Tech Tips: మీ ఇంటిని, కొత్త స్థలాన్ని గూగుల్ మ్యాప్‌కి ఎలా జోడించాలి?
Google అందించే అత్యంత ముఖ్యమైన సేవల్లో మ్యాప్ ఒకటి. Google Maps మనకు తెలియని ప్రదేశాలకు ఎటువంటి ఇబ్బంది లేకుండా తీసుకెళుతుంది. కొత్త పెద్ద నగరాన్ని సందర్శించినా లేదా తెలియని పట్టణాన్ని సందర్శించినా గూగుల్ మ్యాప్ ద్వారా ఏ ప్రదేశానికి అయినా చేరుకోవచ్చు. అలాగే, మీరు గూగుల్ మ్యాప్‌లో మీ స్థానం, మీ పేరు, మీ వీధి, మీ ఇంటి సమాచారాన్ని ..
Google అందించే అత్యంత ముఖ్యమైన సేవల్లో మ్యాప్ ఒకటి. Google Maps మనకు తెలియని ప్రదేశాలకు ఎటువంటి ఇబ్బంది లేకుండా తీసుకెళుతుంది. కొత్త పెద్ద నగరాన్ని సందర్శించినా లేదా తెలియని పట్టణాన్ని సందర్శించినా గూగుల్ మ్యాప్ ద్వారా ఏ ప్రదేశానికి అయినా చేరుకోవచ్చు.
అలాగే, మీరు గూగుల్ మ్యాప్‌లో మీ స్థానం, మీ పేరు, మీ వీధి, మీ ఇంటి సమాచారాన్ని జోడించవచ్చు. ఎలాగో చాలామందికి తెలియదు. దీనికి సంబంధించిన పూర్తి సమాచారం తెలుసుకోండి. దీని ద్వారా మనకు తెలియని ప్రదేశం గురించి, అక్కడి సౌకర్యం, రోడ్డు, సౌకర్యాల గురించి గూగుల్ మ్యాప్ లో ప్రచారం చేసుకోవచ్చు.
ఇందుకోసం ముందుగా మీ మొబైల్‌లో గూగుల్ మ్యాప్‌ని ఓపెన్ చేయాలి. ఆ తర్వాత మీరు గూగుల్ మ్యాప్‌లో కొత్త స్పేస్‌ను జోడించాలనుకుంటున్న లొకేషన్‌ను ఎంచుకోవాలి. మీరు ఆ లొకేషన్‌పై క్లిక్ చేసినప్పుడు దిగువన మీకు యాడ్ ఎ మిస్సింగ్ ప్లేస్ ఆప్షన్ కనిపిస్తుంది.
ఇప్పుడు మీరు యాడ్ ఎ మిస్సింగ్ ప్లేస్‌పై క్లిక్ చేయాలి. ఆ స్థలం గురించిన సమాచారాన్ని పూరించడానికి ఇక్కడ ఒక బాక్స్‌ ఉంటుంది. దాన్ని నమోదు చేసి సబ్మిట్ బటన్ నొక్కండి. ఇందులో మీరు ఒక వర్గాన్ని ఎంచుకోవచ్చు. మీకు వెబ్‌సైట్ ఉంటే, మీరు దానిని జోడించవచ్చు. ఫోన్ నంబర్, ఫొటో కూడా పెట్టుకోవచ్చు.
దీన్ని అప్‌డేట్ చేయడానికి వారం నుండి 15 రోజులు పడుతుంది. గూగుల్ మ్యాప్స్‌లో లొకేషన్‌ను గూగుల్ జోడించిన తర్వాత నిర్ధారణ మెయిల్ వస్తుంది. అప్పుడు మీరు జోడించిన స్థలం గూగుల్ మ్యాప్‌లోకి యాడ్ అవుతుంది. దీని ద్వారా మీరు మీ ఇంటిని, కొత్త స్థలాన్ని గూగుల్ మ్యాప్‌కి జోడించవచ్చు.