Health Tips: పళ్లు తోముకున్న వెంటనే నీళ్లు ఎందుకు తాగొద్దు..? తెలిస్తే అవాక్కే..
పళ్ళ ఆరోగ్యాన్ని కాపాడుకోవడానికి మంచి నోటి పరిశుభ్రత, ఆరోగ్యకరమైన ఆహారం, క్రమం తప్పకుండా దంత వైద్యుడిని సందర్శించడం అవసరం. నోటి ఆరోగ్యం మొత్తం శరీర ఆరోగ్యంతో ముడిపడి ఉంటుంది. కాబట్టి నోటి సమస్యలు గుండె జబ్బులు వంటి ఇతర ఆరోగ్య సమస్యలకు దారి తీయవచ్చు.
ఉదయం, రాత్రి బ్రష్ చేసిన తర్వాత నీరు త్రాగవద్దని అంటారు. కానీ దీని వెనుక ఉన్న కారణం ఏంటో మీకు తెలుసా? బ్రష్ చేసిన తర్వాత టూత్పేస్ట్ నుండి పలుచని ఫ్లోరైడ్ పొర మన దంతాలపై పేరుకుపోతుంది. ఈ పొర బ్యాక్టీరియాతో పోరాడి ఎనామెల్ను బలపరుస్తుంది. ఫ్లోరైడ్ యొక్క పని దంతాలను కావిటీస్ నుండి రక్షించడం. ఎనామెల్ దెబ్బతినకుండా నిరోధించడం.
దంతవైద్యుల అభిప్రాయం ప్రకారం.. ఫ్లోరైడ్ దాని ప్రభావాన్ని చూపించడానికి కనీసం 10 నుంచి 15 నిమిషాలు పడుతుంది. అప్పుడే అది ఎనామెల్ను బలోపేతం చేస్తుంది. మీరు ఆరోగ్యకరమైన దంతాలను కోరుకుంటే బ్రష్ చేసిన తర్వాత కొంత సమయం నీళ్లు తాగకుండా వేచి ఉండాలి.
మీ దంతాలను బలోపేతం చేయడానికి, కావిటీస్ నుంచి విముక్తి పొందడానికి వైద్యులు ఎల్లప్పుడూ రోజుకు రెండుసార్లు పళ్ళు తోముకోవాలని సిఫార్సు చేస్తుంటారు. ఎందుకంటే టూత్పేస్ట్లోని ఫ్లోరైడ్ మీ దంతాలను ఆరోగ్యంగా ఉంచడంలో ముఖ్యమైన పాత్ర పోషిస్తుంది.
నీరు మాత్రమే కాదు, టీ-కాఫీ లేదా ఏదైన తినడం కూడా బ్రష్ చేసిన వెంటనే మానుకోవాలి. మీ ఈ ఒక్క అలవాటుతో మీరు మీ దంతాలను బలంగా, చాలా కాలం పాటు కావిటీస్ లేకుండా ఉంచుకోగలుగుతారు. ఇది మీ ఆరోగ్యకరమైన చిరునవ్వును కాపాడుకోవడానికి సహాయపడుతుంది.
బ్రష్ చేసిన వెంటనే నీళ్ళు మాత్రమే కాకుండా టీ, కాఫీ లేదా మరేదైనా పానియం తాగడం మానుకోవాలి. ఈ ఒక్క అలవాటు మీ దంతాలను బలంగా ఆరోగ్యంగా ఎక్కువ కాలం ఉంచడంలో సహాయపడుతుంది. కాబట్టి బ్రష్ చేసిన వెంటనే నీరు తాగవద్దు. బ్రష్ చేసిన తర్వాత కనీసం 15 నిమిషాల తర్వాత మాత్రమే ఏదైనా తాగాలి. ఇది ఆరోగ్యకరమైన చిరునవ్వును కాపాడుకోవడానికి కూడా సహాయపడుతుంది.