Nokia G42 5G: రూ. 10 వేలలో నోకియా 5జీ ఫోన్‌.. ఫీచర్స్‌ అదుర్స్‌..
ప్రముఖ ఎలక్ట్రానిక్‌ దిగ్గజం నోకియా గతేడాదిలో భారత మార్కెట్లోకి నోకియా జీ42 పేరుతో 5జీ ఫోన్‌ను లాంచ్‌ చేసిన విషయం తెలిసిందే. అయితే గతేడాది ఈ ఫోన్‌ను కేవలం కేవలం సింగిల్‌ ర్యామ్, స్టోరేజీ ఆప్షన్‌లో తీసుకొచ్చింది. అనంతరం అక్టోబర్‌లో మరో కలర్‌లో లాంచ్‌ చేసింది. అయితే తాజాగా నోకియా ఈ మోడల్‌లో కొత్త వేరియంట్‌ను లాంచ్‌ చేసిది...
నోకియా జీ42 5జీ ఫోన్‌లో కొత్త వేరియంట్‌ను తీసుకొచ్చింది. 4జీబీ ర్యామ్ ఆప్షన్‌తో ఈ ఫోన్‌ను మార్కెట్లోకి తీసుకొస్తున్నారు. ఈ నెల 8వ తేదీ నుంచి ఈ ఫోన్‌ను అమెజాన్‌లో అందుబాటులోకి తీసుకురానున్నారు.
ఈ ఫోన్‌ ధర విషయానికొస్తే 4జీబీ ర్యామ్, 128 జీబీ స్టోరేజ్‌ వేరియంట్‌ ధర రూ. 9,999కాగా, 6జీబీ ర్యామ్, 128 జీబీ స్టోరేజ్‌ వేరియంట్‌ ధర రూ. 12,999, 8 జీబీ ర్యామ్, 256 జీబీ స్టోరేజ్‌ వేరియంట్‌ ధర రూ. 16,999గా నిర్ణయించారు.
సో గ్రే, సో పింక్, సో పర్పుల్ రంగుల్లో ఈ ఫోన్‌ను తీసుకుకొస్తున్నారు. ఇక ఫీచర్ల విషయానికొస్తే నోకియా జీ42 5జీ స్మార్ట్ ఫోన్‌ల 6.56 ఇంచెస్‌ ఫుల్‌ హెచ్‌డీ+ ఎల్సీడీ స్క్రీన్‌ను అందించారు. 720×1612 పిక్సెల్స్, 90 హెర్ట్జ్ రీఫ్రెష్ రేట్ ఈ స్క్రీన్‌ సొంతం.
560 నిట్స్ పీక్ బ్రైట్ నెస్, కార్నింగ్ గ్లాస్ 3 ప్రొటెక్షన్‌తో వస్తుంది. ఆక్టాకోర్ క్వాల్ కామ్ స్నాప్ డ్రాగన్ 480+ చిప్ సెట్ ప్రాసెసర్‌తో ఈ ఫోన్‌ పనిచేస్తుంది. ఈ ఫోన్‌ ఆండ్రాయిడ్‌ 13 ఆపరేటింగ్ సిస్టమ్‌తో పనిచేస్తుంది.
కెమెరా విషయానికొస్తే ఈ స్మార్ట్ ఫోన్‌లో 50 మెగాపిక్సెల్స్‌ రెయిర్‌ కెమెరాను అందించారు. అలాగే సెల్ఫీలు, వీడియో కాల్స్‌ కోసం 8 మెగాపిక్సెల్స్‌తో కూడిన ఫ్రంట్‌ కెమెరాను అందించారు. ఇక ఇందులో 20 వాట్స్‌ ఫాస్ట్ ఛార్జింగ్‌కు సపోర్ట్ చేసే 5000 ఎంఏహెచ్‌ బ్యాటరీని అందించారు.