Infinix Hot 30 5G: రూ. 12వేలకే 5జీ స్మార్ట్ ఫోన్‌.. ఫీచర్ల విషయంలో రాజీ పడే ప్రసక్తే లేదు.
ప్రముఖ టెక్‌ కంపెనీ ఇన్‌ఫినిక్స్‌ తాజాగా మార్కెట్లోకి కొత్త ఫోన్‌ను లాంచ్‌ చేసింది. ఇన్‌ఫినిక్స్‌ హాట్‌ 30 పేరుతో తీసుకొచ్చిన ఈ స్మార్ట్ ఫోన్‌ను తక్కువ ధరలో మంచి ఫీచర్స్‌తో తీసుకొచ్చారు. ఇంతకీ ఈ ఫోన్‌లో ఎలాంటి ఫీచర్లు ఉన్నాయి.? ధర ఎంత లాంటి పూర్తి వివరాలు మీకోసం..
ఇటీవల వరుసగా బడ్జెట్‌ ఫోన్‌లను విడుదల చేస్తూ వస్తోన్న ఇన్‌ఫినిక్స్‌ తాజాగా మార్కెట్లోకి మరో కత్త ఫోన్‌ను లాంచ్‌ చేసింది. జులై 18వ తేదీ నుంచి ఫ్లిప్‌కార్ట్‌లో అందుబాటులోకి రానున్న ఈ ఫోన్‌కు సంబంధించిన ఫీచర్లు, ధర వివరాలపై ఓ లుక్కేయండి.
ఇన్‌ఫినిక్స్‌ హాట్‌ 30 5జీ స్మార్ట్ ఫోన్‌ 4జీబీ ర్యామ్‌ +128 జీబీ స్టోరేజ్‌ ధర రూ. 12,499 కాగా, 8 జీబీ ర్యామ్‌, 128 జీబీ స్టోరేజ్‌ ధర రూ. 13,499గా ఉంది. యాక్సిస్‌ బ్యాంక్‌ క్రెడిట్ కార్డ్‌పై కొనుగోలు చేస్తే రూ. 1000 ఇన్‌స్టాంట్ డిస్కౌంట్ లభిస్తుంది.
ఈ స్మార్ట్ ఫోన్‌లో 6.78 ఇంచెస్‌ ఫుడ్‌ హెచ్‌డీ+ డిస్‌ప్లేను ఇచ్చారు. 120Hz రిఫ్రెష్ రేట్ ఈ స్క్రీన్‌ సొంతం. మీడియా టెక్‌ డైమెన్సిటీ 6020 SoC ప్రాసెసర్‌తో ఈ స్మార్ట్‌ఫోన్‌ పనిచేస్తుంది.
ఆండ్రాయిడ్‌ 13 ఆపరేటింగ్ సిస్టమ్‌తో పని చేసే ఈ స్మార్ట్ ఫోన్‌లో 18 వాట్స్‌ ఫాస్ట్ ఛార్జింగ్‌కు సపోర్ట్‌ చేస్తే 6000 ఎమ్‌ఏహెచ్‌ బ్యాటరీని ఇచ్చారు.
ఇక కెమెరా విషయానికొస్తే ఈ స్మార్ట్ ఫోన్‌లో 50 మెగా పిక్సెల్‌ రెయిర్‌ కెమెరాతో పాటు, సెల్ఫీల కోసం 8 మెగాపిక్సెల్ ఫ్రంట్‌ కెమెరాను అందించారు.