Realme Note 60: భారత్‌లోకి రియల్‌మీ కొత్త ఫోన్‌.. ఫీచర్స్‌ ఎలా ఉండనున్నాయంటే
భారత మార్కెట్లోకి కొంగొత్త ఫోన్‌లు లాంచ్ అవుతున్నాయి. మరీ ముఖ్యంగా బడ్జెట్‌ మార్కెట్‌ను టార్గెట్‌ చేసుకొని కొంగొత్త ఫోన్‌లను తీసుకొస్తున్నారు. ఇందులో భాగంగానే తాజాగా చైనాకు చెందిన స్మార్ట్ ఫోన్‌ దిగ్గంజ రియల్‌మీ నోట్‌ 60 పేరుతో కొత్త ఫోన్‌ను తీసుకొస్తున్నారు. రియల్‌మీనోట్‌ 60 పేరుతో ఈ ఫోన్‌ను లాంచ్ చేస్తున్నారు. ఇంతకీ ఫోన్‌లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
చైనాకు చెందిన స్మార్ట్ ఫోన్‌ దిగ్గజం రియల్‌మీ కొత్త ఫోన్‌ను లాంచ్ చేస్తోంది. రియల్‌మీ నోట్‌60 పేరుతో ఈ ఫోన్‌ను భారత మార్కెట్లోకి లాంచ్ చేయనున్నారు. గతేడాది తీసుకొచ్చిన రియల్‌మీనోట్‌50కి కొనసాగింపుగా రియల్‌మీ నోట్‌60 ఫోన్‌ను తీసుకొస్తున్నారు.
ఆగస్టు 30వ తేదీన ఈ ఫోన్‌ను మార్కెట్లోకి లాంచ్ చేయనున్నారు. రియల్‌మీ నోట్‌ 60 ఫీచర్ల విషయానికొస్తే ఇందులో.. 6.74 ఇంచెస్‌తో కూడిన డిస్‌ప్లేను ఇవ్వనున్నారు. 90 హెర్ట్జ్‌ రిఫ్రెష్‌ రేట్‌, రెయిన్‌ వాటర్‌ స్మార్ట్ టచ్‌ టెక్నాలజీని అందించారు.
ఈ స్మార్ట్ ఫోన్‌లో క్యాప్సూల్‌ 2.0 ఫీచర్‌ను ప్రత్యేకంగా అందించారు. అలాగే బ్యాటరీ విషయానికొస్తే ఇందులో 5000 ఎంఏహెచ్‌ వంటి పవర్‌ఫుల్‌ వంటి బ్యాటరీని ఇవ్వనున్నారు. ఈ ఫోన్‌ ఆక్టాకోర్‌ ప్రాసెసర్‌తో పని చేస్తుంది.
కెమెరా విషయానికొస్తే ఈ ఫోన్‌లో 32 మెగాపిక్సెల్స్‌తో కూడిన రెయిర్‌ కెమెరాను అందించనున్నారు. ఈ ఫోన్‌ను 4జీబీ ర్యామ్ విత్ 64 జీబీ స్టోరేజీ, 6జీబీ ర్యామ్ విత్ 128 జీబీ స్టోరేజీ, 8 జీబీ ర్యామ్ విత్ 256 జీబీ స్టోరేజీ వంటి మొత్తం మూడు వేరియంట్స్‌లో తీసుకొస్తున్నారు.
ధరకు సంబంధించి కంపెనీ ఇప్పటి వరకు ఎలాంటి అధికారిక ప్రకటన చేయలేదు. ఈ ఫోన్‌లో ఐపీ64 రేటెడ్‌ కూడిన డస్ట్‌, స్ల్పాష్‌ రెసిస్టెంట్‌ను అందించనున్నారు. ఈ ఫోన్‌ 7.84 ఎమ్‌ ఎమ్‌ వెడల్పు, 187 గ్రాముల బరువు ఉంటుంది.