Vivo Pad Air: వివో నుంచి కొత్త ట్యాబ్ వచ్చేస్తోంది.. భారీ బ్యాటరీతో పాటు మరెన్నో సూపర్ ఫీచర్లు
మార్కెట్లో స్మార్ట్ ఫోన్స్తో సమానంగా ట్యాబ్లు హల్చల్ చేస్తున్నాయి. రోజుకో కొత్త కంపెనీ ట్యాబ్స్ను తీసుకొస్తున్నాయి. ఒకప్పుడు ట్యాబ్ కొనుగోలు చేయాలంటే భారీగా ఖర్చు చేయాల్సి ఉండేది. కానీ ప్రస్తుతం కంపెనీల మధ్య నెలకొన్ని పోటీ నేపథ్యంలో తక్కువ ధరకే ట్యాబ్స్ అందుబాటులోకి వస్తున్నాయి. ఈ క్రమంలోనే తాజాగా చైనాకు చెందిన ఎలక్ట్రానిక్ దిగ్గజం వివో మార్కెట్లోకి కొత్త ట్యాబ్ను తీసుకొస్తోంది. వివో ప్యాడ్ ఎయిర్ పేరుతో త్వరలోనే ఈ కొత్త ట్యాబ్ మార్కెట్లో సందడి చేయనుంది. ఇంతకీ ఈ ట్యాబ్లో ఎలాంటి ఫీచర్లు ఉన్నాయి.? ధర ఎంత ఉండనుంది.? లాంటి పూర్తి వివరాలు మీకోసం..
చైనాకు చెందిన ఎలక్ట్రానిక్ దిగ్గజం వివో కొత్త ట్యాబ్ను తీసుకొస్తోంది. వివో ప్యాడ్ ఎయిర్ పేరుతో ఈ ట్యాబ్ను లాంచ్ చేయనున్నారు. తాజాగా చైనాలో జరిగిన ఈవెంట్లో కంపెనీ వైస్ ప్రెసిడెండ్ జియా జిండ్గాండ్ ఈ ట్యాబ్ను ఆవిష్కరించారు.
మొత్తం మూడు కలర్స్లో ఈ ట్యాబ్ను అందుబాటులోకి తీసుకురానున్నారు. ఈ ట్యాబ్ బరువు 530 గ్రాములు ఉంటుంది. ఇక 6.67 మి.మీల మందంతో ఉంటుంది.
వివో ప్యాడ్ ఎయిర్ ట్యాబ్ క్వాల్కమ్ స్నాప్డ్రాగన్ 870 ఎస్ఓసీ ప్రాసెసర్తో పని చేస్తుంది. ఈ ట్యాబ్లో 11.5 ఇంచెస్ డిస్ప్లేను అందించారు. 2.8కే రిజల్యూషన్, 144 హెచ్జెడ్ రిఫ్రెష్ రేట్ ఈ ట్యాబ్ ప్రత్యేకత.
ఆండ్రాయిడ్ 13 ఆపరేటింగ్ సిస్టమ్తో పనిచేసే ఈ ట్యాబ్లో 44వాట్స్ ఫాస్ట్ చార్జింగ్కు సపోర్ట్ చేసే 8500 ఎమ్ఏహెచ్ బ్యాటరీని అందించారు. భారీ బ్యాటరీ ఈ ట్యాబ్ మరో ప్రత్యేకతగా చెప్పొచ్చు.
ఫ్రీ బ్లూ, బ్రేవ్ పింక్, ఈజీ పింక్ కలర్స్లో ఈ ట్యాబ్ అందుబాటులోకి రానుంది. త్వరలోనే మార్కెట్లోకి అందుబాటులోకి రానున్న ఈ ట్యాబ్ ధరకు సంబంధించి ఇంకా ఎలాంటి అధికారిక ప్రకటన రాలేదు.