Fire-Boltt: కెమెరా, 4జీ సిమ్‌, ఇంకా ఎన్నో ఫీచర్స్‌… అదిరిపోయే స్మార్ట్ వాచ్‌
ప్రస్తుతం వాచ్‌కు అర్థమే మారిపోయింది. ఒకప్పుడు వాచ్‌ అంటే కేవలం సమయం తెలుసుకునే గ్యాడ్జెట్‌. కానీ వాచ్‌తో చేయలేని పని అంటూ లేదు. అధునాతన ఫీచర్లతో కూడిన స్మార్ట్‌వాచ్‌లు మార్కెట్లోకి వస్తున్నాయి. ఈ క్రమంలోనే తాజాగా ఓ కొత్త వాచ్‌ తీసుకొచ్చారు. ఇంతకీ వాచ్‌ ఏంటి.? ఇందులో ఉన్న ఆ ఫీచర్స్‌ ఇప్పుడు తెలుసుకుందాం..
ప్రముఖ ఎలక్ట్రానిక్‌ దిగ్గజం ఫైర్‌ బోల్ట్ భారత మార్కెట్లోకి కొత్త వాచ్‌ను లాంచ్‌ చేసింది. ఫైర్‌బోల్ట్‌ స్నాప్‌ పేరుతో తీసుకొచ్చిన ఈ స్మార్ట్ వాచ్‌లో కళ్లు చెదిరే ఫీచర్లను అందించారు.
ఈ స్మార్ట్ వాచ్‌లో సెల్ఫీ కెమెరాను అందించడం విశేషం. దీంతో వాచ్‌తోనే వీడియో కాల్స్‌ మాట్లాడుకోవచ్చు. ఈ ఫోన్‌ 4జీ నానో సిమ్‌ స్లాట్‌కు సపోర్ట్ చేస్తుంది. దీంతో సిమ్‌ కార్డుతో నేరుగా కాల్స్‌ చేసుకోవచ్చు. ఇక ఈ వాచ్‌లో 2.1 ఇంచెస్‌తో కూడిన అమోఎల్‌ఈడీ డిస్‌ప్లేను అందించారు.
ఈ వాచ్‌కు అచ్చంగా స్మార్ట్ ఫోన్‌లాగే పనిచేస్తుంది. ప్లే స్టోర్‌తో వచ్చే ఈ వాచ్‌లో అన్ని రకాల యాప్స్‌ను డౌనల్‌లోడ్‌ చేసుకోవచ్చు. ఓటీటీలను కూడా వీక్షించొచ్చు. ఇందులో 1000 ఎమ్‌ఏహెచ్‌ బ్యాటరీని అందించారు.
ఇక ఈ వాచ్‌ను 2జీ ర్యామ్‌, 64 జీబీ స్టోరేజ్‌, 2 జీబీ ర్యామ్‌, 64 జీబీ స్టోరేజ్‌ వంటి వేరియంట్స్‌లో తీసుకొచ్చారు. ఆండ్రాయిడ్‌ ఆపరేటింగ్ సిస్టమ్‌తో ఈ ఫోన్‌ పనిచేస్తుంది. గేమ్స్‌కి కూడా ఈ వాచ్‌ సపోర్ట్ చేస్తుంది.
ధర విషయానికొస్తే ఈ వాచ్‌ అసలు ధర రూ. 24,999కాగా ప్రస్తుతం అమెజాన్‌లో కేవలం రూ. 5999కే సొంతం చేసుకోవచ్చు. 76 శాతం డిస్కౌంట్‌తో లభిస్తోంది. పలు బ్యాంకులకు చెందిన కార్డుతో కొనుగోలు చేస్తే అదనంగా డిస్కౌంట్‌ పొందొచ్చు.