Galaxy M34 5G: సామ్సంగ్ నుంచి బడ్జెట్ ఫోన్.. రూ. 15 వేలలో 50 ఎంపీ కెమెరా, 5జీ ఫోన్
సౌత్‌ కొరియాకు చెందిన ఎలక్ట్రానిక్‌ దిగ్గజం సామ్సంగ్ తాజాగా మార్కెట్లోకి కొత్త ఫోన్‌ను లాంచ్‌ చేసింది. సామ్సంగ్ ఎమ్‌ 34 పేరుతో తీసుకొచ్చిన ఈ 5జీ ఫోన్‌లో మంచి ఫీచర్లను అందించారు. ఇంతకీ ఈ ఫోన్ ధర ఎంత.? ఎలాంటి ఫీచర్లు ఉన్నాయి.? లాంటి పూర్తి వివరాలు మీకోసం...
ఎలక్ట్రానిక్‌ దిగ్గజ సంస్థ సామ్సంగ్ కొత్త స్మార్ట్ ఫోన్ లాంచ్‌ చేసింది. ప్రస్తుతం భారత్‌లో అమెజాన్‌తో పాటు సామ్సంగ్ అధికారిక వెబ్‌సైట్‌లో అందుబాటులో ఉంది. సామ్సంగ్ గ్యాలక్సీ ఎమ్‌34 పేరుతో తీసుకొచ్చారు.
ఈ స్మార్ట్ ఫోన్ ఫీచర్ల విషయానికొస్తే 6 జీబీ ర్యామ్‌, 128 జీబీ వేరియంట్ ధర రూ. 16,999 కాగా, 8 జీబీ ర్యామ్‌, 128 జీబీ స్టోరేజ్‌ ధర రూ. 18,999గా ఉంది. ఫోన్‌ను కొనుగోలు చేసే సమయంలో రూ. 2000 వరకు ఇన్‌స్టాంట్‌ డిస్కౌంట్‌ను అందిస్తున్నారు.
ఈ స్మార్ట్ ఫోన్‌లో 6.5 ఇంచెస్‌ సూపర్ అమోఎల్‌ఈడీ డిస్‌ప్లేను అందించారు. 1080 x 2340 పిక్సెల్ డిస్‌ప్లే ఈ స్క్రీన్‌ ప్రత్యేకగా చెప్పొచ్చు.
Exynos 1280 ఆక్టాకోర్‌ ప్రాసెసర్‌తో పనిచేసే ఈ స్మార్ట్ ఫోన్‌లో ఆండ్రాయిడ్‌ 13 ఆపరేటింగ్ సిస్టమ్‌ను అందించారు. బ్యాటరీ విషయానికొస్తే ఇందులో 6000 ఎమ్‌ఏహెచ్‌ బ్యాటరీని అందించారు.
ఇక కెమెరాకు అధిక ప్రాధాన్యత ఇచ్చిన ఈ స్మార్ట్ ఫోన్‌లో 50ఎంపీ+8ఎంపీ+2ఎంపీ ట్రిపుల్‌ కెమెరా సెటప్‌ను అందించారు. ఇక సెల్ఫీల కోసం 13 మెగా పిక్సెల్ ఫ్రంట్‌ కెమెరాను అందించారు.