Redmi watch 5: తక్కువ ధరలో కళ్లు చెదిరే ఫీచర్స్‌.. రెడ్‌మీ నుంచి కొత్త వాచ్..
ప్రస్తుతం మార్కెట్లో స్మార్ట్‌ వాచ్‌ల హవా నడుస్తోంది. అధునాతన ఫీచర్లతో కూడిన వాచ్‌లను తీసుకొస్తున్నాయి. దాదాపు అన్ని ఎలక్ట్రానిక్‌ సంస్థలు వాచ్‌లను లాంచ్‌ చేస్తున్నాయి. ఈ క్రమంలోనే తాజాగా రెడ్‌మీ కొత్త వాచ్‌ను తీసుకొచ్చింది. రెడ్‌మీ వాచ్5 యాక్టివ్‌ పేరుతో లాంచ్‌ చేసిన ఈ వాచ్‌లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
చైనాకు చెందిన ఎలక్ట్రానిక్‌ దిగ్గజం రెడ్‌మీ భారత మార్కెట్లోకి కొత్త వాచ్‌ను లాంచ్‌ చేసింది. రెడ్‌మీ వాచ్5 యాక్టివ్‌ పేరుతో ఈ కొత్త స్మార్ట్‌ వాచ్‌ను తీసుకొచ్చారు. ఈ వాచ్ ధర కేవలం రూ. 3వేలలోపు ఉండడం విశేషం. మంచి బ్యాటరీ బ్యాకప్‌తో పాటు బ్లూటూత్ కాలింగ్ ఫీచర్‌ను కూడా ఇచ్చారు.
రెడ్‌మీవాచ్‌ 5 యాక్టివ్‌ ఫీచర్ల విషయానికొస్తే ఇందులో.. 2 ఇంచెస్‌తో కూడి ఎల్‌సీడీ డిస్‌ప్లేను అందించారు. 500 నిట్స్‌ పీక్‌ బ్రైట్‌నెస్‌తో ఈ స్క్రీన్‌ పనిచేస్తుంది. దీంతో సన్‌లైట్‌లోనూ వాచ్ డిస్‌ప్లేను స్పష్టంగా చూడొచ్చు.
హైపర్‌ఓఎస్‌ ఆపరేటింగ్ సిస్టమ్‌తో ఈ వాచ్ పనిచేస్తుంది. ఇందులో 200కిపైగా క్లౌడ్‌ వాచ్ ఫేస్‌లను అందించారు. ఇందులో ఎమ్‌ఐ ఫిట్‌నెస్‌ యాప్‌ను అందించారు. IPX8 రేటింగ్‌తో తీసుకొచ్చిన ఈ వాచ్ దుమ్ము, నీటి నుంచి ప్రొటక్షన్‌తో తీసుకొచ్చారు.
ఇక ఈ వాచ్‌లో 140కి పైగా స్పోర్ట్స్‌ మోడ్‌లను ఇచ్చారు. స్పష్టమైన కాలింగ్ కోసం, కంపెనీ వాచ్‌లో మూడు మైక్‌లతో కూడిన ENC సెటప్‌ను కూడా ఇచ్చారు. ఈ వాచ్‌లో శక్తివంతమైన 470mAh బ్యాటరీని ఇచ్చారు. ఈ బ్యాటరీ మాగ్నెటిక్ ఛార్జింగ్‌కు సపోర్ట్ చేస్తుంది.
ఒక్కసారి ఛార్జ్‌ చేస్తే 18 రోజుల వరకు బ్యాటరీ బ్యాకప్‌ లభిస్తుందని కంపెనీ చెబుతోంది. హార్ట్‌ బీట్‌, యాక్సిలరోమీటర్ మరియు SpO2 సెన్సార్ వంటి హెల్త్‌ ఫీచర్స్‌ అందించారు. సెప్టెంబర్‌ 3వ తేదీ నుంచి అందుబాటులోకి రానుంది. రెడ్‌మి వాచ్ 5 యాక్టివ్‌ను రూ. 2799కి లభిస్తుంది.