Mahindra XUV-300: మహీంద్రా ఎక్స్‌యూవీ 300 త్వరలో ఫేస్‌లిఫ్ట్ అప్డేట్.. మార్పులు ఏమిటో తెలుసుకోండి
మహీంద్రా అండ్‌ మహీంద్రా XUV300ని ఫిబ్రవరి 2019లో భారతదేశంలో విడుదల చేసింది. ఇందులో అనేక సెగ్మెంట్-ఫస్ట్ ఫీచర్లతో శక్తివంతమైన డీజిల్ ఇంజన్ ఇవ్వబడింది. ప్రారంభంలో..
మహీంద్రా అండ్‌ మహీంద్రా XUV300ని ఫిబ్రవరి 2019లో భారతదేశంలో విడుదల చేసింది. ఇందులో అనేక సెగ్మెంట్-ఫస్ట్ ఫీచర్లతో శక్తివంతమైన డీజిల్ ఇంజన్ ఇవ్వబడింది. ప్రారంభంలో ఈ SUV అమ్మకాలు జోరుగా సాగాయి. కానీ తరువాత అది మారుతి సుజుకి బ్రెజ్జా, హ్యుందాయ్ వెన్యూ, కియా సోనెట్ అలాగే దాని ఇతర కంపెనీల నుంచి వాహనాల రాకతో మార్కెట్లో గట్టి పోటీని ఎదుర్కొంది.
అయితే ఇప్పుడు మహీంద్రా ఈ ఎస్‌యూవీకి కూడా ఫేస్‌లిఫ్ట్ అప్డేట్ ఇవ్వడానికి సిద్ధమవుతోంది. కంపెనీ ఈ మోడల్‌ను పరీక్షించడం కూడా ప్రారంభించింది. ఫేస్‌లిఫ్టెడ్ SUV 2024 ప్రారంభంలో విడుదల కానుందని సమాచారం.
అప్డేట్ ఎలా ఉంటుందంటే.. 2024 మహీంద్రా XUV300 ఫేస్‌లిఫ్ట్ అనేకసార్లు స్పైడ్ టెస్టింగ్ జరిగింది. కానీ ఇప్పటికీ దాని డిజైన్ వివరాల గురించి చాలా సమాచారం తెరపైకి వచ్చింది. టెస్టింగ్ మోడల్‌ను పరిశీలిస్తే, వెనుక భాగాలలో చాలా పెద్ద మార్పులు చేసినట్లు తెలిసింది.
దీని డిజైన్ అంశాలు చాలా వరకు మహీంద్రా XUV700 నుంచి తీసుకున్నట్లు తెలుస్తోంది. ఇందులో C-ఆకారపు LED హెడ్‌ల్యాంప్‌లు కూడా ఉన్నాయి.
ఫేస్‌లిఫ్టెడ్ మోడల్ కొత్త రెండు-భాగాల ఫ్రంట్ గ్రిల్, పెద్ద సెంట్రల్ ఎయిర్-ఇన్ టెక్ సిస్టమ్‌ ఉండనున్నట్లు తెలుస్తోంది.