PM Modi Washington: వాషింగ్టన్‌లో ప్రధాని మోడీకి ప్రవాస భారతీయులు గ్రాండ్ వెల్కమ్.. నేడు ఆతిథ్యం ఇవ్వనున్న బిడెన్ దంపతులు
ప్రధాని మోడీ వాషింగ్టన్‌లోని జాయింట్ బేస్ ఆండ్రూస్‌కు చేరుకున్నారు, 'గార్డ్ ఆఫ్ ఆనర్' స్వాగతం పలికారు. భారీ వర్షాల మధ్య ప్రధాని నరేంద్ర మోదీ గౌరవ వందనం స్వీకరించారు. భారతీయులను కలుసుకున్నారు. ప్రధాని మోడీ పర్యటన నేపథ్యంలో అద్భుతమైన ఫోటోలను షేర్ చేశారు. గత 9 ఏళ్లలో ప్రధాని మోడీకి ఇది ఎనిమిదో అమెరికా పర్యటన.
ప్రధాని నరేంద్ర మోడీ న్యూయార్క్ నుంచి వాషింగ్టన్ డీసీ చేరుకున్నారు. ఇక్కడ ప్రధాని మోడీకి భారీ వర్షం మధ్య 'గార్డ్ ఆఫ్ హానర్' ఇచ్చారు. ఈ సందర్భంగా భారతదేశం, యునైటెడ్ స్టేట్స్ దేశాల జాతీయ గీతాలను ఆలపించారు.
ఈ సందర్భంగా ఎయిర్‌బేస్‌లో ఉన్న ప్రజలతో ప్రధాని మోడీ సమావేశమయ్యారు. ఇక్కడ కూడా ప్రధాని మోడీకి విమానాశ్రయంలో ఘనస్వాగతం లభించింది.
ప్రధాని మోడీ బస చేసిన విల్లార్డ్ ఇంటర్‌కాంటినెంటల్ హోటల్‌ లోపల, వెలుపల భారీ సంఖ్యలో భారతీయులు ఆయనకు స్వాగతం పలికారు. కొందరు సంఘ సభ్యులు సాంస్కృతిక కార్యక్రమాలు నిర్వహించారు.
ప్రధాని విదేశీ భారతీయులను కలుసుకుని శుభాకాంక్షలు తెలిపారు. ఇక్కడ భారతీయ సమాజంలోని ప్రజలు ఆయనకు ఘనస్వాగతం పలికారు. ప్రధాని మోదీ ఇక్కడ ఓ చిన్నారికి ఆటోగ్రాఫ్ కూడా ఇచ్చారు.
అనంతరం ప్రధాని నరేంద్ర మోడీ, అమెరికా ప్రథమ మహిళ జిల్ బిడెన్ సమావేశమయ్యారు. ఈ సందర్భంగా వర్జీనియాలోని అలెగ్జాండ్రియాలోని నేషనల్ సైన్స్ ఫౌండేషన్‌ను సందర్శించారు.
ఇక్కడ ప్రధాని అమెరికా, భారతదేశ విద్యార్థులతో సమావేశమయ్యారు. ఈ విద్యార్థులు రెండు దేశాల ఆర్థిక వ్యవస్థలకు కీలకమైన పరిశ్రమలలో విజయం సాధించడానికి నైపుణ్యాలను నేర్చుకుంటున్నారు.
ప్రధాని మోడీ గురువారం అధ్యక్షుడు జో బిడెన్‌తో ద్వైపాక్షిక చర్చలు జరపనున్నారు. US కాంగ్రెస్ లో ఉమ్మడి సమావేశంలో ప్రసంగించనున్నారు.
ప్రధాని మోడీకి అధ్యక్షుడు జో బిడెన్, ప్రథమ మహిళ జిల్ బిడెన్ గురువారం రాష్ట్ర విందులో ఆతిథ్యం ఇవ్వనున్నారు.