Lenovo tab k11: మిడ్ రేంజ్‌ బడ్జెట్‌.. అదిరిపోయే ఫీచర్స్‌.. లెనోవో నుంచి సూపర్ ట్యాబ్‌
ప్రస్తుతం మార్కెట్లో ట్యాబ్లెట్స్‌కు డిమాండ్‌ పెరుగుతోంది. చాలా మంది గేమ్‌ లవర్స్‌, మూవీ లవర్స్‌ ల్యాప్‌టాప్‌కి బదులుగా ట్యాబ్లెట్స్‌ను ఉపయోగిస్తున్నారు. ఈ క్రమంలోనే ప్రముఖ కంపెనీలన్నీ వరుసగా ట్యాబ్లెట్స్‌ను లాంచ్‌ చేస్తూ వస్తున్నాయి. ఇందులో భాగంగా తాజాగా ప్రముఖ ఎలక్ట్రానిక్‌ దిగ్గజం లెనొవో మార్కెట్లోకి కొత్త ట్యాబ్‌ను లాంచ్‌ చేసింది. దీనికి సంబంధించిన పూర్తి వివరాలు మీకోసం..
ప్రముఖ ఎలక్ట్రానిక్‌ దిగ్గజం లెనోవో భారత మార్కెట్లోకి తాజాగా కొత్త ట్యాబ్‌ను లాంచ్‌ చేసింది. లెనోవో ట్యాబ్‌ కే11 పేరుతో తీసుకొచ్చిన ఈ ట్యాబ్‌ను మిడ్ రేంజ్‌ బడ్జెట్‌లో లాంచ్‌ చేశారు. ఇంతకీ ఈ ట్యాబ్‌లో ఎలాంటి ఫీచర్ల ఉన్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం.
లెనోవో ట్యాబ్‌ కే11లో మీడియాటెక్ హెలియో జీ88 ఎస్వోసీ చిప్ సెట్ ప్రాసెసర్‌ను అందించారు. ఈ ట్యాబ్‌ను 8జీబీ ర్యామ్, 128 జీబీ ఆన్ బోర్డు స్టోరేజీతో తీసుకొచ్చారు. డోల్బీ ఆట్మోస్ టెక్నాలజీతో క్వాడ్ స్పీకర్లు ఈ ట్యాబ్‌ ప్రత్యేకత. ఇక ఇందులో 7040 ఎంఏహెచ్ కెపాసిటీ గల బ్యాటరీని అందించారు.
ధర విషయానికొస్తే 4జీబీ ర్యామ్, 128 జీబీ స్టోరేజీ వేరియంట్ ధర రూ.17,990గా, 8జీబీ ర్యామ్.. 128 జీబీ స్టోరేజీ వేరియంట్ ధర రూ.19,990గా నిర్ణయించారు. ఈ ట్యాబ్‌ను లునా గ్రే, సీఫోమ్ గ్రీన్ కలర్ ఆప్షన్స్‌లో లాంచ్‌ చేశారు. ఆండ్రాయిడ్ 13 ఆపరేటింగ్‌ సిస్టమ్‌తో ఈ ట్యాబ్‌ పనిచేస్తుంది.
లెనోవో టాబ్ కే11 ట్యాబ్‌లో 10.95 ఇంచెస్‌తో కూడిన ఎల్‌సీడీ స్క్రీన్‌ను ఇచ్చారు. 90 హెర్ట్జ్ రీఫ్రెష్ రేట్‌, 1200×1920 పిక్సెల్స్ ఈ స్క్రీన్ సొంతం. ఇక ట్యాబ్‌ను ఒక్కసారి ఛార్జ్‌ చేస్తే 10 గంటల వీడియో ప్లే బ్యాక్‌ ఇస్తుందని కంపెనీ చెబుతోంది.
కెమెరా విషయానికొస్తే లెనోవో ట్యాబ్‌ కే11లో 13 మెగా పిక్సెల్స్‌తో కూడి రెయిర్‌ కెమెరా, సెల్ఫీలూ వీడియో కాల్స్ కోసం 8 మెగా పిక్సెల్స్‌తో కూడిన ఫ్రంట్‌ కెమెరాను అందించారు. వై-ఫై 802.11, బ్లూటూత్ 5.1, 3.5ఎంఎం ఆడియో జాక్, యూఎస్బీ టైప్ సీ పోర్ వంటి కనెక్టివిటీ ఫీచర్లను అందించారు.