Smart Phones: స్నాప్ డ్రాగన్ ప్రాసెసర్‌తో వచ్చే సూపర్ స్మార్ట్ ఫోన్లు ఇవే.. గేమర్స్‌కు ఇక పండగే
భారతదేశంలో స్మార్ట్ ఫోన్ల వినియోగం గణనీయంగా పెరిగింది. పెరిగిన డిమాండ్‌కు అనుగుణంగా వివిధ కంపెనీలు కొత్త కొత్త మోడల్స్ స్మార్ట్ ఫోన్లు రిలీజ్ చేస్తున్నాయి. ముఖ్యంగా టెక్నాలజీ ప్రకారం అప్‌గ్రేడ్ అవుతూ 5జీ సపోర్ట్ చేసేలా రిలీజ్ చేసిన స్మార్ట్ ఫోన్లు మార్కెట్లో హల్‌చల్ చేస్తున్నాయి. అయితే చాలా మంది స్మార్ట్ ఫోన్లు గేమ్స్ ఆడుకోవడానికి ఉపయోగస్తున్నారు. ప్రత్యేకంగా గేమింగ్ కోసం ఉపయోగించే వారు మీడియా టెక్ ప్రాసెసర్ కంటే స్నాప్ డ్రాగన్ ప్రాసెసర్ ఉన్న ఫోన్లనే ఇష్టపడుతున్నారు. ఈ నేపథ్యంలో ఇరవై వేల రూపాయల లోపు స్నాప్ డ్రాగన్ ప్రాసెసర్‌తో వచ్చే ఫోన్లపై ఓ లుక్కేద్దాం.
క్వాల్‌కామ్ స్నాప్‌డ్రాగన్ 750జీ చిప్‌సెట్‌తో వచ్చే సామ్‌సంగ్ గెలాక్సీ ఎఫ్ 23 5జీ ఫోన్ 5,000 ఎంఏహెచ్ బ్యాటరీతో వస్తుంది. ఈ ఫోన్ 6.6 అంగుళాల పూర్తి హెచ్‌డీ ప్లస్ డిస్‌ప్లేతో ఆకర్షణీయంగా ఉంటుంది. సెల్ఫీలు, వీడియో కాల్స్ కోసం 8 ఎంపీ సెల్ఫీ కెమెరాతో పాటు 50ఎంపీ+8ఎంపీ+2 ఎంపీ సెన్సార్లతో కూడిన ప్రైమరీ ట్రిపుల్ కెమెరా సిస్టమ్‌తో వస్తుంది.
1 / 5
వన్ ప్లస్ నార్డ్ సీఈ 2 లైట్
రూ.17,999 ధరతో అందుబాటులో ఉన్న వన్ ప్లస్ నార్డ్ సీఈ2 లైట్ ఫోన్ స్నాప్ డ్రాగన్ 695 ప్రాసెసర్‌తో వస్తుంది. అలాగే 33 వాట్స్ ఫాస్ట్ చార్జింగ్ సపోర్ట్‌తో 5000 ఎంఏహెచ్ బ్యాటరీతో వస్తుంది. ఈ హ్యాండ్‌సెట్‌లో ఈఐఎస్‌తో 64 ఎంపీ ప్రధాన కెమెరా, 2 ఎంపీ డెప్త్ లెన్స్,. 2 ఎంపీ మాక్రో లెన్స్ ఉన్నాయి. అలాగే 16 ఎంపీ సెల్ఫీ కెమెరాతో ఆకర్షణీయంగా ఉంటుంది.
2 / 5
రెడ్‌మీ నోట్ 12 5 జీ ప్రారంభ ధర రూ.16,999గా ఉంది. ఈ స్మార్ట్‌ఫోన్ మూడు వేరియంట్‌లలో అందుబాటులో ఉంది. 4 జీబీ +128 జీబీ , 6 జీబీ+ 12 జీబీ, 8 జీబీ + 256 జీబీ వేరియంట్లో ఆకర్షణీయమైన ఫీచర్లతో వస్తుంది. 33 వాట్స్ ఫాస్ట్ ఛార్జింగ్ సపోర్ట్‌తో 5000 ఎంఏహెచ్ బ్యాటరీతో వస్తుంది. 8 ఎంపీ అల్ట్రా వైడ్ సెన్సార్, 2 ఎంపీ మాక్రో కెమెరాతో 48 ఎంపీ ఏఐ ట్రిపుల్ కెమెరా సెటప్‌తో ఆకర్షణీయంగా ఉంటుంది.
3 / 5
ఐక్యూ జెడ్ 6 లైట్
స్నాప్ డ్రాగన్ 4 జెన్ 1 ప్రాసెసర్‌తో వచ్చే ఈ ఫోన్ ఫుల్ హెచ్‌డీ ప్లస్ రిజల్యూషన్‌తో 120 హెచ్‌జెడ్ రిఫ్రెష్ రేట్ డిస్‌ప్లేతో వస్తుంది. అలాగే ఈ స్మార్ట్‌ఫోన్ 6 జీబీ + 128జీబీ వేరియంట్‌తో వస్తుంది. ఈ ఫోన్ ధర రూ.13,999గా ఉంది. ఈ ఫోన్ వెనుక వైపు 50 ఎంపీ ప్రైమరీ కెమెరా వస్తుంది.
4 / 5
మోటరోలా మోటో జీ 71
స్నాప్ డ్రాగన్ 695 ప్రాసెసర్‌తో వచ్చే మోటో జీ 71 ఫోన్ ధర రూ.18,690గా ఉంది. ఈ ఫోన్ 6 జీబీ + 128 జీబీ వేరియంట్లో అందుబాటులో ఉంది. 6.4 అంగుళాల పూర్తి హెచ్‌డీ ప్లస్ డిస్‌ప్లేతో పాటు వెనుకవైపు ట్రిపుల్ కెమెరా సిస్టమ్ ఉంది.
