Samsung Galaxy M05: రూ. 8 వేలకే 50 ఎంపీ కెమెరా.. సామ్సంగ్ నుంచి అదిరిపోయే స్మార్ట్ఫోన్
చైనాకు చెందిన స్మార్ట్ ఫోన్ దిగ్గజ కంపెనీలు బడ్జెట్ మార్కెట్ను టార్గెట్ చేసుకొని కొంగొత్త ఫోన్లను తీసుకొస్తున్నారు. ముఖ్యంగా రూ. 10 వేలలోపా మార్కెట్లో మంచి ఫీచర్లతో కూడిన ఫోన్లను తీసుకొస్తున్నారు. అయితే సామ్సంగ్ వంటి దిగ్గజ కంపెనీ సైతం తక్కువ బడ్జెట్లో ఫోన్లను లాంచ్ చేస్తోంది. ఇందులో భాగంగానే తాజాగా మార్కెట్లోకి మరో బెస్ట్ ఫోన్ను తీసుకొచ్చింది. సామ్సంగ్ గ్యాలక్సీ ఎమ్05 ఫోన్ను లాంచ్ చేశారు...
ప్రముఖ ఎలక్ట్రానిక్ దిగ్గజం సామ్సంగ్ భారత మార్కెట్లోకి కొత్త ఫోన్ను లాంచ్ చేసింది. సామ్సంగ్ గ్యాలక్సీ ఎమ్05 ఫోన్ను తీసుకొచ్చారు. గురువారం ఈ ఫోన్ను తీసుకొచ్చారు. తక్కువ బడ్జెట్లో, మంచి ఫీచర్లను ఈ ఫోన్లో అందించారు.
ఈ ఫోన్ ఫీచర్ల విషయానికొస్తే ఈ స్మార్ట్ ఫోన్ మీడియాటెక్ హెలియో జీ85 ఎస్వోసీ ప్రాసెసర్తో పనిచేస్తుంది. ఈ ఫోన్ను 6 జీబీ ర్యామ్, 64 జీబీ స్టోరేజ్ వేరియంట్తో లాంచ్ చేశారు. ఇక ధర విషయానికొస్తే 4 బీజీర్యామ్, 64 జీబీ వేరియంట్ ధర రూ. 7,999గా నిర్ణయించారు.
అమెజాన్తో పాటు సామ్సంగ్ ఇండియా అధికారిక వెబ్సైట్లో ఈ ఫోన్ను అందుబాటులోకి తీసుకొచ్చారు. ఈ ఫోన్ను మింట్ గ్రీన్ కలర్లో తీసుకొచ్చారు. ఇందులో 25 వాట్స్ ఛార్జింగ్కు సపోర్ట్ చేసే 5000 ఎంఏహెచ్ బ్యాటరీని అందించారు.
కెమెరా విషయానికొస్తే ఈ స్మార్ట్ ఫోన్లో 50 మెగాపిక్సెల్స్తో కూడిన రెయిర్ కెమెరాను అందించారు. అలాగే సెల్ఫీలు, వీడియో కాల్స్ కోసం ఇందులో 8 మెగాపిక్సెల్స్తో కూడిన ఫ్రంట్ కెమెరాను ఇచ్చారు. ఇంత తక్కువ ధరలో 50 ఎంపీ కెమెరా రావడం విశేషం.
ఇక ఫోన్లో 6.74 ఇంచెస్తో కూడిన హెచ్డీ+ పీఎల్ఎస్ ఎల్సీడీ డిస్ ప్లేను అందించారు. మైక్రో ఎస్డీ కార్డు సాయంతో ఒక టిగా బైట్ వరకూ స్టోరేజీ కెపాసిటీ పెంచుకోవచ్చు. వర్చువల్ గా ర్యామ్ కెపాసిటీ 8 జీబీ వరకూ పెంచుకునే అవకాశం కల్పించారు. సెక్యూరిటీ కోసం ఇందులో ఫేస్ అన్ లాక్ ఫీచర్ను ఇచ్చారు.