Xiaomi Mix Flip: షావోమీ నుంచి మడతపెట్టే ఫోన్ వచ్చేసింది.. ధర అక్షరాల రూ. లక్ష..
ప్రస్తుతం మార్కెట్లో మడతపెట్టే ఫోన్లకు ఆదరణ భారీగా పెరిగింది. దీంతో దాదాపు అన్ని దిగ్గజ స్మార్ట్ ఫోన్ తయారీ కంపెనీలు మార్కెట్లోకి ఫోల్డబుల్ ఫోన్లను తీసుకొచ్చాయి. ఈ క్రమంలోనే తాజాగా చైనాకు చెందిన స్మార్ట్ ఫోన్ దిగ్గజం షావోమీ మార్కెట్లోకి కొత్త ఫోన్ను తీసుకొచ్చింది. షావోమీ మిక్స్ ఫ్లిప్ పేరుతో తీసుకొచ్చిన ఈ ఫోన్లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
చైనాకు చెందిన స్మార్ట్ ఫోన్ దిగ్గజం షావోమీ గ్లోబల్ మార్కెట్లోకి మిక్స్ ఫ్లిప్ పేరుతో కొత్త ఫోన్ను తీసుకొచ్చింది. ప్రీమియం సెగ్మెంట్లో ఈ ఫోన్ను తీసుకొచ్చారు. ఈ ఫోన్ 12 జీబీ ర్యామ్, 512 జీబీ స్టోరేజ్ వేరియంట్ ధర మన కరెన్సీలో ఏకంగా రూ. 1.21 లక్ష వరకు ఉండనుంది.
ఇక ఫీచర్ల విషయానికొస్తే ఈ స్మార్ట్ ఫోన్లో 6.86 ఇంచెస్తో కూడిన ఇన్నర్ స్క్రీన్ను అందించారు. అలాగే 4.01 ఇంచెస్తో కూడిన కవర్ డిస్ప్లేను ఇచ్చారు. ఇక ఈ ఫోన్ క్వాల్కమ్ స్నాప్ డ్రాగన్ 8 జెన్ 3 ప్రాసెసర్ను అందించారు.
ప్రస్తుతం చైనా మార్కెట్లోకి అందుబాటులోకి వచ్చిన ఈ ఫోన్ను త్వరలోనే భారత్తో పాటు గ్లోబల్ మార్కెట్లోకి తీసుకొచ్చేందుకు సన్నహాలు చేస్తున్నారు. ఇక ఈ ఫోన్ను 12 జీబీ ర్యామ్, 512 జీబీ స్టోరేజ్ వంటి ఒకే వేరియంట్లో తీసుకొచ్చారు.
ఇక కెమెరా విషయానికొస్తే ఈ స్మార్ట్ ఫోన్లో 50 మెగాపిక్సెల్స్తో కూడిన రెయిర్ కెమెరాను అందించనున్నారు. లెయికా భాగస్వామ్యంతో ఈ కెమెరాను రూపొందించారు. దీంతో మంచి నాణ్యమైన ఫొటోలను ఈ కెమెరా ద్వారా పొందొచ్చు.
షావోమీ తీసుకొచ్చిన మొదటి ఫోల్డబుల్ ఫోన్ ఇదే కావడం విశేషం. ఇక ఈ ఫోన్ ఆండ్రాయిడ్ 14 ఆపరేటింగ్ సిస్టమ్తో పనిచేస్తుంది. ఈ ఫోన్లో అందించిన రెండు స్క్రీన్స్లోనూ డాల్బీ విజన్తో పాటు హెచ్డీఆర్10+ను అందించారు.