Redmi Note 14 5G: మార్కెట్లోకి రెడ్మీ బడ్జెట్ ఫోన్.. కళ్లు చెదిరే ఫీచర్స్..
పండగ సీజన్ను టార్గెట్ చేసుకొని మార్కెట్లోకి కొంగొత్త స్మార్ట్ ఫోన్స్ సందడి చేస్తున్నాయి. ముఖ్యంగా ఫ్లిప్ కార్ట్, అమెజాన్ సేల్స్లో భాగంగా మార్కెట్లోకి కొత్త ఫోన్స్ అందుబాటులోకి వచ్చాయి. ఈ క్రమంలో అందుబాటులోకి వచ్చిందే రెడ్మీ నోట్ 14 5జీ ఫోన్. ప్రస్తుతం చైనా మార్కెట్లోకి అందుబాటులోకి వచ్చిన ఈ ఫోన్ను త్వరలోనే భారత మార్కెట్లోకి తీసుకొస్తున్నారు. ఇంతకీ ఫోన్లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
చైనాకు చెందిన ప్రముఖ స్మార్ట్ ఫోన్ తయారీ సంస్థ రెడ్మీ కొత్త ఫోన్ను లాంచ్ చేసింది. రెడ్మీ నోట్ 14 5జీ పేరుతో చైనా మార్కెట్లోకి ఈ ఫోన్ను తీసుకొచ్చారు. రెడ్మీనోట్ 14 సిరీస్లో భాగంగా రెడ్మీ నోట్ 14 ప్రో+, రెడ్మీ నోట్ ప్రో 5జీ ఫోన్లను లాంచ్ చేశారు.
ఫీచర్ల విషయానికొస్తే ఈ స్మార్ట్ ఫోన్ ఆండ్రాయిడ్ 14 ఆధారిత షావోమీ హైపర్ ఓఎస్ ఔటాఫ్ బాక్స్ వర్షన్పై పనిచేస్తుంది. ఇక ఈ ఫోన్లో 6.67 ఇంచెస్తో కూడిన అమోఎల్ఈడీ డిస్ప్లేను అందించారు. కార్నింగ్ గొరిల్లా గ్లాస్ ప్రొటెన్ను ఇందులో అందించారు.
ఇక బ్యాటరీ విషయానికొస్తే ఈ ఫోన్లో 45 వాట్స్ వైర్డ్ ఫాస్ట్ ఛార్జింగ్కు సపోర్ట్ చేసే 5110 ఎంఏహెచ్ కెపాసిటీ గల బ్యాటరీని అందించారు. సెక్యూరిటీ కోసం ఇందులో ఇన్డిస్ప్లే ఫింగర్ ప్రింట్ సెన్సర్ను అందించారు.
కనెక్టివిటీ పరంగా చూస్తే ఈ ఫోన్లో 5జీ, 4జీ ఎల్టీఈ, వై-ఫై, బ్లూటూత్ 5.3, జీపీఎస్, గ్లోనాస్, యూఎస్బీ టైప్ సీ పోర్ట్ వంటి ఫీచర్లను అందించారు. ఇక ఈ ఫోన్ను మిడ్నైట్ బ్లాక్, ఫాంటం బ్లూ, స్టార్ వైట్ కలర్స్లో తీసుకొచ్చారు.
ధర విషయానికొస్తే రెడ్మీనోట్ 14 5జీ 6జీబీ ర్యామ్ విత్ 128 జీబీ స్టోరేజీ వేరియంట్ సుమారు రూ.14,300, 8 జీబీ ర్యామ్ విత్ 128 జీబీ స్టోరేజీ వేరియంట్ దాదాపు రూ.16,700, 8 జీబీ ర్యామ్ విత్ 256 జీబీ స్టోరేజీ వేరియంట్ దాదాపు రూ.17,900, 12 జీబీ ర్యామ్ విత్ 256 జీబీ స్టోరేజీ వేరియంట్ సుమారు రూ.20,300గా నిర్ణయించారు.