉంచి నిద్రించి చూడండి.. అనేక ఆరోగ్య ప్రయోజనాలు మీ సొంతం
శారీరక ఆరోగ్యం కోసం యోగ ఆసనాలు, వ్యాయామాలు చేస్తుంటారు. మానసిక ఆరోగ్యం కోసం కూడా యోగా సరైన ఎంపిక. యోగా శారీరక, మానసిక ఆరోగ్యాన్ని మెరుగుపరుస్తుంది. అయితే కండరాల నొప్పి, అధిక రక్తపోటుతో బాధపడుతుంటే ఉపశనం కోసం ఈ యోగా పోజుని ట్రై చేసి చూడండి.
మీ పాదాలను గోడపై ఉంచి నిద్రించడం వల్ల అనేక ఆరోగ్య ప్రయోజనాలున్నాయి. ప్రతిరోజూ కనీసం 20 నిమిషాల పాటు ఈ ఆసనాన్ని చేయాలి. కండరాల నొప్పి నుండి అధిక రక్తపోటు వరకు అన్ని సమస్యల నుండి ఉపశమనం పొందవచ్చు.
పాదాలను గోడకు ఆనించి నిద్రించడం అనేది శరీరంలో రక్త ప్రసరణను మెరుగుపరిచే ఒక రకమైన వ్యాయామం. ఈ సాధారణ వ్యాయామం చేయడం ద్వారా అనేక ప్రయోజనాలను పొందవచ్చు. ఈ ఆసనాన్ని ప్రతిరోజూ కనీసం 20 నిమిషాల పాటు చేయాలి.
జీర్ణవ్యవస్థను మెరుగుపరుస్తుంది: బలహీనమైన జీర్ణవ్యవస్థ కారణంగా మలబద్ధకం, కడుపు నొప్పి, అపానవాయువు వంటి సమస్యలు కూడా సంభవించవచ్చు. ఈ సమస్యలన్నింటినీ నివారించడానికి ప్రతి రోజూ కనీసం 20 నిమిషాల పాటు మీ పాదాలను గోడకు ఆనుకుని నిద్రించండి.
నిద్రలేమి సమస్య: ఈ ఆసనాన్ని ఇన్‌వర్టెడ్ స్లీపింగ్ పొజిషన్ అని కూడా అంటారు. ఈ ఆసనం చేయడం వల్ల ఒత్తిడి నుంచి ఉపశమనం పొందవచ్చు. దీని వలన ఆందోళన మరియు నిద్రలేమి సమస్యల నుండి బయటపడవచ్చు.
కండరాల నొప్పి నుండి ఉపశమనం: మీ పాదాలను గోడకు ఆనుకుని విశ్రాంతి తీసుకుంటే కండరాలు విశ్రాంతి పొందుతాయి. అంతేకాదు పాదాలు, అరికాళ్ళలో నొప్పిని తగ్గిస్తుంది.
రక్త ప్రసరణను మెరుగుపరుస్తుంది: పాదాలను గోడకు ఆనుకుని నిద్రించడం వల్ల జీర్ణక్రియ మెరుగుపడుతుంది. అంతేకాదు కాళ్ళలో వాపు , జలదరింపును కూడా తగ్గిస్తుంది. కొందరిలో రక్త ప్రసరణ సరిగా జరగకపోవడం వల్ల శరీరంలో వాపు సమస్య కనిపిస్తుంది.