WhatsApp: మరో అద్భుతమైన ఫీచర్‌ను తీసుకొస్తున్న వాట్సాప్‌.. ఇకపై మీ డీపీ, మీకు ఇష్టమున్న వారికే కనిపిస్తుంది.
WhatsApp: యూజర్లను ఆకర్షించే క్రమంలో ఎప్పటికప్పుడు కొంగొత్త ఫీచర్లను తీసుకొచ్చే వాట్సాప్‌ తాజాగా మరో ఆసక్తికర ఆప్షన్‌ను తీసుకురానున్నట్లు తెలుస్తోంది. ఇకపై మీ డీపీ మీకు ఇష్టమైన వారికే కనిపించేలా..
ప్రపంచంలో ఎక్కువ మంది ఉపయోగించే మెసేజింగ్ యాప్స్‌లో వాట్సాప్‌ మొదటి వరుసలో ఉంటుంది. ఎప్పటికప్పుడు కొంగొత్త ఫీచర్లను తీసుకురావడమే దీనికి కారణం.
ఇటీవల ప్రైవసీకి పెద్ద పీట వేస్తున్న వాట్సాప్‌ ఈ క్రమంలోనే సరికొత్త ఆప్షన్స్‌ను తీసుకొస్తోంది. ఇప్పటి వరకు ప్రొఫైల్‌ ఫోటోను ఎవరికి కనిపించాలనే దాని విషయమై‘Everyone’, ‘My contacts’, ‘Nobody ఆప్షన్స్‌ ఉన్న విషయం తెలిసందే.
అయితే తాజాగా వాట్సాప్‌ ఈ జాబితాలోకి ‘My contacts exept’ అనే ఆప్షన్‌ను తీసుకొచ్చే పనిలో పడింది.
అంటే ఇకపై మీరు డీపీగా పెట్టుకున్న ఫోటో ఎవరెవరికి కనిపించకూడదనే ఇష్టం మీ చేతులోనే ఉండనుందన్నమాట.
వాట్సాప్‌ ఈ ఆప్షన్‌ను డీపీతో పాటు లాస్ట్‌ సీన్‌, అబౌట్‌ స్టేటస్‌లోనూ తీసుకురానుంది.
మొదట ఆండ్రాయిడ్‌ యూజర్లకు ఈ ఫీచర్‌ను అందుబాటులోకి తీసుకొచ్చి. ఆ తర్వాత యాపిల్‌ యూజర్లకు అందించనున్నట్లు సమాచారం.