Vizag Zoo: జూ లో తిరగలేక పోయే వారికి గుడ్ న్యూస్.. కొత్త ప్రయోగానికి శ్రీకారం.. ఎక్కడంటే..
సరదాగా జూకు వచ్చే సందర్శకులకు సరికొత్త అనుభవాన్ని అందించేందుకు విశాఖలోని ఇందిరా గాంధీ జంతు ప్రదర్శనశాల ప్రత్యేక ఏర్పాట్లు చేసింది. అధునాతన సాంకేతిక పరిజ్ఞానంతో కూడిన బ్యాటరీ సైకిళ్లను ప్రారంభించింది. సందర్శకులకు ఆ సైకిళ్లను అందుబాటులోకి తీసుకొచ్చింది.అధునాతన సాంకేతికత గల ఈ బ్యాటరీ సైకిళ్లు సందర్శకులకు జూలోని వివిధ జంతువులను ఓపికగా చూడడానికి అవకాశాన్ని కల్పిస్తాయి. జూ చాలా విశాలంగా ఉండడంతో పాటు అన్ని జంతువులను చూడడానికి నడుచుకుంటూ తిరగాలంటే ఒక్కోసారి శక్తి ఉండక పోవచ్చు. అలా అని కార్లో తిరగాలి అంటే అదనంగా డబ్బులు కట్టాలి.
సరదాగా జూకు వచ్చే సందర్శకులకు సరికొత్త అనుభవాన్ని అందించేందుకు విశాఖలోని ఇందిరా గాంధీ జంతు ప్రదర్శనశాల ప్రత్యేక ఏర్పాట్లు చేసింది. అధునాతన సాంకేతిక పరిజ్ఞానంతో కూడిన బ్యాటరీ సైకిళ్లను ప్రారంభించింది. సందర్శకులకు ఆ సైకిళ్లను అందుబాటులోకి తీసుకొచ్చింది.
అధునాతన సాంకేతికత గల ఈ బ్యాటరీ సైకిళ్లు సందర్శకులకు జూలోని వివిధ జంతువులను ఓపికగా చూడడానికి అవకాశాన్ని కల్పిస్తాయి. జూ చాలా విశాలంగా ఉండడంతో పాటు అన్ని జంతువులను చూడడానికి నడుచుకుంటూ తిరగాలంటే ఒక్కోసారి శక్తి ఉండక పోవచ్చు. అలా అని కార్లో తిరగాలి అంటే అదనంగా డబ్బులు కట్టాలి.
అయినా కార్లో తిరిగితే జూలో జంతువులన్నింటిని చూసిన ఫీలింగ్ కూడా రాదు. అందుకే ఈ బ్యాటరీ సైకిళ్ళు అయితే మనకు కావాల్సినంత సేపు వాడుకోవచ్చు. కేవలం మామూలు రవాణాకు మాత్రమే కాదు పర్యావరణ అనుకూలమైన రవాణా సౌకర్యాన్ని అందించడానికి కూడా అనుకూలతలతో రూపొందించబడ్డాయి.
ఈ బ్యాటరీ సైకిళ్లు పర్యాటకులకు మరింత ఆహ్లాదకరంగా అనిపిస్తాయి. పర్యాటకులు ఎక్కువగా అలసిపోకుండా ఉండేందుకు సహాయపడుతుంది. అంతే కాకుండా పర్యావరణాన్ని పరిరక్షించడంలో వైజాగ్ జూ అంకితభావాన్ని కూడా తెలియజేస్తుంది. కలకత్తా - చెన్నై జాతీయ రహదారి పై ఉన్న జూ మెయిన్ గేట్ మరియు సాగర్ గేట్ వద్ద ఈ బ్యాటరీ సైకిళ్లు అందుబాటులో ఉండనున్నాయి.
అయితే వీటి నిర్వహణ కోసం సందర్శకులు గంటకు 70 రూపాయలు చొప్పున చెల్లించి అద్దెకు తీసుకోవాల్సి ఉంటుంది. వీటిని రైడ్ చేస్తూ కాలుష్యం మరియు ఎటువంటి శబ్దం లేకుండా వైజాగ్ జూ లోని వివిధ జంతువులను చూస్తూ ఆనందించవచ్చంటున్నారు జూ అధికారులు.